Þessi vika fór framhjá, án þess að ég gæti fullyrt hvað ég gerði í henni. Veit samt að það var mikið, bara ekki nákvæmlega hvað það var. Ég veit stundum ekki hvaða vikudagur er þessa dagana, og er að spá hvort mér líði meira eins og það sé alltaf mánudagur, eða allaf fimmtudagur eða jafnvel alltaf laugardagur. Það er allavega ekki alltaf sunnudagur, því á sunnudögum er Abbababb, og þótt ég hafi ekki komið síðast af því ég var lasin, held ég að ég komi næst og næst og næst og...já á sunnudögum fer ég semsagt á Abbababb. Annað er ekki planað nema á blaði, og plönin verða bara að vera eftir bestu getu og vitneskju og geta breyst með litlum fyrirvara, og þá bara geri ég eitthvað allt annað. Veit þó að ég fer allavega í Hafnarfjörð, á Vík og í Eyjar á næstunni. Á morgun er dagur innsláttar og símtala. Plön staðfest, þeim breytt, áætlanir haldast eða ekki, kaffi drukkið eða ekki, fánar dregnir að húni eða ekki (fer eftir veðri). Að haga seglum eftir vindi. Að halda sér við efnið, en sníða sér stakk eftir vexti. Ostur er veislukostur. Margur verður verri þótt hann vökni. Oft má happ úr hendi sleppa. Sjaldan fellur happið langt frá Heiðunni. Ég held ég sé að villast í þokunni á Heiðunni.

Jæja, horið búið. Óliver greyið fékk það þó allt. Þá tekur við að skiptast á að vera heima úr vinnunni til að passa litla skinnið. Það er með ólíkindum að þjóðfélagið skuli yfirleitt virka svona á vorin þegar flensur eru að ganga. Frétti að það væru um tíu afbrigði af pestinni í gangi núna, og ekki allar jafn-snyrtilegar og sú sem ég fékk.

Neverending horið (sungið við lagið Neverending story með Limahl)

Augun mín
enni líka'og neee-eee-eeef
hafa'í sér
geysimikið kve-eee-eeef
Ég get ekki meira
verð að hætta'að liggja kjurr
og ég þarf að far'á fætur
en er ekki laus við neverending hoooriiiið, lalala, lalala, lalala,
neverending hoooriiiið, lalala, lalala, lalala,

deja vu: ég veik, ligg í rúmi. elvar að vinna bæði í morgun og næstu nótt, og því er enginn í fjölskyldunni að taka til. húsið steik, hausinn á mér líka. óliver ótrúlega sjálfbjarga miðað við 5 ára. fór og kúkaði og skeindi alveg einn áðan, og svo bara er hann búinn að ná sér í að borða og gat gengið frá líka í ískápinn. Hann bað reyndar um hjálp við að láta á sultuna á brauðið, gat ekki opnað sultukrukkuna. reyndar gat ég það varla heldur, sökum slapperís,en...þetta hafðist hjá okkur. er eiginlega bara búin að sofa og svitna og vakna og lesa blöð/blogg/tölvupóst+svara í 2 sólarhringa. kláraði reyndar eina Haruki Murakami-bók líka. Sunnan við mærin, vestur af sól, en áður hafði ég lesið Norvegian Wood og líka smásagnasafnið Eftir skjálftann. Allt sem hann skrifar æði. Gjörsamlega frábærlega pottþétt.

