Leita í þessu bloggi

laugardagur, desember 29, 2007

Er i Berlin. Gott og gaman her. Ja ja ja. Spilum a morgun a Intersoup og veiveivei!

föstudagur, desember 21, 2007


Everybody loves the sunshine með Roy Ayers er uppáhaldslag Timo Maas. Þetta er hreinlega snilldarlag, og mjög afslappandi og yndislegt að hlusta á í meintu jólastressi.

fimmtudagur, desember 20, 2007



Þetta verður næsta lag sem Hellvar æfir upp, ef ég fæ að ráða. Langar að spila þetta á áramótunum í Berlín, og gera þetta svo að fastalagi á prógramminu okkar. Fékk þetta á heilann í sturtu fyrr í vikunni. Eflaust eitthvað sem ég hef dansað við í diskódönsum hjá Dansskóla Heiðars Ástvaldsssonar um það leiti sem lagið kom út. Ellllsssssskkaaaa þetta.

þriðjudagur, desember 18, 2007




Annars er svakalega dimmt úti eitthvað og undarlegt hvað það róar mann alltaf niður og gerir mann að bjarndýri. Í fréttum er það annars helst að Elvar braut stórutá, og situr því í öllu spileríi sem framundan er. Óliver er í stuði, fer í jólafrí á miðv. en litlu jólin eru á fimmtudagsmorgunn kl. 9 og þá er svo komið frí. Búin að tala við skólaskrifstofu um að hann flytjist upp í Barnaskóla Hjallastefnunnar uppá velli. Djö, verður það fínt, maður. Lítill og sætur skóli, lítið og sætt háskólasamfélag, stór og sæt íbúð, stórt pláss fyrir stærri hugmyndir. Hausinn minn telur niður daga í jólatjill, en í dag eru 3 dagar til viðbótar eftir af vinnu þar til komið er frí. Spilum svo eins og við getum, tökum öll tilboð héreftir, já ef ykkur vantar að fá band til að leika nokkur lög er Hellvar til. Erum ógeðslega hress, sko. Akureyri síðustu helgi sannaði það, því við lékum afar fína tónleika þrátt fyrir að helmingurinn af græjunum okkar hefði verið sendur til Egilsstaða fyrir misskilning. Já, engin lágdeyða lífi Hellvar þessa daga.

laugardagur, desember 15, 2007

Hin umdeilda hljómsveit Hellvar leggur nú í innlendan víking og ætlar að heilla Norðurland allt með trommuheila- og nýbylgjupoppi sínu, því hinu sama og gagnrýnendur Monitors hata, en gagnrýnendur Morgunblaðs og Fréttablaðs lofa. Sjá nánar hér
Fengum og prýðilegan dóm í DV í vikunni sem er að líða en mér hefur ekki enn tekist að finna hann á netinu. Þar fengum við 3 stjörnur af 5. En hver er að telja stjörnur svosem? Það sem skiptir máli er að koma á Hellvar-tónleika og sjá fyrir sjálfa(n) sig. Græni hatturinn er það heillin, laugardagskvöldið 15.des er staðurinn. Verðum að fá marga inn, svo hæstvirtur útgefandi vor, Kimi Records, þurfi nú ekki að greiða ferðakosnað úr eigin vasa. Já, ég segi og skrifa: Hellvar er annað hvort æðislega óspennandi og Heiða kann ekki að syngja, eða mjög skemmtilegt og Heiða syngur eins og engill.........Hehehehe. Sjáumst á Akureyri, og ég pant fara í Amaró.
p.s. Ég dj-a vínilplötum í kvöld á undan og eftir gigg! Hííííí-ha.

þriðjudagur, desember 11, 2007

Fyrir þau ykkar sem misstu af þessu:
Hellvar spilar í strætó

fimmtudagur, desember 06, 2007

,,...Ég hélt að Heiða kynni að syngja? Hún ætti að halda sig við Dr. Gunna og syngja í Evróvision. Þar hefur hún allavega snefil af sjarma. Svona innst inni veit maður samt að hún á aldrei eftir að vinna..."

Hahahhaha! Þetta er ótrúlega fyndið. Alvöru gagnrýni hér á ferð!!!

Tekið úr fyrsta dómnum sem Hellvar - Bat out of Hellvar fær.
Farið og lesið hann í fullri lengd hér.

þriðjudagur, desember 04, 2007

Ein fjölskylda er Óliver Elvar og Heiða.
Þetta blog er samið af Óliver Elvarssyni.

föstudagur, nóvember 30, 2007

fimmtudagur, nóvember 29, 2007

Gleðilegan fimmtudag, og farsæla komandi helgi! Ég og Elvar spilum á laugardag með ABBABABB!-hópnum á Akureyri, og með HELLVAR-fjölleikahúsinu á Paddy's í Reykjanesbæ á laugardagskvöldið. Elvar er með Dys á Andspyrnuhátíð í TÞM á föstudagskvöld, og ég veit ekki betur en sunnudagurinn 2.desember sé óbókaður í alla staði. Kannski gefst tími til kvikmyndaferðar með afkvæmi. Svo erum við að selja íbúðina og flytjast upp á völl á Keilis-svæðið. Flytjum í janúar. Vantar einhvern hræódýra kúl íbúð í Keflavík?

föstudagur, nóvember 23, 2007

Þetta er gelgjuspurningalisti sem ég sá einhvers staðar. Kominn tími á einn svoleiðis:

1. Áttu einhver gæludýr?
Já, Barða Ljón, sem er köttur og er kallaður Ljóni.

2. Hvernig er peysan þín á litinn?
Bolurinn sem ég er í er hvítur með teiknimynd af Súmóglímukörlum.

3. Nefndu þrjá hluti sem að þú finnur nálægt þér:
Blátt ullarteppi, gsm-síminn og standlampi

4. Hvað heitir síðasta bókin sem þú last?
Leyndarmál Heimsins eftir Steinar Braga

5. Ertu/Varstu góður nemandi ?
ég er fyrirmyndarnemandi

6. Hvað er uppáhaldsíþróttin þín?
Að horfa á: Formúla1 og Súmó, að framkvæma: Sund og Billiard

7. Finnst þér gott að sofa út ?
Mjög mjög gott

8. Hvernig er veðrið úti?
Ískalt og vel til þess fallið að svara svona spurningum undir teppi.

9. Hver segir bestu brandarana?
Elvar og Óliver

10. Hvað var það síðasta sem þig dreymdi?
Man eitthvað um mat í nótt, hef líklega verið svöng.

11. Kanntu að keyra? Ef svo er, hefurðu einhvern tímann klesst á?
Kann að keyra og sem betur fer langt síðan ég klessti á e-ð, en það hefur gerst.

12. Ertu stolt af sjálfum/sjálfri þér?
Já, ég held það bara.

13. Er þér treystandi?
Hundrað prósent.

14. Hvað er uppáhalds maturinn þinn?
Sushi, tailenskur, indverskur, allur framandi matur

15. Hefur þú einhvern tímann átt leyndan aðdáenda?
Já, það hlýtur að vera.

16. Finnst þér góð lyktin af bensíni?
Mér finnst hún geðveik! MMmmm og líka rúðupisslykt.

17. Er drasl í herberginu þínu?
Soldið á skrifborðinu og bókastafli á náttborði, annars er þetta ok.

18. Gefstu upp auðveldlega?
Nei, eiginlega oft of seint.

19. Ertu í vinnu?
Blaðamaður 100%, tónlistarmaður 100%. Það er soldið mikið...

20. Klukkan hvað vaknaðir þú í morgun?
9 með Óliver og fengum okkur morgunmat.

21. Hvað fékkstu þér í morgunmat?
Sirjós með ab-mjólk og púðursykri

22. Hvenær fórstu síðast í sturtu?
úff það er of langt síðan, 3 dagar. Er búin að vera veik en er einmitt á leið í bað.

23. Hvað hafðirðu hugsað þér að gera á morgun?
Eitthvað af eftirtöldu: Út að ganga á Garðskagavita, í sund og gufu, eða í bíó með Óliver. Fer eftir veðri og stemmningu. Langar mest í sund og gufu, passa að verða ekki kalt samt.

24. Hvaða vikudagur er uppáhaldsdagurinn þinn, og af hverju?
Laugardagar eru oft ýkt fínir. Líka svona óvænt gleði á þriðjudögum eða fimmtudögum.

25. Hvað er minnst uppáhalds liturinn þinn?
Gæti verið hvítur og grár, en samt passa þeir alveg stundum.


26. Er einhver sem að þú getur ekki hætt að hugsa um?
Óliver og Elvar

27. Hvernig tannkrem notar þú?
Kaupi alltaf tannkrem í útlöndum, á núna eitt frá spáni og eitt frá usa. Usa-tannkremið er með Carribian mintu-bragði, sem er fríkí.

28. Finnst þér gaman af áskorunum?
Stundum

29. Hvað eru verstu meiðsli sem þú hefur orðið fyrir?
Brenndist á fæti, það var sárt. Man ekki eftir neinu "heavy", hef bara verið heppin.

30. Hvaða bíómynd sástu síðast?
Madagaskar með Óliver í morgun.

31. Ef þú gætir vitað einhvern einn hlut um framtíðina, hvað yrði það?
Ég myndi vilja vita víkingalottótölur næstu viku og svo vinna, og leggja peninginn inn á bók og lifa af vöxtunum. Þá gæti ég bara einbeitt mér að tónlist.

32. Hvað stóð í síðasta sms-inu sem þú fékkst?
Ég eyði út sms-um jafnóðum nema einhverjum sem eru fyndin. Þyrfti að fá fleirri svoleiðis, fann ekkert til að deila með ykkur.

33. Hver var síðasta manneskja sem þú talaðir við í símann?
Elvar

34. Hvað er uppáhalds námsgreinin þín í skóla?
Listgreinar og tungumál.

35. Hvað er síst uppáhalds námsgreinin þín í skóla?
Stærðfræði og raungreinar voru frekar leiðinlegar alltaf.

36. Hvort myndir þú frekar velja: peninga eða ást ?
Auðvitað ást, hún kemur alltaf fyrst.

37. Hvernig yrði draumafríið þitt?
Japan er soldið hott fyrir mér, og svo er ég nýbúin að uppgötva New York og langar þangað að tjilla með Elvari. Svo langar mig með fjölskylduna til Berlínar og svo langar mig líka að kynna Elvar fyrir París, en þangað hef ég nú ekki komið síðan 1998 um páskana.

38. Hver var síðasti íþróttaviðburður sem þú horfðir á?
Hef enga minningu um að hafa horft á íþróttaviðburð.

39. Þværð þú þvottinn þinn sjálfur/sjálf?
Já auðvitað, ég skít hann líka sjálf út.

40. Hvar varstu þegar 9/11 átti sér stað?
Sá þetta í sjónvarpinu á bensínstöð fyrst. Vorum á leið til Vigga í kaffi.

41. Hvað gerirru þegar sjálfssalar stela peningnum þínum?
Lem þá.

42. Hvernig eru rúmfötin þín á litinn?
Alls konar, á mörg sko. Núna eru röndótt á.

43. Hvaða hringitón ertu með í símanum þínum?
Heimagerða Speedmental með hljómsveitinni Hellvar

44. Hver var síðasta manneskja sem lét þig hlæja?
Elvar

45. Horfir þú á teiknimyndir?
Kemur fyrir ;-)

46. Hefur einhver einhvern tímann búið til kjaftasögu um þig og látið hana ganga?
Jájá, það er stuð!

47. Borðaru Sushi?
Vá, já.

48. Hvernig shampoo notarru?
Allskonar. Er núna með jarðarberja frá USA

49. Hvað ætlarðu að gera þegar þú ert búinn/n að klára þennan spurningarlista?
Fara heim til pabba og mömmu og athuga hvort þau eigi kvöldmat.

