Leita í þessu bloggi

föstudagur, mars 22, 2013

Músiktilraunir og hálf-full glös

Líf mitt hefur verið mun fjölbreyttara en líf þessa bloggs bendir til, sem er synd því ein aðalástæða þess að ég blogga er til að geta flett upp í mínu eigin lífi seinna (að því gefnu að hamfarir geri ekki allar tölvur ásamt internetinu óstarfhæfar eftir nokkur ár). En hvað um það, Músiktilraunir 2013 hafa verið í fullum gangi þessa viku og úrslitin eru á morgun í Silfurbergi í Hörpu. Þar er um algjöra lúxus-versjón af Músiktilraunum að ræða, því húsakynni eru þægileg, sæti líka, og hljómurinn nálgast fullkomnun. Það ætti því að vera hægt að mæla með því að kíkja í Hörpu á laugardag klukkan 5. Svo er ég hætt í japönsku í Háskóla Íslands og er að leita mér að dagvinnu. Búin að sækja um á einu kaffihúsi og einni sjoppu. Ætla að skoða nokkra hluti sem ég er búin að læna upp sem annað hvort skemmtilegum vinnustöðum eða sem skemmtilegu fólki að vinna þar svo vinnan sjálf verði betri. Maður er nefnilega manns gaman eins og máltækið segir, og því eru góðir vinnufélagar stundum jafnvirði nokkuð margra þúsundkalla, og gera skítalaun skárri. Það er reyndar ekki hægt að éta vinnufélagana í kvöldmat, en ef þeir eru skemmtilegir og maður hlær mikið yfir daginn er maður svo hamingjusamur að kvöldi að maður borðar minni skammt með bros á vör... Glasið er hálf-fullt...af ódýrasta Bónus-sódavatninu reyndar, en það er samt gos í því. Vú hú, lifi allt skemmtilegt og bú á leiðinlegt og þras og þvælu og lifi Músiktilraunir alveg sérstaklega og lifi unglingar og lifi tónlist. Góða helgi!

2 ummæli:

Lissy sagði...

Já, ef maður vilt ekki selja lifið sitt til stórfyrirtæki og græðakerfi, þá er maður næstan alltaf með hálf-full glös. Ég er að leita eftir vinnu líka. En eins og ég sagði nemendu sem spyrði yfir framtið, þegar mann er vel menntuð, þá þola mann mikið betri svona tímabil.

Heida Eiriksdottir sagði...

Það er rétt Lissy, og eins er ekki til "atvinnulaus" heimspekingur. Við hættum jú aldrei að hugsa... Kannski ég bara fari að íhuga doktorsnám.