Það er ýmislegt búið að gerast í dag. Fór m.a. sem gestur í fyrsta skipti í 4 ár upp í RÚV. Var bara að fylgja Abbababb-genginu í poppland, enda er ég grúppían þeirra. Svo fór ég bæði á kaffihús og matsölustað, en að lokum var svo skellt sér á frumsýninguna á Draumalandinu í Hafnarfjarðarleikhúsinu. Í lok kvölds, áður en haldið var heim á leið, var áð á Ásvallagötu, hestaskál drukkin og ýmis málefni krufin til mergjar, meðan fjórir glaðir félagar horfðu saman á teiknimyndir og borðuðu perur.
Það allra, allra, allra skemmtilegasta í dag var þó nímælalaust að róla með Óliver. Við róluðum á okkar uppáhalds róló í Reykjavík, og gleymdum okkur bæði í áreiðanlega tuttugu mínútur, að spjalla um daginn og veginn og róla. Það er það allra besta í heimi, að róla og spjalla við einhvern sem er jafn-skemmtilegur og gáfaður og hann Óliver er. Rosalega er ég glöð að þekkja hann! Nýtt markmið: Að róla annan hvern dag. Það er mannbætandi.

Ég er með hita, tilfinningin að hausinn sé fullur af bómull. síðasti útvarpsþátturinn í kvöld. Á eftir að sakna þess að gera útvarpsþætti, það er mjög "húkkandi". Tek út tvo hlekki sem virðast hættir, hvort sem það er nú tímabundið eða ekki. Læt inn eitthvað sem ég les stundum í stað hinna lömuðu linka.

Sjitturinn, ég er farin að naga neglurnar aftur, ég sem var alveg hætt. Spurning um að byrja bara að reykja til að hætta að naga. Eða eruð þið með betri ráð? Svo fyrir þá sem hafa tíma og nenna ekki sjónvarpinu, þá er þetta gaman. Mjög hættulegt, samt. Horfði á 5 House-þætti í gær. Elska House, besta sjónvarpsefni since Six feet under. Annars nenni ég ekki að blogga mikið. Mjög gaman að vera til, og komiði á opnun kosningamiðstöðvar V.G., Grófinni 7, Keflavík, næsta laugardag (10.03) klukkan 15.00. Sjáumst!

Jæja. Undur og stórmerki gerast. Ég á frí í dag. Engar skuldbindingar whatsoever, nema ef væri að laga svolítið til í ruslahaugnum okkar, sem við kjósum að kalla heimili. Náði að grafa mér leið að morgunverðarborðinu OG hellunum og gera hafragraut fyrir fjölskylduna í svona síðbúinn morgunmat. Held ég sé að ala barnið upp í góðum bóhemískum siðum, frekar að borða brunch en breakfast/lunch, o.s.frv. Óliver er búinn að vera einstaklega skemmtilegur, enda hefur hann verið svo mikið að þvælast með okkur foreldrunum um allt. Hefur mætt á fundi og ráðstefnur V.G., verið með pabba í leikhúsinu og bara mikið aksjón verið í gangi.
Í fyrradag þreif ég bílinn á prýðilegri al-sjálfvirkri þvottastöð á Aðalstöðinni í Keflavík (topp-aðstaða, og ódýrt) og þurrkaði rykið innanúr, gerði eiginlega allt nema að ryksuga, nennti því ekki.
Í gær var komið að því að þrífa sjálfan sig að innan jafn sem utan, svo ég skellti mér í Laugar, og prufaði langan lista af heitum böðum og gufum og hvað eina. Þetta er sko eitthvað sem ég væri til í að gera lágmark einu sinni í mánuði, spurning hvort það væri ekki snjallara hjá þeim að hafa þetta helmingi ódýrara og þá kæmi fólk oftar. Kostar núna 3800kr. og ég kæmi einu sinni í mánuði ef ég þyrfti að borga t.d. 2000kr.
Í dag er það svo íbúðin sem þarf þrif. Þá eru það skrif sem liggja fyrir. Reyna að fá sig birta í einhverjum blöðum. En allt hefur sinn tíma og fyrst: Kaffi!