50. Hvaða lag geturðu hlustað á aftur og aftur og ekki fengið leið á því?
Look back in Anger með David Bowie.
Það byrjaði á því að vera mikið að gera. Svo varð ógeðslega mikið að gera. Svo varð viðbjóðslega, viðurstyggilega ógeðslega rosalega mikið að gera. Svo varð ég veik...Enn með hita í 3ja í veikindum. Samt er þetta að fara held ég. Hálsbólgan á undanhaldi, einungis léttur glersalli sem ég kyngi núna á móti glerbrotunum sem ég var að kyngja fyrst. Nýjasta einkenni veiki þessarar er svo hlustarverkur og hella, sem ég tók lyf við til að geta sofnað í gærnótt. Skömmu eftir að ég sofnaði vaknaði sætakrútt Elvarsson allur útgubbaður. Daginn áður var dregin úr honum tönn. Daginn þar áður fékk hann batmanhjól í hausinn á frístund. Já heilsutengdir viðburðir vikunnar eru með ólíkindum spennó. Heilsufarsblogg, eru þau ekki alveg dásamleg? Það er bara ekkert annað að frétta, afsakið.

miðvikudagur, nóvember 14, 2007

Jæja, það er nóg að gera og svona. Er að spá í að reyna að gera ekki of mikið og borða reglulega og svona, því ég fékk alveg herfilega í magann, ef til vill blanda af stressi og að borða á hlaupum. Þyrfti að byrja í jóga einhvers staðar. Er einhver sem les þetta með upplýsingar um jóga sem kennt er á Suðurnesjum á kvöldin? Það myndi alveg gera mér gott. Detour frá stressi í hvaða formi sem er er sjúklegt. Fór í pottinn hjá pabba áðan. Guðdómlegt! Er að fara að fá mér Organic Ayurveda Yogi Te, Bright mood, sem pabbi gaf mér líka. Ótrúlega bragðgott, svona lakkrískeimur, og slakandi og róar magann og allt. MMmmmmm. Morguninn kemur samt von bráðar og þá er það vinnuvinnvinn, frí um kvöld. Föstudag:vivvivvinnivinn OG Útsvar í beinni um kvöldið. Laugardagur: Spil og upplestur í Hafnarfjarðarbókasafni með Gunna. Sunnudagur: Síðustu ABBABABB!-sýningarnar. Kl. 14.00 og 17.00. Uppselt á fyrri sýningu, en miðar eftir á þá síðari. Kaupiði þá hér
Og ég mun mæta á þær báðar, og það verða sýningar númer 20 og 21 sem ég fer á. Svo mun ég grenja á sunnudagskvöldið því ég kemst aldrei aftur á besta leikrit í heimi. Mér líður eins og tímabili í lífi mínu sé að ljúka. Og síðustu helgi fékk ég svona rosalegt nostalgíukast þegar ég horfði á Abbababb, og leið eins og ég væri að horfa á Rocky Horror Picture Show. Sá sko myndina oftar en tuttugu sinnum. Horfi á hana hverja helgi eitt sumar heima hjá Sverri á Túngötunni í Keflavík. Stunum horfði ég oftar en einu sinni í röð, stundum nennti enginn að horfa með mér og ég horfði ein, stundum var stór hópur að horfa saman. Ógeðslega gaman að sjá eitthvað það oft að það verði eins og hluti af manni sjálfum. Maður getur farið með línurnar og ER bara orðin sem sögð eru. Þannig er Abbababb! fyrir mér. Og ekkert kemur í staðin.

mánudagur, nóvember 12, 2007

Já, ég held að það sé ekkert meira vekjandi en að dansa að morgni til og í fyrsta sinn í langan langan, tíma kemur út plata á Íslandi sem framkallar þennan effekt hjá mér. Ég dansa þessa morgna við nýútkomna plötu Páls Óskars sem heitir Allt fyrir ástina og er solid diskóplata. Kannski bara besta diskóplata sem komið hefur út á Íslandi síðan Ljúfa líf með Þú og Ég? Þá var ég 7 ára og dansaði einmitt mikið við þá plötu sem ég átti tekna upp á kasettu. Fór með pabba og mömmu í ferðalag til Akureyrar og ég átti kasettu með Glass House með Billy Joel öðru megin og Ljúfa líf með Þú og Ég hinu megin. Svo átti ég líka bleikan jogginggalla með hjólaskautum framaná. Good times...

föstudagur, nóvember 09, 2007

Gagagaga.Það er gaman að vera gaga.

miðvikudagur, nóvember 07, 2007

mánudagur, nóvember 05, 2007

Jæja, þá er ég orðinn blaðamaður aftur. Hóf störf hjá 24 stundum í morgun. Það er nú bara svakalega skemmtilegt og ég er nokkuð spennt, þótt ég sé enn að læra á ógeðslega tæknilegan tæknibúnað sem gerir mér kleift að láta myndir passa við greinar sem ég skrifa og alls konar sem er svo flókið að ég kann ekki að hugsa það, hvað þá útskýra það. Bless í bili.

fimmtudagur, nóvember 01, 2007

Bæti við tengingu á Véstein og tek út Rjúpu sem er víst ekkert búin að láta á sér kræla lengi. Læt líka Grímu eftir pláss Djonní sem er því miður ekki að blogga neitt, eins og hún er nú skemmtilegur penni. En hver veit hvernig framtíðin verður og allt er endurskoðanlegt. Bæti svo um betur og bæti inn Lindulólupönk og Önnu Ananas hinni ofurskemmtilegu. Veriði velkomin öllsömul!

miðvikudagur, október 31, 2007

Jæja, komið að nýrri tilraun: Blogga til að reyna að vakna og fara að gera eitthvað. Það er ekki eðlilegt hvað ég er löt og orkulítil og þreytt og kalt þessa dagana. Hefur líklega eitthvað með það að gera hvað það er kalt úti, og þá er líka kalt í húsinu nema ef maður liggur undir sæng. Nú er ég þar fyrir utan alveg einstaklega mikil kuldaskræfa og það þarf bara átak til að koma sér undan sænginni úr hita í kulda semsagt. Nema ef ég bý í landi sem er með hita, þá er ég alltaf rokin á fætur...eða já semsagt fer hraðar á fætur en í kulda, kannski ekki alveg rooooookin samt...ha. Nú, ég er búin að hanga uppi í rúmi undir sæng með tölvuna í nokkra klukkutíma og nenni ekki neinu. Nenni ekki að borða, nenni ekki að fara að pissa og nenni alls ekki að fara undan sænginni. Verð samt að gera eitthvað af þessu, ja eiginlega allt, borða til að lifa, pissa til að tæma þvaðblöðru, fara undan sænginni til að....hm verða kalt? Eða ég hleyp hratt og næ í fötin og fer með þau undir sængina og klæði mig þar í. Já, ég hef nú svo sem gert þetta áður. Þessi aðferð er klassísk. Það er líklega ekki mikið víkingablóð í mínum æðum, en víkingarnir létu sig líklega engu varða hvernig veður var heldur gengu hratt um með sín alvæpni og í lélegu skótaui og hlógu hátt og stórkarlalega, líka í kulda. Ég er komin af þrælunum sem þeir tóku sér á Írlandi, þar er fólk bara að tjilla og allir spila á hljóðfæri. Oppereisjön ná í fötin undir sæng hefst....núna!

mánudagur, október 29, 2007

Var að finna þetta á netinu, á heimasíðu Félags Íslendinga í Berlín, og er þar með komin staðfesting á fyrstu tónleikum hljómsveitarinnar Hellvar. Það var sumsé þann 13.04 2005. Magnað. Og þar hittum við Tom Wilk sem hefur heimsótt okkur og við hann í Albany. Það gerðist á fyrstu tónleikum Hellvar. Vei!

Hljómsveitin Hellvar með tónleika

Nýstofnuð hljómsveit Heiðar og Elvars, HELLVAR, er að spila næsta miðvikudag, 13. Apríl, á Schliemannstr. 37. Barinn heitir Grandhotel, og mæting í síðasta lagi klukkan 22:00. (Borgar sig að mæta snemma, frekar lítill staður, og vanalega margir sem koma.) Tónleikar hefjast stundvíslega klukkan 22:39. Ókeypis inn, Spilað verður í ca. 40 mínútur, og svo er diskó fram eftir.
"I'll stay with you darling now"
"I'll stay with you till my feet are dried up"

(mismæli mitt er ég söng með laginu "Sunshine of your love")

Á kannski vel við í vetrarkuldanum þegar allir eru með þurra fætur.
Hahahaha!

laugardagur, október 27, 2007

Á Laugarvatni er hægt að:
-fara í sund, gerðum það í gær
-labba upp að Jónasi og efri leiðina og niður hjá Tjaldó, gerði það í gær
-ganga meðfram vatninu, gerðum það í gær
-borða góðan mat hjá tengdó, gerðum það í gær
-horfa á sjónvarpið, gerðum það í gær
-lesa, gerði það í fyrradag
-ráða krossgátu og sudoku, gerði það í gær
-fara í gufuna góðu.....NEI! Það er ekki hægt að gera það lengur! Nú er bara búið að rífa allt nema gufuklefana, en þeir standa afgirtir og rammgirtir svo eina leiðin er að nálgast þá frá vatninu. Það var drifið í því að rífa allt, en svona hefur þetta nú staðið í mánuð...Gamla gufan er okkur glötuð að eilífu, og næst þegar gufubaðið opnar á Laugarvatni (hvenær sem það nú verður...2009 kannski) mun kosta jafnmikið ofaní og í Bláa lónið, eða 1700 kall á mann. Uppreiknað með verðbólgu og vel smurt ofaná vegna "kostnaðar" mun líklega verða rukkað ofani 2200 á mann. Innifalið í því er gufa, heitur pottur og sturta, nákvæmlega eins og var í gamla gufubaðinu. Þar kostaði 350 krónur inn.

fimmtudagur, október 25, 2007

Æ, ég meika ekki skítaveður, skítakulda, grátt og súld dag eftir dag. Elska sængina mína alveg svakalega mikið þessa dagana. Því til sönnunar dreymdi mig paranojudraum um sængurmissi í nótt. Og taktu nú vel eftir, mamma: Mig dreymdi nefnilega að ég væri með ma&pa, Elvari, Óliver og fleirrum á einhverri fjölskylduhátíð og það væri svona "sleepover". Þannig að ég hafði tekið sængina mína með. Svo þegar ég er að fara að sofa finn ég hvergi sængina, og leita um allt og enda á því að spyrja pabba. Þá verður hann frekar vandræðalegur og viðurkennir svo loks að mamma hafi gefið sængina mína. Hún hafði tekið sængina og sent einhverjum gömlum manni sem hún þekkti sængina mína, og réttlætti það þannig að hann væri svo gamall og lasinn, og mamma og pabbi höfðu sko keypt handa mér þessa sæng þannig að hún mátti alveg ráðstafa henni eins og hún vildi. Ég gjörsamlega BROTNAÐI NIÐUR í draumnum og bara grét og grét og spurði hana með ekka: Vissirðu ekki hvað mér þótti sængin mín góð? Þetta er besta sæng í heimi og ég verð bara að fá hana aftur. Svo tók við einhver steypa þar sem ég var að reyna að fá út úr mömmu hvað maðurinn hét sem fékk sængina svo ég gæti KEYPT hana af honum aftur....og blablabla.
Hahahahhaaa, hvílík endemis vitleysa. En það er á tæru, að þetta ER besta sæng í heimi og hún er EKKI til sölu!
Love you mamma og pabbi að hafa gefið mér svona góða sæng.

Ég á mörg gleraugu...




miðvikudagur, október 24, 2007

Tekið af mbl.is, leturbreyting mín:

„Margir eiga tvo til þrjá síma og nota þá eftir því hvað þeir eru að gera og hvernig þeir klæðast," segir Þorsteinn Þorsteinsson, vörustjóri hjá Hátækni, sem er með umboð fyrir Nokia-farsíma. „Lúxussímar seljast nú sem aldrei fyrr, en Hátækni hefur á árinu flutt inn upp undir 100 Nokia 8800 Sirocco Gold-síma sem kosta um 170 þúsund krónur stykkið.

Sirocco-síminn er smíðaður úr 18 karata gulli og ryðfríu stáli. Skjárinn úr safírgleri og með honum fylgir gullitaður handfrjáls búnaður. Þá eru hringitónar í símanum eftir Brian Eno, en þeir eru að sjálfsögðu spilaðir á flygil.

Hahahahahah, þetta er eins og fóstbræðraskets.....safírgler....sjálfsögðu spilaðir á flygil,........hahahahha ég er að deyja úr hlátri. Fyndnasta nýríkumannadjók ever.

þriðjudagur, október 23, 2007

Endinn á regnboganum færist eftir því hvar maður er.