Óliver fékk gubbupest, og var kalt, með hita og heima í leikskólanum einn dag. Nú er hann í fullu fjöri einhvers staðar að leika ninja-kall með sverð, þrífork og grímu og ógeðslegar gerfitennur, en ég fékk pestina hans og er að passa hana heima. Reyndar ekki gubb í minni útgáfu, heldur bara svæsinn magaverkur og kalt, líklega smá hiti. Elvar í vinnu, Óliver í leikskóla, það er öskudagur, og ég er í keng. Hmm. Ég sem ætlaði að vera galdranorn í dag, en verð ég þá ekki bara að gera það á morgun? Ég borðaði nú bollur á sunnudag og þriðjudag, ekkert á sjálfan bolludaginn. Það hlýtur að vera í lagi að taka öskudaginn degi of seint? Í fyrra var ég vampíra, og mætti þannig uppí útvarp. Man ég var eina "fullorðna" í búning þann daginn í Efstaleitinu.

Þetta eru alveg doldið margar spurningar, en skemmtilegar eru þær. Fékk þær hjá Láru.
1. Það er dinglað hjá þér tvö að nóttu. Hver myndir þú vilja að það væri? David Bowie, sem vantar sófa til að gista á og rafhljómsveit til að gera með sér plötu.

2. Yfirmaður þinn segir að hann muni veita þér launahækkun ef ..? ...ég held áfram að vera svona skemmtileg?

3. Þú í hnotskurn? Hneta.

4. Hefur þú séð draug? Ég veit það ekki.

5. Ánægður með líkama þinn? Mjög.

6. Ég myndi flytja til Akureyrar ef...: ...allir í fjölskyldunni fengju áhugaverðar og skapandi vinnur og góða skóla, og draumahúsnæði á góðum kjörum.

7. Staður sem þú hefur búið á og saknar: Berlín, London, Marseille, Reykjavík,

8. Vinna sem þú myndir aldrei starfa við, sama hvað þú fengir borgað: Vændiskona, klámmyndaleikkona, súludansari, verðbréfasali, eitthvað starf fyrir sjálfstæðisflokkinn...

9. Hljómsveit sem þér fannst "cool" þegar þú varst 13: David Bowie, U2, Smiths, Prince & the Revolution, Foreigner, Beatles, Queen,

10. Þú vaknar upp eftir slæma martröð, í hvern myndir þú hringja? Mömmu.

11. Langar þér að eignast börn fyrir þrítugt? Mig langaði ekki að eignast barn fyrir þrítugt, svo eignaðist ég eitt sama ár og ég varð þrítug. Það var fínn tími, bara.

12. Sterkasta minningin þín úr framhaldsskólanum: Allt tengt leikfélaginu, og það tónlistarbrölt sem hljómsveitin Útúrdúr fékkst við. T.d. leðjumyndbandið fyrir Annir og Appelsínur, það var skemmtilegt að gera það.

13. Einhvern tímann verið ástfangin af maka vinar? Nei.

14. Mesta prakkastrik sem þú hefur gert í vinnunni? Æ, kann ekki að gera nógu töff prakkarastrik.

15. Hvorum foreldra þínum líkist þú meira, móðir eða föður? Hmm, er ég nokkuð lík neinum í heiminum? Sumir segja þó að ég sé með augnsvipinn úr föðurættinni minni. En inní mér er ég alveg "unique"

16. Eitthvað sem þú hefur alltaf viljað læra að gera: Fljúga, er enn að bíða eftir því að það vaxi á mig vængir.

17. Ennþá vinur fyrrverandi maka? Jájá, auðvitað.

18. Hvar myndir þú vilja vera eftir 10 ár: Alveg sama, bara enn að gera tónlist og með góðu sætu fjölskylduna mína í kring um mig.

19. Eitthvað sem þú lærðir um sjálfan þig á þessu ári(2006): Lærði að ég get áreiðanlega fleira en ég hélt ég gæti.

20. Hvað langar þig í í afmælisgjöf? Niðurgreiðslu skulda.

21. Nefndu þrjá hluti sem þú gerðir í dag? Tók til smá, slæptist, talaði í símann, pússaði spegilinn á baðinu, hlustaði á Ladda með Óliver, fann til mikið af þýskri tónlist, las póst, slúður og bloggaði á netinu.

22. Það síðasta sem þú verslaðir fyrir þig? klippingu.