mánudagur, október 22, 2007

Um Airwaves 2007

Að vera eða vera ekki kúl
Það hefur varla farið fram hjá neinum að undanfarna daga hefur tónlistarhátíðin Airwaves flætt yfir landið með til heyrandi hópi tónlistaraðdáenda erlendra sem innlendra. Hátíðinni fylgir jafnan heilmikið stóð erlendra poppskríbenta sem keppast um að skrifa um allar hljómsveitirnar fyrir blöð sín, en einnig fyrir hið íslenska Grapevine sem gefur jafnan út blað á dag yfir alla hátíðina með því helsta sem er á döfinni ásamt dómum um gigg gærdagsins. Sökum þess hve lítið Ísland er og nálægð Íslendinga við hvern annan mikil hefur íslensk tónlistarblaðamennska einkennst af að sýna sanngirni í dómum um tónlist, eða að minnsta kosti örlitla kurteisi. Öllum þykir reyndar sjálfsagt að dómar birtist þar sem blaðamenn hafa sterkar skoðanir á tónleikum eða útgáfum en langoftast eru þær skoðanir settar fram á viðeigandi hátt þar sem fólk er fremur hvatt til frekari dáða ef örlítið af vanköntum eru enn til staðar hjá hljómsveitinni. Örfáir íslenskir blaðamenn hafa reynt að fara harðari leiðir í tónlistarskrifum sínum en horfið af þeirri braut þegar á þá er öskrað úti á götu eða vonsviknir tónlistarmenn eru farnir að hringja ógnandi í þá á kvöldin.
Augljóslega er aldrei hægt að láta sér líka við allt og einnig er aldrei hægt að gera öllum til hæfis, og því er hluti af því að vera góður poppskríbent að ná að segja hlutina án þess að gera í því að stuða þá sem eru á annarri skoðun en blaðamaður.
Erlendir blaðamenn sem koma einu sinni á ári á Airwaves til Íslands til að detta í það og leita að poppstjörnum morgundagsins eru vanir allt öðrum vinnureglum en íslenskir kollegar þeirra. Þeir geta sagt hvað sem þeim dettur í hug og þurfa ekki að hafa áhyggjur af að hitta tónlistarmennina við mjólkurkælinn daginn eftir. Þeir fría sig allri ábyrgð og skemmta sér líklega konunglega við að horfa á ógrynnin öll af íslenskum sveitum sem þeir hafa aldrei heyrt í áður og munu aldrei heyra í aftur og skrifa misgáfulegt bull um þær. Örfáar sveitir eru töff og kúl og "the next big thing out of Iceland", en eðli málsins samkvæmt geta ekki allir verið kúl, því þá væri ekki til neitt sem héti að vera kúl. Íslenskar hljómsveitir vilja að sjálfsögðu ekki vera hallærislegar og fá eitthvað slæmt skrifað um sig í Grapevine af erlendum blaðamanni sem leiðist, og því keppast þær um að gera eitthvað töff á sviði sem hefur sjaldnast nokkuð með tónlist að gera og þær myndu ekki láta sig dreyma um að gera á öðrum tónleikum en þeim á Airwaves. Hljómsveitir sem eru alveg ótrúlega skemmtilegar og þurfa ekkert að vera að taka þátt í svona töff og kúl-rugli gerast meira að segja sekar um þetta. Allt snýst um að vera með einhverja leikræna og sjónræna tilburði á sviðinu svo ljósmyndararnir nái nú góðu skoti og erlendu blaðamennirnir detti ekki í að rakka hljómsveitina niður af því þeim leiddist. Þetta snýst ekki lengur orðið um tónlist heldur um það hvað hljómsveitin gerir annað á sviðinu en að spila tónlistina sína. Hin yndislega sveit Mammút er til dæmis sökuð um það í sunnnudagshefti Grapevine að hreyfa sig það lítið á sviði að þau fengju ekki vinnu í líkhúsi, en það hafi þó sloppið að horfa á tónleika vegna þess að söngkonan er með fína rödd. Það helsta sem blaðamaður man frá tónleikum hinnar stórkostlegu sveitar Reykjavík! er að rauðklædd stúlka öskraði klúryrði í hljóðnema í upphafi tónleika þeirra. Hvaða máli skipta þessi atriði þegar kemur að tónlist? Væri ekki nær að reyna að skrifa svolítið um tónlist sveitanna Mammút og Reykjavík! í stað þess að lýsa bara umgjörðinni á svona yfirborðslegan máta?
Þetta eru því miður ekki einu dæmin sem finna má í Grapevine-blöðunum, og frekar klúðurslegt að sjá jafnvel sömu frasana notaða aftur og aftur kvöld eftir kvöld hjá sumum erlendu blaðamönnunum sem greinilega nenntu frekar að stunda partýjin með poppstjörnum morgundagsins en að vinna vinnuna sína sómasamlega. Mikið er um að ágætis sveitir séu rakkaðar niður sökum þess að þær voru ekki í kúl klæðnaði, eða með hallærislega framkomu eða jafnvel, eins og í tilviki hinna virkilega fínu rokkara í Noise, að þeir séu ekki með nægjanlega svöl hljóðfæri að mati blaðamanns. Eftir að hafa trekk í trekk lesið hraðsoðna og kjánalega dóma latra blaðamanna um tónleika sem búið var að æfa fyrir og undirbúa í langan tíma fær maður svoldið nóg. Maður byrjar að missa trúnna á blaðinu sem styður birtingu á slíku efni. Síðan missir maður trúnna á að taka þátt í þessum töff og kúl leik sem er í gangi á svona tónlistarhátíðum. Þegar mestu máli skiptir að vera í réttu fötunum, mæta í rétta partýjið, gera eitthvað sem kemur flott út á mynd og umfram allt vera töff og kúl í gegn um súrt og sætt er ekki um annað að ræða en að stræka á þetta bara. Spila á Airwaves á næsta ári í gallabuxum og bol og hreyfa sig ekki á sviði. Sitja jafnvel bara á sviðinu alla tónleikana. Gretta sig framan í ljósmyndarann svo engar myndir náist af hljómsveitinni þar sem meðlimir eru sætir, kúl og töff. Segja ekkert fyndið eða svalt. Ég meina ef þetta snýst ekki um tónlist, þá er bara alveg eins hægt að reyna fyrir sér í módelbransanum.

föstudagur, október 19, 2007

Vó, skrópaði á öðrum í Airwaves. Gat ekki meir og var sofnuð snemma, vaknaði svo reyndar aftur og glápti á late-nite TV áður en ég sofnaði enn á ný. Þriðji í Airwaves verður tekinn með trompi en ekki ómerkari bönd en Deerhoof og Múm eru bæði að spila í kvöld, ...og það á sama tíma sem er bömmer. Ég held ég kjósi fyrri hluta Deerhoof og sjái svo stuðið í múm í seinni helmingi prógramms þeirra. Sjóvið þeirra múm-krakka á Primavera í vor var ÓGLEYMANLEGT og ég get bara ekki sleppt að ná hluta af því aftur. Ef ég næ öllu sem ég vil sjá í kvöld er prógrammið mitt svona:

20.00 Mr. Silla og Mongoose - Nasa
21.30 Skakkamanage - Nasa
22.30 Receptors - Barinn
23.00 Deerhoof - Nasa (ef ég kemst inn.. annars beint á)
23.00 Múm - Reykjavík Art Museum
00.00 Buck 65 - Iðnó
01.00 I Adapt - Gaukurinn (sé fyrri hlutann og svo á...)
01.15 Ghostigital - Nasa ...ef ég verð ekki búin á því og á eftir orku þá
02.00 The Viking Giant Show - Lídó

Svo keyri ég heim í Kef að sofa.

Minni á tónleika Hellvar annað kvöld, laugardag 20.10, á Grand Rokk

fimmtudagur, október 18, 2007

Stutt úttekt á fyrsta í Airwaves:

Mætti á Gaukinn til að sjá (því miður) einungis síðasta lag með rappsveitinni O.N.E. Ótrúlega flott lag og mikið öryggi og stuð í bandinu. Fór þaðan á Organ, og þar sá ég 3 lög með Klassart. Góð spilamennska en sándið hræðilegt þar, og sérstaklega bassatrommusánd sem var með versta móti. Afskaplega leitt. Elíza hóf leik klukkan 21.00 á Nasa og sá ég sirka helminginn af hennar setti. Bandið flott, þótt fyrsta lagið hefði farið forgörðum sökum fídbakks. Reynsluboltarnir Biggi Baldurs/trommur, Jakob Magnússon/bassa og Gummi P./gítar láta ekki smá sándklikk slá sig út af laginu og voru strax komnir í fílíng. Skemmtilegt að sjá Elízu beita fiðlunni fyrir sig aftur, nett Kolrössu-nostalgía í mér. Nú var ferðinni heitið upp á Barinn þar sem teknókvöldið var varla hafið. Einhverjir DJ-ar héldu ekki uppi stuðinu enn og nær enginn mættur. Fór því á Grand Rokk og þar var komin röð þótt klukkan væri bara rúmlega hálf-tíu. Stappað er inn var komið og stuðið eftir því. Minn'enn þrír Svanhvít hófu leik klukkan korter í 10 og það var klikkað stuð. Tvímælalaust hápunktur kvöldsins að sjá saxófónleikarann. Ótrúlega gaman og hefði átt að vera út tónleikana. Ég vildi hins vegar sjá sem mest og dreif mig því að sjá síðari hluta Smoosh sem eru 3 systur frá Bandaríkjunum sem eru 11, 13, og 15 ára. Spiluðu á Nasa. Heyrði í þeim en sá ekkert sökum mannfjölda. Þær spiluðu sko í Kastljósi kvöldið áður og það hefur dugað til að allir vissu um þetta gigg. Stemmningin komst ekki til skila til mín svona aftast í stöppunni að sjá ekkert, en hefði ég verið framar og séð líka og verið allt giggið hefði ég eflaust fílað mig betur. Klukkan að verða hálf-ellefu og ég og Tjöddi vorum samferða út, ætluðum að kíkja á Solid Gold á Organ en röðin orðin ógnvænleg og það er greinilega ekkert grín að hafa ekki blaðamannapassa. Verð því að hugsa vandlega hvað ég ætla að sjá og hvað ekki á komandi dögum. Annar í Airwaves í dag....

miðvikudagur, október 17, 2007

Já, það má víst kjósa lagið Ísinn áfram í síma 900-2201 út þessa viku. Náttúrulega nauðsynlegt að hleypa smá stuði í keppnina og hafa eitt hresst íslag eftir Dr.Gunna með. Hver veit nema hann komi sjálfur fram í gullgalla ef við komumst í aukaúrslitaþáttinn.
Hér er hægt að hlusta á Ísinn

mánudagur, október 15, 2007

Tekið af síðunni www.esctoday.com

1. Heiða - Ísinn (Ice-cream)

It's the first up-tempo pop song in the Icelandic selection this year. The singer has already taken part in the Icelandic national final last year with Ég og heilinn minn - another song by Dr. Gunni. Heiða wears a 1980s aerobic outfit which might not have been the best choice but still gives a colourful impression.

Hahahaha!

mánudagur, október 08, 2007

Held ég sé bara í stuði. Alveg bara þokkalega mikið að gera og svona. Nægjanleg fjölbreytni í lífinu til að ég sé ekki enn farin að býsnast mikið yfir kólnandi veðri og auknu myrkri. Best væri náttúrulega að plana að vera einhvers staðar annars staðar bara yfir jólin. Þá væri veturinn skárri. Burtu yfir myrkasta tímann væri málið. Frá 21. des til 2. janúar. Þá væri daginn farið að lengja aftur og svona...Er þetta málið? Ha? Annars hjólaði ég í gærkveldi og fór í spinning áðan, og er svona að rembast við að plokka af mér vikuskyndibitamenningarsukk Bandaríkjaferðarinnar. Gengur þokkalega, hægt þó. Hvert er best að fara yfir jólin, allar hugmyndir vel þegnar...

miðvikudagur, október 03, 2007

mánudagur, október 01, 2007

Í dag er mánudagur og ég er tilbúin í hann. Vantar að vera dugleg að gera alls kyns, vakna snemma, vera hugmyndarík og klára verkefni. Nóg af þeim sem bíða. Alls kyns hlutir í pípunum: Hellvar-plata, finna út með útgáfu á henni, fá fasta vinnu í vetur, ekki lifi ég af smá frílans-kroti einu saman, koma sér í gott form eftir sælgætissukk og rótarbjórþamb í ameríku, fara að huga að fleirri tónleikum á Íslandi áður en Airwaves verða. Einn geisladiskadómur fyrir hádegi og spinning í hádeginu ætti alveg að gefa tóninn um hvað koma skal. Á einhver vel launaða fasta vinnu fyrir mig, má ekki vera neitt dónalegt?

föstudagur, september 21, 2007



Hálftíma fyrir afmæli
Jæja, ég er ekkert að skrifa blogg á hverjum degi eins og sumir metnaðarfullir bloggarar sem virðast alltaf finna tíma. Síðustu dagar hafa verið á hlaupum og það harða-. Ég er annars nokkuð sátt við hve miklu ég hef afkastað af listanum og nú eru það einungis smá lokaverkefni eins og að skrifa tvo geisladiskadóma (fyrirhádegi morgun og laugardag), að fara í klippingu (morgun klukkan 13.00, Gel) kaupa afmælisgjöf fyrir Óliver (morgun) halda veislu (morgun, 18.15) og pakka niður (laugardag). Sunnudag: Fljúga til N.Y.C. sem ég skildi ekkert hvað var þegar ég var lítil og sá þessa skammstöfun á t-bol. Bar þetta fram ,,Nikk". Sá líka U.C.L.A. og bar fram ,,Ukla". Langaði soldið í Ukla-bol einu sinni, man það. Þetta var early-eighties þegar það var kúl að vera í gráum jogging-göllum með prenti framan á peysunni. Skömmu síðar kom pönkið og frelsaði mig og þá langaði mig ekkert í Ukla lengur.

mánudagur, september 17, 2007

Búin með svona einn þriðja. Óliver hannaði stórkostleg kort eftir kvöldmat í kvöld. Teiknaði mynd á öll kortin, mismunandi eftir því hver átti að fá það. Hann bauð tveimur stelpum í bekknum sínum og öllum strákunum. Held að önnur stelpan sé kannski skotin í honum. Stelpurnar fengu rauð kort og strákarnir græn. Hann er snillingur. Svo keypti ég ólívulauf og því fæ ég engar pestir sem eru samt að ganga um allt. Massaði tvö viðtöl, fór í spinning-tíma, samdi við LÍN...eitthvað fleirra líka. Nóg eftir fyrir morgundaginn samt af listanum mínum. Nú: Horfa á Raines. Á tvo þætti eftir af þeim sem eru á hinni stórkostlegu síðu http://www.tv-links.co.uk Elska þessa síðu.

sunnudagur, september 16, 2007

Jæja, þá er sunnudagskvöld. Ný vika að hefjast. Ekki beint verið aðgerðarlaus síðustu daga. Það hefur verið voða gaman að spila. Er þreytt, á eftir margt á einni viku þar til við förum út. M.a. gera tvo plötudóma, faxa út tech-sheet, rukka inn pening frá þeim sem skulda mér, fara með gítarinn minn í tónabúðina og láta stilla hálsinn svo hann skrolli ekki, syngja inná eitt lag, hringja í LÍN og semja um að greiða aukarukkun í áföngum, finna og kaupa einhverja afmælisgjöf handa Óliver, gera afmælisboðskort með Óliver og/eða hringja og bjóða einhverjum, fara í klippingu með mig og Óliver, stunda fullt af líkamsrækt til að vera í sem bestu formi, halda upp á afmæli Óliver á föstudaginn 21.sept, pakka niður, senda lokaímeil út, mixa rest af plötu og koma í hendur á mastergúrúinu mikla, brenna nokkur demó til að hafa með út til sýnis, hringja í Trevor, hringja í Tom, hringja í Rob, hringja í Cloé sem við gistum hjá úti fyrstu nottina. Jábbs, þetta ætti að hafast á viku.

þriðjudagur, september 11, 2007

ZAHNARZT - The Driver

Þetta er hljómsveitin sem Hellvar ætlar að spila með úti í Bandaríkjunum!

sunnudagur, september 09, 2007

Vissuði að ef maður leitar í google frænda að síðum sem fyrir kemur orðið "verstasta" þá koma upp 10 síður á islensku, en ef leitað er að síðum á vefnum án þess að tiltaka tungumál koma upp 1180 möguleikar. Flestir þeirra eru á finnsku, og því hlýtur "verstasta" að þýða eitthvað voða skemmtilegt á finnsku. Við nánari eftirgrennslan rakst ég á þýðingarforrit sem þýðir úr finnsku í ensku og hugsanlega þýðir orðið eitthvað sem tengist vinnustofu, eða þ.e.a.s. Workshop

Þetta er verstasta vinnustofa í heimi....

Ef hins vegar slegið er inn "vondasta" eru 73 síður í allt, og þar af 65 á íslensku. Þar er m.a. talað um vondustu lykt, vondustu lög, vondustu mynd, vondasta bandið, vondasta persónuleikaprófið, vondustu þjónustuna, vondasta brauðið og vondustu fiskamömmuna!?! Ekki minnst einu orði á vondustu tungu í heimi. æ og þegar ég reyni að slá inn "vondasta tunga í heimi" er ekkert til um það. Ef ég slæ inn HAM fæ ég endalausar síður um fokking West-Ham. Ef ég slæ inn trúboðasleikjarinn hvort heldur sem er á google frænda eða frænku hans you-tube er bara hlegið að mér. Textasíða Ham liggur niðri og það er hreinlega ekkert til á alheimsvefnum þar sem allt er til um Trúboðasleikjarann. Smá ögn bara um Ham á Wikipidiu langömmusystur. Hvað er að gerast? Hefur enginn áhuga á að halda úti aðdáendasíðu HAM eða hvað? Verð ég bara kannski að gera það sjálf?

Jæja, ef einhver skyldi leita að vondustu tungu í heimi á netinu þá sjá þeir allavega þessa síðu núna:

Þetta er vondasta tunga í heimi!

Og hér er komin aðdáendasíða:
http://thefansofham.blogspot.com/
Allir Ham-aðdáendur velkomnir og óskir um eitthvað sem þarf að hafa á HAM-síðu vel þegnar í kommenta kerfið.
Já.

föstudagur, september 07, 2007

Sit ég ekki bara hér, glaðvakandi klukkan tæplega þrjú að nóttu. Ætlaði bara aðeins að hlusta á Chris Cornell og kynna mér nýtt efni hans fyrir tónleikana á laugardaginn en nei....nú er ég í flashbakki að hlusta á Soundgarden-lög sem ég var búin að steingleyma að ég þekkti og er gjörsamlega að upplifa mig sem unglinginn sem ég var þegar þetta var spilað í útvarpinu. Shitt hvað herra Cornell syngur vel. Þegar ég var vakandi á nóttunni að hlusta á Soundgarden síðast munaði mig ekkert um að fara að sofa klukkan þrjú og vakna hálf-átta. Blés ekki úr nös við það. Nú er ég glaðvakandi í hausnum en kominn með bakverk af þreytu og vaki. 36 ára ung inní mér en 36 ára gömul í bakinu. Jömm og jæju (jamm og jæja í fleirtölu). Bakverkur er bara fyrir lúsera. Ég labba þá bara í vinnuna á morgun og verð hressi gaurinn. Þá gleymir bakið öllu af gleði.

miðvikudagur, september 05, 2007



Met skapandi og skemmtilegur dagur í dag hjá mér: Ég svaf aðeins í morgun eftir Ólivers-skólafylgd. Svo vöknuðum við og átum hollan graut. Elvar fór í skólann og ég gerði jóga. Svo bjó ég mér til orkusafa, og gekk svo upp í flugstöð (!!!). Síðan var grænmetistófúmatur. Svo gekk ég aðeins meir um Keflavík og fór í heimsóknir. Kom svo heim og tók upp lag og teiknaði og fór svo að lesa þar til ég sofnaði. Jójójó orkudagurinn mikli.

mánudagur, september 03, 2007

Áhugaverðustu mistök í prenntun á diski sem ég veit um: Einn af hugleiðsludiskum Friðriks Karlssonar sem heitir Töfrandi andrúmsloft, er til sölu í Skífunni. Einn starfsmanna var að leifa flughræddum viðskiptavini að hlusta á nokkra af diskum Friðriks til að velja róandi tónlist fyrir flugið. Diskurinn er látinn í og fyrsta lagið sem á að vera titillag plötunnar, hljómar. Þá heyrist hið ofvirka barnalag Royi Roggers með Halla og Ladda. Næsta lag: Minnkurinn í hænsnakofanum með Jónsa.... Og hvert barnalagið á fætur öðru. MJÖG róandi og gott í hugleiðslu.

sunnudagur, september 02, 2007

laugardagur, september 01, 2007

Jesús, hvað það var erfitt að komast í gegn um gærdaginn. En loks fékk ég smá orku, og fór með Óliver kl. átta í gærkvöldi að sjá Dýrin í Hálsaskógi og Grísina þrjá, og að lokum skelltum við okkkur á ljósmyndasýningu. Virkilega vel heppnuð byrjun á Ljósanæturgleði, en ég missti náttúrulega af alveg helling bara af því ég tók þessa vakt á ókristilega tímanum 5-11 um morguninn og varð soldið að sofa eftir það. Ég endaði kvöldið á því að hlusta á sjóinn og engisprettur hér og steinsofnaði loks djúpum og værum svefni sem hélst nær óslitinn til morguns. Nú er næsta barnvæna skemmtun Abbababb! sem byrjar klukkan 14.00 á sviðinu hjá Duus-húsi. Mæli ég með því fyrir alla, smáa sem stóra. Svo skilst mér að eitthvað sé um að vera í skrúðgarðinum, leiktæki og svona. Vona að ég nái svo að skrifa nokkra plötudóma á einhverjum tímapunkti í dag...Það væri sko gaman. Annars er núið líka bara fínt. Ljóni liggur við hlið mér í stofusófanum, Óliver og Helgi leika sér inni í herbergi og Elvar skrapp að kaupa gestabjór til að hafa á boðstólum fyrir gesti og gangandi. Hey, þarna kom hann til baka. En hvaða vindur er þetta eiginlega sem skekur hengirúmið okkar svo gluggarnir eru í hættu? Kannski er bara að koma haust eftir allt, og þá er tími hengirúmanna liðinn í bili.

fimmtudagur, ágúst 30, 2007

Það er engan vegin réttlætanlegt að hafa gaman að því að lesa blögg vina minna en hafa vart tíma í mans eigin. Svo hér er blogg. Ég hef verið svo upptekin að vinna alls kyns að ég sofna örþreytt snemmkvölds. Náði til dæmis að sofna klukkan hálf-ellefu um daginn og vaknaði úthvíld eftir 9 tíma svefn klukkan hálf-átta. ,,Þetta getur bara ekki verið trikkið til að vakna svona snemma", sagði ég við Elvar og hann sagðist einmitt halda að fólk um allan heim færi snemma að sofa til að vakna snemma úthvíldur, það væri bara lógískt. En þetta meikar engan sens fyrir mér. Hvað er málið með að verða að fara að sofa klukkan hálf-ellefu á kvöldin til að sofa nóg? Svo gat ég þetta náttúrulega ekkert aftur, þetta var bara svona one-off....Í fyrsta sinn sem ég gat þetta. Nú er klukkan tíu um kvöld og ég þarf að vakna í vinnu klukkan hálf-fimm á eftir. Það er eftir sex og hálfan tíma. Ojjjj. Ég er ekki góð nema ég nái níu tímum. Hvílíkur hönnunargalli á einni stúlku. Að vera kvöldhress næturhrafn sem þarf samt átta til níu tíma svefn....Ég er fædd til að sofa til hádegis. Jahérna. Farin að klára Dance, dance, dance eftir Murakami. Sef bara seinna. Verð mygluð í fyrramál. Þetta verður 5 kaffibolla vakn.

sunnudagur, ágúst 26, 2007

Góð helgi að baki. Sandgerðisdagar sem ég náði í skottið á í gærkvöldi. Mættum á ball með Swiss á Mamma Mía í Sandgerði. Þar sá ég slagsmál fyrir utan og allt, algerlega alvöru sveitaball. Svo kíktum við upp á vallarsvæðið og skoðuðum blokkina sem Gugga býr í. Ótrúlega skrýtið að vera þarna uppfrá, og mér finnst alltaf eins og ég sé að brjóta einhver lög, og það komi bráðum amerískir hermenn að láta henda mér út af vellinum. Já, það lifir lengi í gömlum glæðum, og þessi hugsunarháttur, að það sé bannað að vera upp á velli er eflaust mjög rótgróinn allavega hjá Keflvíkingum sem hafa haft þessar gaddavírsgirðingar fyrir augunum alla tíð. Já, en leikvellirnir eru flottir og ég hlakka til að fara með Óliver í rólóleiðangur. Nýr bassaleikari Hellvar, Sverrir, stendur sig með stakri prýði. Næsta skref að ná einni æfingu með honum og Alexöndru, nýjum gítar/orgelleikara Hellvar. Eigiði nú góða sunnudagsleti.

fimmtudagur, ágúst 23, 2007


Þetta er Barði Ljón, kallaður Ljóni. Hann er nýji leigjandinn okkar.

miðvikudagur, ágúst 22, 2007

mánudagur, ágúst 20, 2007

Elvis2 var með svo skemmtilega upptalningu á gíturunum sínum að ég ákvað að fara yfir gítarsöguna mína.
1. Ég fékk Yamaha stálstrengja kassagítar frá ma og pa 1987, á hann enn.
2. Keypti mér klassískan gítar í Marseille 1989, á hann enn.
3. Keypti mér svartan Morris, Strat-eftirlíkingu árið 1991, pabbi minn keypti hann af mér og á enn. Sjúklega góður háls.
4. Keypti mér Ibanez í Rín árið 1995. Stefán Hjörleifsson var að selja. Hann var sjálflýsandi gulur og fékk nafnið Gula Ógeðið. Floyd Rose rugl á honum, og ég var glöð þegar honum var stolið af mér.
5. Keypti bláan Fender Telecaster USA, costom made af Þór Eldon 1997. Græt enn þennan gítar og dreymi að ég sé að spila á hann, en honum var stolið úr Pollock-húsnæðinu í Brautarholti.
6.Elvar gaf mér hálfkassa-Washburn gítar í jólagjöf árið 2002. Valdi hann ekki sjálf og fílaði ekki að spila á hann, rakst alltaf í pikköppaskiptitakkann, hann var á svo asnalegum stað. Gott sánd í þessum gítar samt.
7. Skipti Washburninum út í Tónabúðinni fyrir Music Man sem Ingvar fyndni hafði selt einum fastakúnnanum, Dr. Kristjáni. Sá hafði pússað niður hálsinn, s.s. gert hann mjórri og tekið líka pirrandi lakk af hálsinum og í leiðinni pússaði hann af hluta af nafninu en það stóð víst sport einhvers staðar í nafninu. Frábær gítar, á hann enn og Ingvar fyndni reynir reglulega að kaupa hann af mér, því hann er svo góður.
That's it!



já, ég er ýkt sæt!

sunnudagur, ágúst 19, 2007

allt á fullu: Síminn minn að verða batteríislaus og ég nenni ekki að finna hleðslutæki, Óliver og Helgi að smíða úti í garði, Elvari langar að gera pizzu, mig langar í Bláa Lónið með Beggu Mella og Teo, á eftir að búa til Hellvar-bio til að senda með loftbrúumsókn, veit ekki hvaða föt mig langar að klæða mig í, bíllinn þarf nú smá bensín fljótlega, ég þarf líka bensín/kaffi, svaf samt mjög vel og er úthvíld, þoli ekki moggabloggara sem blogga bara um fréttir. Sjá herferð gegn þeim hér. Klippti á mig topp í fyrradag, er sæt. For a minor reflection voru góðir á menningarnótt, sá líka Motion boys, Megasukk, Megas og Mannakorn. Ef For a minor reflection væru kallaðir Minor reflection hefði ég bara séð hljómsveitir sem byrja á M spila, en þetta er náttúrulega Menningarnótt og því á maður bara að horfa á bönd sem byrja á M, annað er ekkert Menningarlegt. Mælist til þess að For a minor reflection breyti nafninu sínu í Minor reflection, enda er það meira grípandi, hitt er of langt! Ha, er það ekki Guffi? Kannski bara geri ég ekkert í allan dag, en kannski klára ég loftbrú-umsókn, fer í Bláa lónið, fer á róló og fæ fólk í mat. Annað hvort geri ég sko.

föstudagur, ágúst 17, 2007

Jæja, þá á litli prinsinn hjól. Það er hermannagrænt og hann hjólaði í skrúðgarðinum með pabba sínum í gær. Pabbinn sleppti stundum án þess að prinsinn sæi, og það gekk alveg bærilega. Það er þrautinni þyngri að læra að hjóla og háfleygar yfirlýsingar um að hann myndi ALDREI ná þessu fengu víst að fljóta með í lok dags. Mig rámar í að hafa farið í gegn um eitthvað svipað á túninu og álfahólnum hjá ömmu minni á Álftanesi. Ég datt og grét og hélt ég myndi aldrei læra að hjóla. Þar til maður kann eitthvað virðist það stundum ómögulegt. Svo kann maður það bara allt í einu og þá er ekki aftur snúið. Það er ekki hægt að gleyma því hvernig á að hjóla. Merkilegt.

miðvikudagur, ágúst 15, 2007

þriðjudagur, ágúst 14, 2007

Ópereisjon kaupum hjól og skólatösku er í burðarliðnum. Svo tekur við ópereisjon skrifum geisladiskadóma sem við skuldum. Svo er það ópereisjon mæta í vinnu og drekka mikið kaffi. Að lokum ópereisjon reyna að taka upp sönginn sem þarf að taka upp aftur því það heyrist í vinnuvélum. En nú, ópereisjon pissa morgunpissið.

mánudagur, ágúst 13, 2007

Mánudagur, og vika vinnunnar byrjuð enn á ný. Helgin var með því fjölbreyttasta sniði sem hugsast getur. Tónleikar með Vetiver á föstudag, frábær myndlistasýning Halls Karls á Eyrarbakka og sextuxafmæli Atla Gísla á Laugardag og Hellvar spilaði á tónleikum á Paddy's með nýjum meðlimi, Alexöndru, á sunnudag. Áðum fyrri hluta sunnudags á Laugarvatni og náðum þar gufubaði. Lokadagur á miðvikudag í gufu fyrir þá sem fíla hana. Auka-lokadagar næstu helgi, laugardag og sunnudag. Gufuaðdáendur sameinist og kveðjið gömlu gufuna á Laugarvatni. Við förum á sunnudag næsta, ef einhver vill vera samfó. Bæó í biló. Heiðó.