23. Er eitthvað hangandi undir baksýnisspegilnum í bílnum? Tveir lafandi stórir eyrnalokkar sem við Elvar höfum fundið á víðavangi, glitrandi og fínir.

24. Hvað fékkstu þér í morgunmat? Kaffi, sirjós, banana.

25. Hver í kringum þig er með flestu húðflúrinn: Vó, Thelma er með 2, ætli það séu ekki flest. Nei heyrðu, ég þekki Sigga Pönk, hann er með alveg böns.

26. Hvað sefur þú að jafnaði í marga klukkutíma á sólahring? 8-9, ef ég sef minna er ég þreytt og viðkvæm.

27. Hefur þú einhvern tímann verið bundinn? Tja, er maður ekki alltaf bundinn einhverju eða einhverjum? Heitbundin Elvari, til dæmis.

28. Hvað hefðir þú frekar vilja vera gera þessa stundina? Ég er nú á leiðini út að labba, og svo ætla ég að ná í Óliver.

29. Hvaða nafn kemur fyrir fremst í símaskránni þinni? Addi Sólstafir.

30. Hvenær varstu síðast vitni af slagsmálum? Á síðasta ári, vóvóvó, það var rosalegt :-)

31. Hvaða áfenga drykk drakkstu þú síðast? Bjór, í boði Partyzone.

32. Finnst þér gott að láta toga í háríð þitt? Já, ágætt, er allavega ekkert hársár.

33. Nefndu þrjá staði sem þú myndir vilja ferðast til: Berlin, New York, Tokyo.

34. Ertu góð/ur á skautum? Neeei, ekkert spes.

35. Hvað finnst þér um BRAD PITT? Allir sætir leikarar eru ekkert sætir að mínu mati, Brad Pitt er einn af þeim, og ég man ekki einu sinni eftir neinni mynd sem hann leikur í í augnablikinu. Er meira fyrir skrýtna leikara og eftirminnilega, eins og Steve Buschemi, sem er minn uppáhalds.

36. Hvaða litur er á táneglunum þínum? Stundum rauður eða svona silfurglimmer, en í dag náttúrulegur, ljósrauðbrúnn.

37. Við hvern talaðir þú síðast við í síma? Gunna.

38. Átt þú eitthvað með hauskúpu á? Nei, því miður.

39. Hefur þú ferðast mikið innanlands? Allt of lítið, á það eftir.

40. Síðasta mynd sem þú sást? Billie Elliot, sá hana á vídeó alveg nýlega, og skældi smá.

41. Hvar varst þú þegar þú fékkst fyrsta kossinn? Einhversstaðar eitthvað að gelgjast.

42. Síðasta spil sem þú spilaðir? Uno við Óliver.

43. Hefur þú fengið glóðarauga? Mig minnir það.

44. Á hvaða videoleigu ferð þú helst á? Kompu-vídeóleiguna sem ég starfræki sjálf.

45. Hefur þú gengið í sokkabuxum? Já, er í svörtum, þykkum, ullar núna í dag.

46. Þekkir þú einhvern sem er í fangelsi? Nei.

Jæja, þetta fór nú svona. Er ekkert rosalega tapsár, þar sem Eiríkur Hauksson er snillingur og eðaltöffari. Það má segja að Eiki sé einn allrabesti rokksöngvari sem við höfum átt hér á Íslandi. Það er rosalega gott að Íslendingar hafi kosið alvöru-lag með alvöru flytjanda, en keppnin hefur soldið snúist út í keppni um besta sjóvið. Það er semsagt gott lag, en ekki bara gott sjó sem vann. Áfram Eiki Hauks sem er alvöru töffari!

Nú er að duga eða drepast:
VIð erum númer tvö í röðinni í kvöld, sirka 25 mínútur yfir átta. Þegar allir hafa sungið verðið þið að kjósa. Ég treysti á ykkur!