þriðjudagur, ágúst 07, 2007

Jæja, myndir af fyrsta og vonandi síðasta glóðarauganu mínu. Nú veit ég hvernig boxurum líður, en þeir vinna nú bara hreinlega við að láta sér líða eins og mér líður núna. Spáiði í því að vera með permanent heilahristing allan ársins hring. Hér eru myndir, og athugið ekki fyrir viðkvæma!!!


Þessi er svona mildari og í mildari litum og svoleiðis. Ef ég horfti til hægri kemur hins vegar ógurlega fínn rauður litur í ljós inni í hvítunni.................og

það

lítur

svona út:



Mmmm, fínt!

mánudagur, ágúst 06, 2007

Jæja, það fór þá ekki svo að maður prufaði ekki að fá heilahristing...Nú verður þessi verslunarmannahelgi ógleymanleg og sker sig úr öllum öðrum slíkum. Já, það var þarna árið 2007, þegar ég fékk heilahristinginn. Gárungarnir geta eflaust glaðst og sungið ,,Ég og heilahristingurinn minn"...En annars, ég er ókey, bara með smá sljóleika og ögn ringluð, og með svakalega fínt glóðarauga. Myndir væntanlegar.

miðvikudagur, ágúst 01, 2007

Nýtt listrænt átak í gangi hjá mér. Skrifa í hálftíma á hverjum morgni. Bara eitthvað. Keypti mér kínakladda í bókabúð í dag. Svo á ég að þykjast vera eitthvað annað en ég er, eða ímynda mér að ég vinni við e-ð annað en ég geri. Ég valdi að vera í ísl. dansflokknum og því er ég að gera æfingar og dansa í frjálsum dansi um íbúðina, reyna að fara í splitt, fara út að hlaupa og í sund og svoleiðis. Bara gaman. Æfði dansspor úr Abbababb í morgun, sem er ótrúlega töff, eitthvað sem Álfrún gerir. Gerði það ekki eins vel og hún, en samt þokkalega. Á föstudaginn þarf ég að setja mér svona listrænt stefnumót við listamanninn í sjálfri mér. Tveir tímar, bara ég og listamaðurinn í mér og má bara gera eitthvað skemmtilegt, ekkert praktískt. Geggjað!

mánudagur, júlí 30, 2007

Heiða í dag:


Takk fyrir!

sunnudagur, júlí 29, 2007

Það er svo gott að labba úti á kvöldin, sérstaklega um kvöldmatarleytið þegar fáir eða enginn er á ferli. Mér líður svo vel eitthvað, þegar ég fæ það á tilfinninguna að ég eigi bæinn ein. Það er líka frábært að hitta fólk, ekki misskilja mig, en bara stundum er best að vera aleinn með hugsunum sínum. Ég át borgara í sólinni áðan um áttaleitið, og sat í smástund á steinvegg og hugsaði. Ekkert djúpt eða neitt, bara hugsaði um hitt og þetta og allt og ekkert. Svo labbaði ég og keypti mér sjeik í eftirmat. Það var logn, sól og ég hitti engan. Rétt eins og það væru jólin bara og allir heima hjá sér. En ætli það hafi ekki bara verið eitthvað ægilega fínt sjónvarpsefni sem enginn vildi missa af nema ég. Mér finnst gott að missa af sjónvarpsefni. Get bara horft á það sem ég vil í tölvunni online þegar sá gállinn er á mér. Er t.d. búin að horfa á alla 1. seríu af Scrubs. Engar auglýsingar, og alltaf hægt að stoppa þegar maður vill ekki meir, og taka upp þráðinn þar sem frá var horfið. Já, ég held svei mér þá að sjónvarpstæki sé tilgangslausasta heimilistækið á mínu heimili. Útvarpið, plötuspilarinn og tölvurnar eru bestu heimilistækin. Og hraðsuðuketillinn rokkar!!!!

föstudagur, júlí 27, 2007


Þetta er Harry Potter-fjölskyldan á leið á frumsýningu myndarinnar


Annars hef ég verið eitthvað andsetin síðustu daga


En annars erum við bara almennt sæt og skemmtileg!
Góða helgi!

þriðjudagur, júlí 24, 2007

Mér líður eins og ég hafi farið í langt ferðalag til galdraheima og til baka, en í raun og veru var ég mjög mikið bara á stofusófanum. Þetta hlýtur að vera besta ævintýrabókmenntasería sem hefur verið skrifuð. Jæja, þá er bara að byrja á henni aftur og lesa hægt í þetta sinn, njóta.

föstudagur, júlí 20, 2007

Harry Potter kemur í dag! Sjáumst í Máli og Menningu. Heiða

sunnudagur, júlí 15, 2007

Þriðju næturvaktinni lokið. Vei. Vakandi á sunnudagsmorgni klukkan hálf-átta og líður eins og ég hafi svindlað mér inn í heim A-manneskjunnar bakdyramegin. Man ekki til þess að ég hafi nokkurn tíman vaknað af sjálfdáðum klukkan hálf-átta á sunnudagsmorgni. Er að hlusta á rauðu safnplötuna með Bítlunum. Allir í Leifsstöð á leið til útlanda fara frá Íslandi með Bítlalög á heilanum, þökk sé mér!
Það er góðverk dagsins, því Bítlarnir eru svo mannbætandi. Eleanor Rigby að spilast núna. Ahhhh, rúmið mitt með mjúkum kodda og himneskri sæng bíður mín. Tralala.

laugardagur, júlí 14, 2007

Mér finnst eitthvað svo mikil tilvist í lífi mínu þessa dagana, kannski er það bara af því að ég er hætt að horfa á sjónvarpið út af auglýsingum. Ef til vill horfir maður á heiminn öðruvísi ef maður er laus úr viðjum sjónvarps og búinn að skipta glápinu út fyrir bókalestur. Ég er alveg gjörsamlega á kafi í Murakami, var að klára Kafka on the shore, og hvílík snilld. Er búin að sjá nýju Harry Potter, geðveik. Mættum í búningum á frumsýningardaginn, ég, Óliver og Elvar. Hlakka til þegar síðasta bókin kemur í Menn og Málningu í lok mánaðarins, ætla að mæta á miðnæturopnun!!! Svo er ég búin að fara tvisvar út að ganga að nóttu til, það er alveg stórkostlegt að gera það á sumrin í góðu veðri. Uppgötva alltaf eitthvað nýtt í hvert sinn sem ég geng einhvers staðar um að nóttu til. Stundum uppgötva ég eitthvað um umhverfið og stundum um sjálfa mig. Að ganga um og hlusta á tónlist er líklega eitt það skemmtilegasta sem ég geri. Og að lesa bækur. Og að knúsa Óliver og Elvar. Og að spila á gítar og syngja. Og að liggja í hengirúminu okkar. Bæ.

miðvikudagur, júlí 11, 2007




Games at Miniclip.com - Flashman
Flashman

Avoid the ghosts, eat power pills to eat ghosts!!.

Play this free game now!!

Besti vinur minn úr tölvuleikjaheiminum
Heimska mjólk
hvað er að vera þú?
Það er að vera súr og ógeðsleg
Já, það er að vera þú!

Ljóð eftir Elvar, hrópað upp í fyrirlitningu í morgunsárið.
Ég hef unnið ansi margar vinnur frá því ég tók þá fyrstu og þar til nú. Mig langaði að rifja þær upp og ákvað að gera það bara hér og telja þær í leiðinni.
1. Seldi Faxa fyrir afa oft, byrjaði ca. 9 ára kannski?
2. Fékk að vera sendill fyrir Sjúkrahúsið í Keflavík eitt sumar, klukkutíma á dag, árið 1982.
3. Passaði börn eitt sumar, var í vist eins og það var kallað. Strákarnir hétu Siggi og Ási, og þetta var árið 1983.
4. Fékk vinnu í einhverju frystihúsi í Ytri-Njarðvík, (kannski hét það Sjöstjarnan?), einn mánuð, svo út til Bandaríkjanna með pabba og mömmu og svo aftur einn mánuð í frystihúsinu. Var aðallega að ormahreinsa og skera úr. Úff man að ég átti að bíða á Aðalstöðinni eftir að rúta kæmi og næði í mig á morgnanna og fyrsta morguninn missti ég af henni og fór að grenja og hljóp heim til mömmu sem keyrði mig. En ég var líka bara 13 ára árið 1984.
5. Fékk aðra fiskivinnu, en í þetta skipti töluvert skemmtilegri. Lítið fiskihús, fékk að skera flatfisk og pakka, og stundum að vera á frystibandinu, sem var ýkt stuð. Nýfermd árið 1985.
6. Fékk bestu fiskivinnuna til þessa, nú í Stórumilljón sem var stórmerkilegt frystihús við endann á Vatnsnesvegi. Þarna vann farandverkafólk frá Ástralíu og Suður-Afríku og stóru strákarnir í pönnunum voru sætir. Tóti tönn vann þarna, og hann var með fáar tennur, reykti gras og sagan segir að kötturinn hans hafi gert það líka. Þarna var bónuskerfi og verkstjóri í glerbúri og merki sem safnað var þegar hver bakki var búinn og allt. Reykingapásur á hverjum klukkutíma (ég reyndar ekki byrjuð að reykja þarna). En ég semsagt bara vann í Bubba Morthens-texta sumarið 1986.
7. Fékk vinnu í flugeldhúsinu fyrir Atlandsflug. Vann hjá Axel Jónssyni veitingamanni sem rak líka Glóðina og Lang-best. Mjög gaman enda ég líka búin með Gaggó og á leið í Fjölbraut árið 1987.
8.Get ekki munað hvað ég vann 1988. Finnst eins og það hafi verið fiskur, en hvar? Hmmm.
9. Vann hjá kananum á Hotel Navy Lodge sumarið 1989. Reyndar bara í júní og júlí því í ágúst fór ég sem skiptinemi til Marseille í Frakklandi og var í ár. Las The Shining þetta sumar, og bondaði vel við lýsingarnar á amerískum hótelteppum og fleirru í þeim dúr.
10. Spilaði á tónleikum allan ágúst 1990 úti í Frakklandi og fengum greitt fyrir það. Telst til fyrsta ársins sem ég fékk smá innkomu fyrir að spila tónlist.
11. Já 1991 vann ég í plötubúðinni Hljómval í Keflavík...
12. ...og aðra hvora helgi á Ránni sem barþjónn, enda ný-orðin tvítug. Svo hætti ég á barnum og fór að selja miða inn.
13. 1992 fór ég til Marseille og reyndi að vinna fyrst sem þjónn á veitingahúsi en fékk ekki greitt og því fór bandið mitt, Something Else, aftur af stað og við unnum fyrir okkur með spileríi fjögur kvöld í viku allt sumarið.
14. Fékk vinnu í leikfangaverslun eftir að ég lauk stúdentsprófi frá F.S. árið 1993.
15. Var flutt í bæinn og byrjaði í Háskóla Íslands árið 1994 og því fékk ég mér sumardjobb í bænum í fyrsta sinn. Fékk vinnu á lagernum hjá Heilsuhúsinu, í Auðbrekku í Kópavogi. Var það hálft sumar....
16. ...og hinn helming sumarsins 1994 var ég að vinna í Svarta Svaninum, sjoppu, ísbúð, grilli og vídeóleigu á Rauðarárstíg.
17. Sveitaballarúntur tekinn árið 1995 með hljómsveitinni Unun. Ekkert unnið annað, enda var þetta full-time job og meira til.
18. Vann í söluturninum Texas á Ingólfstorgi árið 1996. Fínt bara.
19. Fór til Bretlands og fluttist svo heim aftur og fékk vinnu á Gott í gogginn á Laugavegi, fyrir ofan Kofa Tómasar frænda. Þetta var árið 1997.
20. Fór að vinna hjá póstinum sumarið 1998. Bréfberi. Ýkt gaman. Var með Hringbrautina. Stoppaði í ís í JL-húsinu í sjoppunni þar sem er nú hætt og komið er apótek í staðinn.
21. Var aftur bréfberi sumarið 1999, með Hringbrautina enn á ný. Vann held ég með skóla svo til áramóta. Þá var ég nú spræk maður. Beint úr burðinum og mætt í tíma í heimspeki bara. Jess!
22. Sumarið 2000 unnu ég og Curver í hljóðveri allt sumarið að því að gera plötuna Svarið. Tvímælalaust besta sumardjobbið til þessa.
23. Vorið 2001 vann ég hjá Gróðrastöðinni Mörk. Það var nokkuð gott.
24. Sumarið 2001 var ég ófrísk og við bjuggum á Laugarvatni. Þar vann ég í Íþróttamiðstöðinni við að vaska upp og skammta mat og gera sallöt og fl. þar til ég labbaði á hurðakarm og fékk fullan bakka af diskum á kaf í bumbuna. Læknir skipaði mér að hætta að vinna (komin 7 mán. á leið). Fór í gufubað daglega og sólaði mig. Mmmm.
25. Sumarið 2002 held ég að ég hafi útskrifast með B.A. úr H.Í. Svo held ég að ég hafi byrjað að vinna í útvarpinu með næturvaktirnar og verið eitthvað að skrifa frílans, m.a. fyrir Veru og Mannlíf.
26. 2003 vann ég fyrst á Asíu í hádegishlaðborðinu þeirra.
27. ....Svo fékk ég vinnu sem prófarkalesari fyrir Fréttablaðið, og var einnig með útvarpsþættina.
28. Fór aftur í póstinn árið 2004 en skrifaði líka fyrir Mannlíf, Moggann og Vesturbæjarblaðið. Vorum á leið til Berlínar um haustið.
29. Vann sem fyrir mér sem trúbador bæði á tónleikum og á götum úti. Reddaði oft fyrir mat. 2004-2005
30. Vann í Gufubaðinu á Laugarvatni sumarið 2005, eftir að við komum frá Berlín. Vei, hvað það var gaman.
31. Fékk vinnu á Blaðinu við að skrifa haustið 2005....
32. ....og fór að sjá um Ungmennafélagið, unglingaþáttinn á Rás 2. Enn með Næturvörðinn líka. 2005-2006. Gerði svo þáttaröð á Rás 1 árið 2006. Árið 2007 vann ég á Rás 2 fram í mars og....
33. fór þá í framboð fyrir V.G. og rak líka framboðsskrifstofuna. Var nokkurs konar atvinnupólitíkus í svona 2 mánuði árið 2007.
34. Sumarið 2007 held ég áfram að vera lausapenni fyrir Moggann sem ég hef gert í nokkur ár, en fæ líka vinnu í Skífunni í Fríhöfninni í Leifsstöð. Þar er ég nú.
Auk þessa hef ég minningar um:
35. saltfisk eitt haustið þegar ég kom frá Frakklandi árið 1992.
36. Vann á Síberíu netkaffihúsi sem netþjónn árið 1995.
37. Seldi geisladiska fyrir Smekkleysu, fór eina hringferð um landið og kom diskum inní búðir og kaupfélög.
38. Vann í uppvaskinu á einhverjum skemmtistað í Keflavík.
39. Vann í eldhúsinu á Fjörukránni í nokkrar vikur, minnir að ég hafi sloppið við að vera í víkingafötum, en er þó ekki 100% viss.

Man ekki meir í bili, þetta eru alveg 39 störf. Ég hef unnið sem: Blaðsölustúlka, Sendill, barnapassari, fiskvinnslustúlka, flugvélamatreiðslustúlka, herbergisþerna, tónlistarmaður, afgreiðsludama, barþjónn, miðasölustúlka, lagerstúlka, sjoppustúlka, netkaffiþerna, bréfberi, garðyrkjustúlka, eldhúshjálp, prófarkalesari, blaðamaður, útvarpskona, gufubaðsstúlka, trúbador, sölumaður og pólitíkus.
Geri aðrir betur!!!

sunnudagur, júlí 08, 2007



Fyrir mömmu: Stórmynnta parið
vitiði, það er bara svakalega gaman að vera til! Sól og sæla og endalausar gufu- og sundlaugarferðir bara. Humar og steikur í matinn í gær. Júbbí! Er orðin brún og feit eftir helgina....

föstudagur, júlí 06, 2007

Voðalega er gaman að vera í helgarfríi, og það er meira að segja planað ródtripp og allt. Verð að segja að þetta sumar er með besta móti bara. Gaman að hitta útlendinga sem leita að góðri tónlist. Sumir tala enga ensku og það eru mikið Frakkar og Þjóðverjar, svo ég fæ að æfa frönskur og þýskur. Það er stöð. Í kvöld er Melbæjarskelda og ég tek með hljóðfæri, brauð og ost og eldivið ef ég finn eitthvað óblautt. Síjúleiter

þriðjudagur, júlí 03, 2007

Sund, salat, hengirúm, bók eftir Murakami, myndir eftir Wim Wenders, ónlist frá Alberti, smá gítarspil, þetta eru svona hælæts undanfarinna daga.

sunnudagur, júlí 01, 2007


Cannibal corpse í kvöld! Mikið rosalega eru þeir með óhugguleg plötukover. Ég valdi ekki það ljótasta, bara meikaði það ekki því ég veit að mamma les bloggið mitt og svoleiðis. En mamma, þetta er bara ímynd, þessir gaurar eru ekkert slæmir í alvöru sko. En ægileg plötukover alveg.

laugardagur, júní 30, 2007

Hér er nýjasta dróttkvæði mitt:

Vinur minn að morgni

Ljósbrúnn og mjúkur
Sekkur að botni
Fingur gegnum bréfið
Vinur minn að morgni
Hvað ég myndi gefa
fyrir stinnan og dekkri
Fljótandi á yfirborði
Glansandi af heilbrigði

miðvikudagur, júní 27, 2007


Indverskir Bítlar! Vei!!!!!!!!!

Hver er þarna að horfa á mig í gegnum tölvuskjá? Tékkiði á freknunum.

Heimskur hlær að sjálfs síns fyndni....
Eigiði góðan dag!!!

laugardagur, júní 23, 2007


Vá hvað þetta er skrýtið og skemmtilegt lag! Myndbandið líka, og hver vildi ekki geta dansað svona fallega? Kate Bush er guð, ég meina það!!!!Takk fyrir að vera til, Kate Bush, ástarkveðjur.

föstudagur, júní 22, 2007


Ég óska ykkur gleði og gæfu um helgina. Má ég fá nokkur komment, plííííís?

miðvikudagur, júní 20, 2007


Ég get svo svarið fyrir það, mig dreymdi í nótt að ég var að skoða bloggið mitt og var með heillangt og skemmtilegt blog um eitthvað sem ég man ekki. Það var ótrúlegt að fara svo núna rétt í þessu inn á síðuna sína, og ekkert nýtt þar. Ég sem var handviss. Og svona er nú raunveruleikinn margslunginn, maður getur ekki verið viss um neitt. Aha.

fimmtudagur, júní 14, 2007

þriðjudagur, júní 12, 2007

Af skemmtilegu og leiðinlegu sem ég hef verið að gera undanfarið.
Já, það er líklega enn að standa upp úr að hafa náð að sjá Sonic Youth flytja plötuna Daydream Nation í heild sinni, og það í fyrsta skipti sem þau gerðu það. Barcelona-borg er svo mjög skemmtileg, fyrir það hvað það er auðvelt að koma sér á milli staða og létt að rata. Meira að segja litlir vegvísar um allt sem segja manni í hvaða átt hitt og þetta er. Gerði það að verkum að ég gekk svona sirka klakklaust frá ströndinni Barceloneta og heim til mín, á Placa de Univercidad. Ok, það var langt og allt en ég var ekki að flýta mér og skoðaði eldgamla hverfið Barrio Gothica. Þar fann ég einhverja svona hönnunarbúðagötu, þar sem mig langaði í allt en hafði ekki efni á sokkapari. Mjög töff föt samt. Rambaði bara á þessa götu og þar rétt hjá var maður að spila á hörpu. Þar rétt hjá var búð sem seldi heimagerðar sápur og ég fékk mér eina með grænu te-lykt. Já, stórborgir hafa í sér þetta óvænta sem ég þarf. Stundum er nóg að finna búð sem selur heimagerðar sápur til að næra ævintýrið í sér. Borgin þarf þó að vera nógu stór til að allt geti gerst og maður viti ekki nema brotabrot, því annars kemur manni ekkert á óvart. Upplifði síðasta laugardag að Keflavík kom mér skemmtilega á óvart, og er þetta í fyrsta skipti sem svona ævintýri henda mig hér. Ég og Elvar og ÓLiver vorum á leið í sund á degi sundsins, (ókeypis í sund) og þá sáum við auglýsta myndlistarsýningu á elliheimilinu hinum megin við götuna. Svo lemtum við í brúðkaupslest af bílum sem flautuðu og létu öllum illum látum um mínútu síðar. Svo rákumst við á skilti sem auglýsti flóamarkað niðri við sjó, og við fórum þangað, keyptum vídeóspólur, spil og vínilplötur. Þetta gerðist allt á korteri eða svo, og svo bara fórum við í sund! Elska svona óplanað. En af leiðinlegu: Rosalega er nýjasta Pirates of the Caribian ömurlega leiðinleg. Ég hef ekki séð 1 og 2 en Óliver er tíðrætt um Djakk Spæró, (Jack Sparrow), sem er mikil sjóræningjahetja í augum barnsins. Hvað gerir maður ekki fyrir börnin sín? Hrikaleg leiðindi, í 2 tíma og 50 mínútur. Endalaus mynd, ....og enn ein slagsmálin....og enn einn fallbyssubardaginn....og þá kemur draugaskipið aftur.....
Leið reyndar á tímabili eins og ég væri að horfa á mynd gerða eftir sögu William S. Burroughs, eins og Naked Lunch. Svo mikil voru leiðindin að ég fór að reyna að blása upp það súrrealíska og gera það að aðalatriði. Já, ég dó. Ekki góð, ekki eyða pening í hana. Óliver hæstánægður samt, enda aðdáandi Djakk Spæró.

laugardagur, júní 09, 2007

Kominn tími á langan og upplýsandi póst. Ég er búin að vera að gera alls kyns skemmtilega hluti síðan ég kom heim frá Barcelona aðfaranótt þriðjudags. Er að skrifa aðeins um ferðina. Hellvar spilaði á fyrstu tónleikunum sínum í langan tíma í gærkvöldi. Spiluðum með Skátum og Tommy Gun á Paddys. Það leit nú á tímabili ekki vel út fyrir meðlimi Hellvar því ásamt því að vera hljómsveitarmeðlimir eru þau einnig móðir og faðir Ólivers, sem er með hægðatregðu þessa dagana. Microlaxið sem við gáfum honum kickaði inn 10 mínútum áður en við áttum að spila, og þetta var mjög mikill og laglegur foss sem hann bjó til. Of miklar upplýsingar, kannski? Nee, þetta reddaðist. Honum leið betur á eftir og treysti sér til að fara í pössun upp á efri hæðina til litla Ólivers, Matta og Öldu og horfa á eina mynd á meðan foreldrarnir spiluðu. Hann vaknaði hins vegar eldhress í morgun og ég er að reyna að fá hann til að eta smá rúsínur. Vona að þetta lagist að sjálfu sér, því þetta er microlax-ævintýri númer 2 á 2 vikum. Enginn kúkur, foss, enginn kúkur, foss, sem sé....Af mér er það að frétta að ég er enn að reyna að finna mér skemmtilega vinnu til að vinna með freelance-skrifunum. Tveir möguleikar í stöðunni, og vona ég að annar hvor þeirra gangi upp. Ekki laust við að ég sé með snefil af head-bang harðsperrum eftir Skátagiggið í gær, en þeir eru tvímælalaust snillingar! Nýja platan æði, og ég mæli með því að þið verðið ykkur út um eintak. Grúví sjitt, og gott að sjá þá læv líka. Jæja, þá er það hinn vikulegi göngutúr í sjoppu að velja bland í poka. Síjú.