Ég og heilinn minn
Lag: Dr. Gunni og Ragnheiður Eiríksdóttir
Texti: Dr. Gunni
Flytjandi: Ragnheiður Eiríksdóttir
Símanúmer: 900 2002

Takk fyrir þátttökuna í Blóð-lögum. Blóð-þema Næturvarðarins, hugmyndin frá Bubba Morthens, frestast því miður um viku, til 24.02, og því hafa allir meiri tíma til að láta sér detta í hug lög. Ágúst Bogason verður Næturvörður næstkomandi laugardagskvöld, júróvisjónkvöldið, en það er auðvitað betra að hafa einhvern við stjórnvölinn þetta kvöld, sem getur tekið við óskalögum. Það er nefnilega næsta víst og mjög eðlilegt að hlustendur vilji heyra uppáhalds-júrólögin sín, erlend sem innlend, á þessu lokakvöldi undankeppninnar. Þetta er hið besta mál og því tek ég við blóð/blood/bleed- hugmyndum alveg fram yfir næstu helgi. Annars allt gott. Ég dansa bara um og hef gaman af lífinu. Hlakka til laugardagsins.

Ferskeytlan um gömlu sokkana hefur vonandi ornað ykkur á tánum nógu lengi. Nú er mánudagur, nokkur hressleiki farinn að gera vart við sig hjá mér eftir stappaða helgi, og ævintýri vikunnar framundan farin að kitla. Um helgina fór ég á Abbababb tvisvar (forsýningu og frumsýningu), og verð hér með að gefa þeirri sýningu fullt hús stiga. Það kviknaði bara á barninu í mér og er alls ekki slokknað á því enn, og ég tel niður mínúturnar þar til ég get farið aftur. Einnig spilaði ég á voðalega fínni árshátíð, fékk að velja lög sjálf og fyrir valinu urðu fimm lög: All I've got to do - Beatles, Don't let me down - Beatles, La det Svinge - Bobbysocks, J'aime la vie - Sandra Kim og Tangó - Heiða. Þetta lagaval rann ljúft niður með aðalréttinum hjá fólkinu, og var ég ótrúlega glöð að heyra að fólk söng með, bæði í Don't let me down og í La det svinge. Næturvörðurinn var skemmtilegur á laugardagskvöld og mikið hringt. Ég get hér með tilkynnt að fyrri hlutinn verður tekinn upp næsta laugardagskvöld, sökum júróvisjónkeppninnar, og verður þemað BLÓÐ, en það er hugmynd að þema frá engum öðrum en Bubba Morthens.
Blóð-lög næsta laugardag, í boði Bubba Morthens, og nú vil ég sjá fullt af hugmyndum í kommentakerfið hér fyrir neðan!

Þetta er ferskeytla um gamla sokka sem Óliver fann undir skáp:

Aldnir sokkar undir skáp
í óhreina tauið seinir
Þorrið er allt þeirra táp
Því þeir eru óhreinir

Ef henni er breytt aðeins er hægt að búa til hringhendu, en þá detta stuðlar og höfuðstafir aðeins út. Þetta er fyrsta hringhenda sem ég smíða, og fyrir þau sem ekki átta sig á því hvað hringhenda er: Það er vísa sem hægt er að lesa fram og aftur á bak.

Sokkaparið undir skáp
óhreina í tauið seinir.
Farið er allt þeirra táp,
því þeir eru óhreinir.

...og...

Óhreinir eru þeir, því táp
þeirra allt er farið.
Seinir tauið í óhreina, skáp
undir, sokkaparið.


Já, þetta er nú ekki fullkomin ferskeytla hjá mér, og aðal-gallinn er sá að sokkaparið er í hvorugkyni og stýrir samt sem áður kk-mynd af lýsingarorðunum seinir og óhreinir...En ef maður gefur sér að lesendur hugsi sér að sokkapar geti líka verið sokkar (svona yfirfæri orðin í huga sér á meðan þeir lesi vísuna), þá gengur þetta betur upp.
Anyway, hringhendan er fædd, og í dag er því hringhendudagur

Fékk að vera fyrirsæta ekki bara einu sinni heldur tvisvar í gær. Þetta er trikkí djobb, og eins og alvöru módel gleymdi ég að borða kvöldmat og fékk mér pulsu á leið heim, nær dauða en lífi af hungri og þreytu. En þetta var gaman maður!!! Vá, hvað ég er greinilega mikil fyrirsæta í mér (hehehe). Fyrra sessjónið var fyrir Júró og það seinna fyrir Hellvar. Í því fyrra brosti ég og var sæt, í því seinna var ég alvarleg og horfði út í loftið... Fyrra: Hárið sléttað, Seinna: hárið túberað...Allt var mismunandi, en þetta var ógurlega gaman. Og nú er ég svöng fyrirsæta með túberingarhár sem er allt í flækju og ég þarf að fara að fjárfesta í hárnæringu til að ná hárinu niður svo ég hræði nú ekki litlu börnin þegar ég fer að ná í Óliver á leikskólann á eftir.

Svona á að gera í kvöld:

900 2007 Ég og heilinn minn

* Eftir að símakosning er hafin gefast um 35 mínútur til þess að kjósa.
* Einungis þau atkvæði sem greidd eru innan tímarammans eru gild.
* Eitt atkvæði er gefið ef hringt er eða sent sms í viðkomandi símanúmer. Enginn texti þarf að fylgja sms skilaboðum.
* Ekki er hægt að hringja úr númerum sem lokuð eru fyrir hringingar í símatorg.
* Heimilt er kjósa fimm sinnum úr hverju símanúmeri en gjaldfært er fyrir öll símtöl.
* Hvert símtal/SMS kostar 99,- kr.

Ég er glöð, og þetta verður gaman.

Er hugsanlegt að ég hafi of mikið að gera þessa viku? já,...það er möguleiki. Fresta því hér með að skrifa eitthvað hér þar til ég er búin að syngja lagið „Ég og heilinn minn“, í 3ja riðri Evrósjónar, næstkomandi laugardagskvöld. Sé ekki fram úr augunum vegna alls kyns æfinga og funda og æfinga og æfinga og...dreymdi að ég dytti og allir fóru að hlægja að mér...
Hm, fall er fararheill, skulum við vona. En allavega, ef þið fílið lagið, þá hvet ég ykkur til að kjósa það. Má annars ekki alveg segja svona á manns eigin síðu....???
(vona það)
Love,
Heiða

Mjög náðug stund sem ég á hér alein í rólegheitum. Heyri suðið í handboltaleik innan úr herbergi, Óliver fór út að leika, og allir sem ég átti að hringja í eru að horfa á sama leikinn og enginn með kveikt á símunum sínum. Vá hvað ég er sátt við stundina sem er að líða.

Afmælisdagurinn var bestur, bara. Var vakin með morgunmat í rúmið sem Óliver og Elvar höfðu gert, Óliver fékk að hræra í hafragrautnum og það gekk voða vel hjá honum. Svo fékk ég pakka í rúmið frá Óliver: glös, kisusokka og krossgátublað. Labbaði í Öskjuhlíð með Elvari eftir hádegið og faðmaði þar meðal annars tvö tré. Fengum okkur ís í Perlunni, ég fékk Tiramisu-ís. Svo fórum við aðeins í hljóðver, sem er náttúrulega alltaf svakalega gaman. Svo keyptum við borðplötu á skrifborðið okkar (takk pabbi og mamma!) og fórum svo í kaffi og samlokur, öll fjölskyldan, til Thelmu. Svo keypti ég inn, fór svo í mátun á búningi, svo á V.G.-fund, svo á Pub-quiz, og svo kom ég heim og vaskaði upp, hengdi upp úr vél, og bjó til hið stórkostlega Tabulé, sem er nokkurs konar kúskús-salat, hrillilega gott. Sofnaði seint og síðar meir, því ég var með svo mikla orku eftir þennan frábæra dag.