þriðjudagur, júní 05, 2007

Jæja, komin heim í íslenskt lyklaborð og íslenskt veður. Verð að vera hreinskilin, ég bara er ekki neitt að fíla hitastig undir 20 gráðum. Svona er þetta nú bara, jájá. Hef nóg að skrifa um því Primavera var alveg stórfín. Sonic Youth eru upplifun, í hvert skipti.

föstudagur, júní 01, 2007

já, ég svitna hér. thad var búdaráp i dag, en ef til vill kemst ég á strondina á morgun. Low í kveld, og líka nokkrar adrar ágaetar hljómsveitir. Modest Mouse t.d. med gítarleikarann knáa Herra Marr úr Smiths innanbords. ¿Aetli marri í Herra Marr?
¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿Elska thetta ofuga spurningamerki. Vei, bless.

fimmtudagur, maí 31, 2007

Medal dóna og róna í Barcelóna

Nei, ég segi svona, engir dónar eda neitt svoleidis. Mikid betl á gotum úti, samt. Heitt og sólarlaust. Fer á Primaverasvaedid á eftir, en fyrsta sveitin stígur á svid eftir tvo og hálfan tíma. Ég get nú ekki séd allt en í dag held ég ad ég reyni ad ná Slint, Smashing Pumpsins, Fennesz & Mike Patton, Fujiya & Miyagi og sé svo í skottid á White Stripes ádur en ég held heim. vona ad ég hitti kannski einhverja íslendinga. Ja, allavega múm náttúrulega, en thau spila á laugardagskvold. Skrifadi fullt af skemmtilegu í lest. Thad er greinilega mjog gott ad hugsa í lestum.

laugardagur, maí 26, 2007

Fórum í smá David Bowie-partý í gær. Þar flutti dúettinn Félagsskítur lagið She's a muscular boy. Skemmtilegt að það er einmitt misheyrn á laginu She´s a must to avoid með hljómsveitinni Herman's Hermit. Veit ekki hver misheyrði svo skemmtilega en pabbi sagði mér frá þessu fyrr um kvöldið, þar sem við sátum og snæddum rauð og græn karrý. Ég afrekaði að borða hálft rautt chilli,kornin og allt, og munnurinn logaði meira en ég hafði áttað mig á að hann gæti gert. Í stað þess að þamba ógrynnin öll af vatni benti þjónninn okkur á að strá salti á tungu og varir og bíða aðeins. Undur og stórmerki, það virkar að strá salti í sárin, þau bara hættu að vera til! Þá var nú gaman. Og nú er líka gaman. Í stuði. Hver myndi ekki vera í stuði sem borðaði bæði grænt karrí og fór í David Bowie-partý í gær?

mánudagur, maí 21, 2007

hvaða ruglsnjór er nú að detta niður úr loftinu? Það er komið fram yfir miðjan maí. MIÐJAN MAÍ segi ég. Skilettekki. Var einmitt að fá freknur í heitum potti í fyrradag, og Elvar tók lit, ha. Snjór er fyrir fjöllin og þá kemst maður á skíði þar. Má líka koma um nóttina á Þorláksmessu ef þið endilega viljið. Ekki meir. Nú skrúfa ég fyrir.

sunnudagur, maí 20, 2007

Eitt herbergi, ein stelpa, einn dagur. Verkefnið: Að taka til í ruslinu. Mynd sem fær hárin á höndunum á þér til að rísa. Ekki missa af þessari: Ruslið í strákaherberginu. Þú verður áreiðanlega ekki fyrir vonbrigðum. Á næstu myndbandaleigu, Lágmúla.

föstudagur, maí 18, 2007

Gengum á fjall, reyndar meira svona upp skógi vaxna brekku. Laugarvatnsfjall. Ekki upp á topp eða neitt. Gaman. Svo langaði mig í ís, en fékk mér appelsínusafa, því ég er í átaki. Fékk mér síðan samloku með skinku osti og kokteilsósu heima, því fjallgöngur auka svengd. Er á leið í gufu2, gufa1 var í gærkvöldi. Tvær gufuferðir í einni laugarvatnsferð, nokkuð gott. Og hálf fjallganga í bónus.

miðvikudagur, maí 16, 2007

Í dag er spiderman-dagur!

mánudagur, maí 14, 2007

Líf
Ég er á lífi. Finn allavega fyrir einhverjum smákrafti í líkama. Borðaði Berlínarbollu í morgunmat kl.12 og pissu í kvöldmat kl. 22. Þess á milli svaf ég. Nú er ég að horfa á Greg House, næstum búin með alla online-þætti. Óliver sofandi, en við náðum að liggja og tjilla og horfa á nokkra X-men-þætti áðan. Elvar sofandi, hrýtur lágt og sefandi. Ég soldið vakandi, en það er notarlegt. Á morgun fer ég aðeins í bæinn og svo bara þarf ég að taka húsið í gegn og ganga frá 3 vikum af kosningaferðalögum. Það verður stuð, bara hlusta á eitthvað þungarokk, hátt, og dansa milli herbergja um leið og ég beiti töfrum til að hlutir svífi hver á sinn stað. Svona pönkaða útgáfan af Mary Poppins geri ég ráð fyrir. Gleði.

miðvikudagur, maí 09, 2007

Hvernig væri að byrja daginn á að blogga? Í dag ætla ég að: bera virðingu, vera umburðalynd, sanngjörn, þolinmóð og glöð. Ég ætla að hlusta meira en tala, heyra meira en segja. Ég mun ekki dæma því þá verð ég ekki dæmd. Svona er það nú einfalt.
Nú er það sirjós, te (m.mjólk og hunangi), banani, ferð í Grindavík, kannski jóga síðdegis. Fundur um íbúakosningar í kvöld klukkan átta í Garðinum. Á einhverjum tímapunkti lýkur verkefnunum og þá ætla ég að sofa.

þriðjudagur, maí 01, 2007

Þér er boðið á 1.maí-kaffi og 1.maí rokktónleika. Grófin 7, Kef. Kaffi hefst 4 og tónleikar uppúr 5. Fram koma Eldborgir og Sky reports úr Reykjanesbæ og Gordon Riots og We made god úr Reykjavík. Ókeypis og ekkert aldurstakmark.

sunnudagur, apríl 29, 2007

...og enn er kominn sunnudagur. síðan síðast hef ég: farið í Bláa lónið, farið í hljóðver, gengið soldið meðfram Þjórsá, borðað lífræna súpu sem prestur bjó til, setið nokkra fundi, farið á Hellu, sungið við opnun í Ráðhúsinu, verið hjúkrað í Hveragerði, verið veik, kvefuð, hálsbólgin, ljósfælin, hausverkin og slöpp. Komst heim til að vera veik í gær, laugardag. Flensan ræður núna, og ég er búin að sofa og svitna, vaknaði til að borða og drekka, og næ líklega að klára þetta blogg áður en líkaminn heimtar að ég sinni frumþörf aftur. Geri ráð fyrir almennum hressleika og stuði á morgun, í síðasta lagi annað kvöld. Að lokum:

HOR OG KVEF OG ÓFRÍSKIR MENN (Með sínu lagi)

Hor og kvef og ófrískir menn
finnast hér á landi enn
með hita og hausverk en langar í sund
þett'er mikil raunastund.

sunnudagur, apríl 22, 2007


Gaman á nóttinni á náttkjól...
þetta er svo skemmtilegt:

http://textalyser.net/

laugardagur, apríl 21, 2007

Það tók mig marga klukkutíma að ná utan um allt það sem hafði gerst á einni viku. Það er að takast, en ég þurfti að horfa á marga fréttatíma, og hef ekki alveg náð í skottið á samtímanum, eftir að hafa vart snert tölvu né séð sjónvarp þennan vikutíma. Mikið er samtíminn sérstakur, umfjöllunin fellur saman við hann, svo manni finnst eins og maður hafi misst af honum þegar einmitt maður fékk hann mest í æð. Hvað stendur upp úr í þessari ferð? Vart hægt að gera upp á milli, en þó er ljóst að Vestmannaeyjar eru stórkostlegur staður og fólkið alveg sérstaklega yndislegt!

sunnudagur, apríl 15, 2007

Í dag ætla ég að gefa öndum, fara í bíó/turtles-myndina, og á Abbababb/í 10 skipti. Vona að við fáum tíma til að kíkja á uppáhaldsróluvöllinn okkar líka. Annars held ég með Raikonen.

laugardagur, apríl 14, 2007

Súpan heppnaðist stórkostlega! Takk allir sem mættu. Þetta verður endurtekið á sama stað (Kosningamiðstöð V.G. Grófinni 7, Kef), sama tíma, 19.00-?) öll föstudagskvöld til kosninga. Súpuafgangar eru svo kláraðir í hádeginu daginn eftir. Jámikiðernúgamanaðveratil.

föstudagur, apríl 13, 2007

Já, það er nú bara ekkert svo ofsalega leiðinlegt að vera til í dag, óhappadaginn föstudaginn 13, þótt það sé súld og grátt úti. Gleðin er nefnilega ríkjandi í sál og í sinni. Ef þið viljið gleði skuluð þið lesa þessa fréttatilkynningu og bregðast við henni:

Fréttatilkynning:
Happasúpa í kvöld, föstudaginn 13.04 kl. 19.00.
Í kosningamiðstöðinni Grófinni 7 í Reykjanesbæ ætlar Heiða að elda og framreiða Happasúpu, með miklu grænmeti og kryddi en einnig dágóðum skammti af lukku, og smá-slettu af gleði. Fólk má koma fram eftir kvöldi, því nóg verður til og súpuskálin kostar 500 krónur. Kaffi og spjall fylgir með í kaupbæti.

þriðjudagur, apríl 10, 2007

Kemst þótt hægt fari. Það er ekki verra mottó en hvað annað. Allavega er ég búin að átta mig á að það er ekkert betra að hlaupa á milli staða til að koma aðeins fleirru í verk á hverri klukkustund. Einfaldlega bara láta hlutina taka þann tíma sem þeir taka, og vera ekki eitt eilífðar smáblóm með titrandi tár í lok dagsins. Ég er að lesa skemmtilega bók eftir Richard Brautigan, nýþýdda eftir Gyrði Elíasson. Richard Brautigan hefur átt hluta í hjarta mínu síðan ég las Vatnsmelónusykur, en hún er nú enn betri á frummálinu, In watermelon sugar. Tilveran er eins skrýtin og maður vill að hún sé, og þegar ég segi skrýtin meina ég það vel. Fórum í fjölskylduspil í gær, ég, óliver, inga og eiki. óliver vann því hann var svo góður að púsla. afskaplega fínt. svo las ég tjútjú, og fórum á meet the robinson, og ég er aftur hætt að nenna að gera stóra stafi eftir punkt. æ, stundum þarf þess ekki, alveg eins og stundum bara fer maður á ýmsa staði, hvern á eftir öðrum, og pælir aldrei í því hvað klukkan er fyrr en maður er orðinn svangur í kvöldmat.

föstudagur, mars 30, 2007

Þessi vika fór framhjá, án þess að ég gæti fullyrt hvað ég gerði í henni. Veit samt að það var mikið, bara ekki nákvæmlega hvað það var. Ég veit stundum ekki hvaða vikudagur er þessa dagana, og er að spá hvort mér líði meira eins og það sé alltaf mánudagur, eða allaf fimmtudagur eða jafnvel alltaf laugardagur. Það er allavega ekki alltaf sunnudagur, því á sunnudögum er Abbababb, og þótt ég hafi ekki komið síðast af því ég var lasin, held ég að ég komi næst og næst og næst og...já á sunnudögum fer ég semsagt á Abbababb. Annað er ekki planað nema á blaði, og plönin verða bara að vera eftir bestu getu og vitneskju og geta breyst með litlum fyrirvara, og þá bara geri ég eitthvað allt annað. Veit þó að ég fer allavega í Hafnarfjörð, á Vík og í Eyjar á næstunni. Á morgun er dagur innsláttar og símtala. Plön staðfest, þeim breytt, áætlanir haldast eða ekki, kaffi drukkið eða ekki, fánar dregnir að húni eða ekki (fer eftir veðri). Að haga seglum eftir vindi. Að halda sér við efnið, en sníða sér stakk eftir vexti. Ostur er veislukostur. Margur verður verri þótt hann vökni. Oft má happ úr hendi sleppa. Sjaldan fellur happið langt frá Heiðunni. Ég held ég sé að villast í þokunni á Heiðunni.

mánudagur, mars 26, 2007

Jæja, horið búið. Óliver greyið fékk það þó allt. Þá tekur við að skiptast á að vera heima úr vinnunni til að passa litla skinnið. Það er með ólíkindum að þjóðfélagið skuli yfirleitt virka svona á vorin þegar flensur eru að ganga. Frétti að það væru um tíu afbrigði af pestinni í gangi núna, og ekki allar jafn-snyrtilegar og sú sem ég fékk.

föstudagur, mars 23, 2007

Neverending horið (sungið við lagið Neverending story með Limahl)

Augun mín
enni líka'og neee-eee-eeef
hafa'í sér
geysimikið kve-eee-eeef
Ég get ekki meira
verð að hætta'að liggja kjurr
og ég þarf að far'á fætur
en er ekki laus við neverending hoooriiiið, lalala, lalala, lalala,
neverending hoooriiiið, lalala, lalala, lalala,

miðvikudagur, mars 21, 2007

deja vu: ég veik, ligg í rúmi. elvar að vinna bæði í morgun og næstu nótt, og því er enginn í fjölskyldunni að taka til. húsið steik, hausinn á mér líka. óliver ótrúlega sjálfbjarga miðað við 5 ára. fór og kúkaði og skeindi alveg einn áðan, og svo bara er hann búinn að ná sér í að borða og gat gengið frá líka í ískápinn. Hann bað reyndar um hjálp við að láta á sultuna á brauðið, gat ekki opnað sultukrukkuna. reyndar gat ég það varla heldur, sökum slapperís,en...þetta hafðist hjá okkur. er eiginlega bara búin að sofa og svitna og vakna og lesa blöð/blogg/tölvupóst+svara í 2 sólarhringa. kláraði reyndar eina Haruki Murakami-bók líka. Sunnan við mærin, vestur af sól, en áður hafði ég lesið Norvegian Wood og líka smásagnasafnið Eftir skjálftann. Allt sem hann skrifar æði. Gjörsamlega frábærlega pottþétt.

laugardagur, mars 17, 2007

Það er ýmislegt búið að gerast í dag. Fór m.a. sem gestur í fyrsta skipti í 4 ár upp í RÚV. Var bara að fylgja Abbababb-genginu í poppland, enda er ég grúppían þeirra. Svo fór ég bæði á kaffihús og matsölustað, en að lokum var svo skellt sér á frumsýninguna á Draumalandinu í Hafnarfjarðarleikhúsinu. Í lok kvölds, áður en haldið var heim á leið, var áð á Ásvallagötu, hestaskál drukkin og ýmis málefni krufin til mergjar, meðan fjórir glaðir félagar horfðu saman á teiknimyndir og borðuðu perur.
Það allra, allra, allra skemmtilegasta í dag var þó nímælalaust að róla með Óliver. Við róluðum á okkar uppáhalds róló í Reykjavík, og gleymdum okkur bæði í áreiðanlega tuttugu mínútur, að spjalla um daginn og veginn og róla. Það er það allra besta í heimi, að róla og spjalla við einhvern sem er jafn-skemmtilegur og gáfaður og hann Óliver er. Rosalega er ég glöð að þekkja hann! Nýtt markmið: Að róla annan hvern dag. Það er mannbætandi.

mánudagur, mars 12, 2007

Ég er með hita, tilfinningin að hausinn sé fullur af bómull. síðasti útvarpsþátturinn í kvöld. Á eftir að sakna þess að gera útvarpsþætti, það er mjög "húkkandi". Tek út tvo hlekki sem virðast hættir, hvort sem það er nú tímabundið eða ekki. Læt inn eitthvað sem ég les stundum í stað hinna lömuðu linka.

miðvikudagur, mars 07, 2007

Sjitturinn, ég er farin að naga neglurnar aftur, ég sem var alveg hætt. Spurning um að byrja bara að reykja til að hætta að naga. Eða eruð þið með betri ráð? Svo fyrir þá sem hafa tíma og nenna ekki sjónvarpinu, þá er þetta gaman. Mjög hættulegt, samt. Horfði á 5 House-þætti í gær. Elska House, besta sjónvarpsefni since Six feet under. Annars nenni ég ekki að blogga mikið. Mjög gaman að vera til, og komiði á opnun kosningamiðstöðvar V.G., Grófinni 7, Keflavík, næsta laugardag (10.03) klukkan 15.00. Sjáumst!

miðvikudagur, febrúar 28, 2007

Jæja. Undur og stórmerki gerast. Ég á frí í dag. Engar skuldbindingar whatsoever, nema ef væri að laga svolítið til í ruslahaugnum okkar, sem við kjósum að kalla heimili. Náði að grafa mér leið að morgunverðarborðinu OG hellunum og gera hafragraut fyrir fjölskylduna í svona síðbúinn morgunmat. Held ég sé að ala barnið upp í góðum bóhemískum siðum, frekar að borða brunch en breakfast/lunch, o.s.frv. Óliver er búinn að vera einstaklega skemmtilegur, enda hefur hann verið svo mikið að þvælast með okkur foreldrunum um allt. Hefur mætt á fundi og ráðstefnur V.G., verið með pabba í leikhúsinu og bara mikið aksjón verið í gangi.
Í fyrradag þreif ég bílinn á prýðilegri al-sjálfvirkri þvottastöð á Aðalstöðinni í Keflavík (topp-aðstaða, og ódýrt) og þurrkaði rykið innanúr, gerði eiginlega allt nema að ryksuga, nennti því ekki.
Í gær var komið að því að þrífa sjálfan sig að innan jafn sem utan, svo ég skellti mér í Laugar, og prufaði langan lista af heitum böðum og gufum og hvað eina. Þetta er sko eitthvað sem ég væri til í að gera lágmark einu sinni í mánuði, spurning hvort það væri ekki snjallara hjá þeim að hafa þetta helmingi ódýrara og þá kæmi fólk oftar. Kostar núna 3800kr. og ég kæmi einu sinni í mánuði ef ég þyrfti að borga t.d. 2000kr.
Í dag er það svo íbúðin sem þarf þrif. Þá eru það skrif sem liggja fyrir. Reyna að fá sig birta í einhverjum blöðum. En allt hefur sinn tíma og fyrst: Kaffi!

miðvikudagur, febrúar 21, 2007

Óliver fékk gubbupest, og var kalt, með hita og heima í leikskólanum einn dag. Nú er hann í fullu fjöri einhvers staðar að leika ninja-kall með sverð, þrífork og grímu og ógeðslegar gerfitennur, en ég fékk pestina hans og er að passa hana heima. Reyndar ekki gubb í minni útgáfu, heldur bara svæsinn magaverkur og kalt, líklega smá hiti. Elvar í vinnu, Óliver í leikskóla, það er öskudagur, og ég er í keng. Hmm. Ég sem ætlaði að vera galdranorn í dag, en verð ég þá ekki bara að gera það á morgun? Ég borðaði nú bollur á sunnudag og þriðjudag, ekkert á sjálfan bolludaginn. Það hlýtur að vera í lagi að taka öskudaginn degi of seint? Í fyrra var ég vampíra, og mætti þannig uppí útvarp. Man ég var eina "fullorðna" í búning þann daginn í Efstaleitinu.

mánudagur, febrúar 19, 2007

Þetta eru alveg doldið margar spurningar, en skemmtilegar eru þær. Fékk þær hjá Láru.
1. Það er dinglað hjá þér tvö að nóttu. Hver myndir þú vilja að það væri? David Bowie, sem vantar sófa til að gista á og rafhljómsveit til að gera með sér plötu.

2. Yfirmaður þinn segir að hann muni veita þér launahækkun ef ..? ...ég held áfram að vera svona skemmtileg?

3. Þú í hnotskurn? Hneta.

4. Hefur þú séð draug? Ég veit það ekki.

5. Ánægður með líkama þinn? Mjög.

6. Ég myndi flytja til Akureyrar ef...: ...allir í fjölskyldunni fengju áhugaverðar og skapandi vinnur og góða skóla, og draumahúsnæði á góðum kjörum.

7. Staður sem þú hefur búið á og saknar: Berlín, London, Marseille, Reykjavík,

8. Vinna sem þú myndir aldrei starfa við, sama hvað þú fengir borgað: Vændiskona, klámmyndaleikkona, súludansari, verðbréfasali, eitthvað starf fyrir sjálfstæðisflokkinn...

9. Hljómsveit sem þér fannst "cool" þegar þú varst 13: David Bowie, U2, Smiths, Prince & the Revolution, Foreigner, Beatles, Queen,

10. Þú vaknar upp eftir slæma martröð, í hvern myndir þú hringja? Mömmu.

11. Langar þér að eignast börn fyrir þrítugt? Mig langaði ekki að eignast barn fyrir þrítugt, svo eignaðist ég eitt sama ár og ég varð þrítug. Það var fínn tími, bara.

12. Sterkasta minningin þín úr framhaldsskólanum: Allt tengt leikfélaginu, og það tónlistarbrölt sem hljómsveitin Útúrdúr fékkst við. T.d. leðjumyndbandið fyrir Annir og Appelsínur, það var skemmtilegt að gera það.

13. Einhvern tímann verið ástfangin af maka vinar? Nei.

14. Mesta prakkastrik sem þú hefur gert í vinnunni? Æ, kann ekki að gera nógu töff prakkarastrik.

15. Hvorum foreldra þínum líkist þú meira, móðir eða föður? Hmm, er ég nokkuð lík neinum í heiminum? Sumir segja þó að ég sé með augnsvipinn úr föðurættinni minni. En inní mér er ég alveg "unique"

16. Eitthvað sem þú hefur alltaf viljað læra að gera: Fljúga, er enn að bíða eftir því að það vaxi á mig vængir.

17. Ennþá vinur fyrrverandi maka? Jájá, auðvitað.

18. Hvar myndir þú vilja vera eftir 10 ár: Alveg sama, bara enn að gera tónlist og með góðu sætu fjölskylduna mína í kring um mig.

19. Eitthvað sem þú lærðir um sjálfan þig á þessu ári(2006): Lærði að ég get áreiðanlega fleira en ég hélt ég gæti.

20. Hvað langar þig í í afmælisgjöf? Niðurgreiðslu skulda.

21. Nefndu þrjá hluti sem þú gerðir í dag? Tók til smá, slæptist, talaði í símann, pússaði spegilinn á baðinu, hlustaði á Ladda með Óliver, fann til mikið af þýskri tónlist, las póst, slúður og bloggaði á netinu.

22. Það síðasta sem þú verslaðir fyrir þig? klippingu.

23. Er eitthvað hangandi undir baksýnisspegilnum í bílnum? Tveir lafandi stórir eyrnalokkar sem við Elvar höfum fundið á víðavangi, glitrandi og fínir.

24. Hvað fékkstu þér í morgunmat? Kaffi, sirjós, banana.

25. Hver í kringum þig er með flestu húðflúrinn: Vó, Thelma er með 2, ætli það séu ekki flest. Nei heyrðu, ég þekki Sigga Pönk, hann er með alveg böns.

26. Hvað sefur þú að jafnaði í marga klukkutíma á sólahring? 8-9, ef ég sef minna er ég þreytt og viðkvæm.

27. Hefur þú einhvern tímann verið bundinn? Tja, er maður ekki alltaf bundinn einhverju eða einhverjum? Heitbundin Elvari, til dæmis.

28. Hvað hefðir þú frekar vilja vera gera þessa stundina? Ég er nú á leiðini út að labba, og svo ætla ég að ná í Óliver.

29. Hvaða nafn kemur fyrir fremst í símaskránni þinni? Addi Sólstafir.

30. Hvenær varstu síðast vitni af slagsmálum? Á síðasta ári, vóvóvó, það var rosalegt :-)

31. Hvaða áfenga drykk drakkstu þú síðast? Bjór, í boði Partyzone.

32. Finnst þér gott að láta toga í háríð þitt? Já, ágætt, er allavega ekkert hársár.

33. Nefndu þrjá staði sem þú myndir vilja ferðast til: Berlin, New York, Tokyo.

34. Ertu góð/ur á skautum? Neeei, ekkert spes.

35. Hvað finnst þér um BRAD PITT? Allir sætir leikarar eru ekkert sætir að mínu mati, Brad Pitt er einn af þeim, og ég man ekki einu sinni eftir neinni mynd sem hann leikur í í augnablikinu. Er meira fyrir skrýtna leikara og eftirminnilega, eins og Steve Buschemi, sem er minn uppáhalds.

36. Hvaða litur er á táneglunum þínum? Stundum rauður eða svona silfurglimmer, en í dag náttúrulegur, ljósrauðbrúnn.

37. Við hvern talaðir þú síðast við í síma? Gunna.

38. Átt þú eitthvað með hauskúpu á? Nei, því miður.

39. Hefur þú ferðast mikið innanlands? Allt of lítið, á það eftir.

40. Síðasta mynd sem þú sást? Billie Elliot, sá hana á vídeó alveg nýlega, og skældi smá.

41. Hvar varst þú þegar þú fékkst fyrsta kossinn? Einhversstaðar eitthvað að gelgjast.

42. Síðasta spil sem þú spilaðir? Uno við Óliver.

43. Hefur þú fengið glóðarauga? Mig minnir það.

44. Á hvaða videoleigu ferð þú helst á? Kompu-vídeóleiguna sem ég starfræki sjálf.

45. Hefur þú gengið í sokkabuxum? Já, er í svörtum, þykkum, ullar núna í dag.

46. Þekkir þú einhvern sem er í fangelsi? Nei.

sunnudagur, febrúar 18, 2007

Jæja, þetta fór nú svona. Er ekkert rosalega tapsár, þar sem Eiríkur Hauksson er snillingur og eðaltöffari. Það má segja að Eiki sé einn allrabesti rokksöngvari sem við höfum átt hér á Íslandi. Það er rosalega gott að Íslendingar hafi kosið alvöru-lag með alvöru flytjanda, en keppnin hefur soldið snúist út í keppni um besta sjóvið. Það er semsagt gott lag, en ekki bara gott sjó sem vann. Áfram Eiki Hauks sem er alvöru töffari!

laugardagur, febrúar 17, 2007

Nú er að duga eða drepast:
VIð erum númer tvö í röðinni í kvöld, sirka 25 mínútur yfir átta. Þegar allir hafa sungið verðið þið að kjósa. Ég treysti á ykkur!

Ég og heilinn minn
Lag: Dr. Gunni og Ragnheiður Eiríksdóttir
Texti: Dr. Gunni
Flytjandi: Ragnheiður Eiríksdóttir
Símanúmer: 900 2002

miðvikudagur, febrúar 14, 2007

Takk fyrir þátttökuna í Blóð-lögum. Blóð-þema Næturvarðarins, hugmyndin frá Bubba Morthens, frestast því miður um viku, til 24.02, og því hafa allir meiri tíma til að láta sér detta í hug lög. Ágúst Bogason verður Næturvörður næstkomandi laugardagskvöld, júróvisjónkvöldið, en það er auðvitað betra að hafa einhvern við stjórnvölinn þetta kvöld, sem getur tekið við óskalögum. Það er nefnilega næsta víst og mjög eðlilegt að hlustendur vilji heyra uppáhalds-júrólögin sín, erlend sem innlend, á þessu lokakvöldi undankeppninnar. Þetta er hið besta mál og því tek ég við blóð/blood/bleed- hugmyndum alveg fram yfir næstu helgi. Annars allt gott. Ég dansa bara um og hef gaman af lífinu. Hlakka til laugardagsins.