ég þarf held ég bara sterkt kaffi til að koma mér í gang, en annars er ég að sofna, og tiltölulega nývöknuð. gæti verið orkan í honum óliver sem virkar svona svæfandi á mig, en hann er heima úr leikskólanum, alveg stútfullur af kvefi. lætur það þó ekki aftra sér í að vera í ninjaleikjum í sófasettinu og hoppa til og frá milli hósta og kvefuppsogs. já, orkubolti, og ég er sófasnúður með þung augnalok. bráðum vakna ég...með vorinu.

ég er ekkert alltaf sérstaklega hrifin af snjó...en ég elska skafla. vá, hvað það eru stórir skaflar núna. ég er handviss um að nú verður bráðum tími til að fara í bláfjöll á skíði. en nú....smá glam.

Þetta er gaman!

ú-hú. nú er ég að gera doldið leyndó, sem ég hef aldrei prófað áður. það virðist vera ágætt, jájá. þetta er gaman, jibbí. heiða alein í stuði.

Jæja. Lífið. Nokkuð gott. Ef lífið er gott er gott þá lífið? Ég er ekki viss....ætla að prufa að fara í jóga á eftir, og gufu á eftir. Fyrst ætla ég að samt að gera eitthvað annað, og svo eitthvað enn annað. En ef þetta virðist óljóst, er það alveg í lagi. Ég er ó-ljós í dag.

trúi ekki að klukkan sé aftur orðin eitt og ég ekki farin að sofa. ætla að reyna að gera eitthvað smá á morgun. það er mikilvægt að gera EITTHVAÐ og ekki EKKERT. ég er eirðarlaus og óþolinmóð eftir að fá kraft í köggla (hvar eru kögglarnir á manni?) Kannski sund gefi mér kraft. ... Power.... Please... jæja, farin að sofa

Er ég orðin svo vön því að drekka espressó að mér finnist venjulegt kaffi vont? Te, eins og ég sagði áður, er hins vegar alltaf gott. Besta er grænt jasmínte með hunangi og mjólk. Það er heilsudrykkurinn minn. Farin að fá mér svoleiðis og víííííí lyfin klárast á morgun. Þá er ég orðin Heiða mínus magabakterían Helíóbakter. Splunkuný tilvera, hvernig ætli það verði? Besta fjárfesting síðasta árs: Sonic Youth DVD-diskurinn. Hann er svo góður að það skiptast á gæsahúðir, kekkir í háls, kuldahrollar og stuðóp.
Að lokum: Til hamingju með sextuxafmælið, David Bowie. Ég er laus til að koma í kökuboð á miðvikudag, föstudag og sunnudag. Aðra daga í þessari viku er ég upptekin...

Te er gott.

Your Dominant Intelligence is Musical Intelligence

Every part of your life has a beat, and you're often tapping your fingers or toes. You enjoy sounds of all types, but you also find sound can distract you at the wrong time. You are probably a gifted musician of some sort - even if you haven't realized it. Also a music lover, you tend to appreciate artists of all kinds. You would make a great musician, disc jockey, singer, or composer.

What Kind of Intelligence Do You Have?

Tja, helst í fréttum? Nú, ég er ekki með nema eins og hálfan mátt í höndunum (sjaldgæf aukaverkun), svo er mér stundum kalt inní maganum (weird...) og svo svaf ég í 16 tíma og var samt þreytt...er enn þreytt. Þetta er allt tímabundið ástand vegna lyfja. Muna það, EKKI varanlegt ástand (note to self). Ég er vakandi, en samt soldið slöpp og máttlaus. Hef ekkert að lesa, búin með bókasafnsbækurnar. Þarf að lesa eitthvað þar til mig tekur að syfja. Kannski dreg ég bara upp eina góða Kim-bók eftir snillinginn Jens K. Holm, hinn danska. Þar eru glæpir leysanlegir, og hinir góðu vinna að lokum. Allir eru sanngjarnir, og meira segja vondu kallarnir viðurkenna sök sína og verða því ósjálfrátt batnandi fólk, sem er best að lifa. Danmörk sjöunda áratugarins, í smábæ. Sakleysi, sem fyrirfinnst ekki lengur í þessum heimi. Gott að það er enn hægt að lesa bækur og hverfa inn í aðra (og betri) heima.

Hér er ég, alls og einskis, og get ekki annað.
eins og aspas í brauðrétti alheimsins
eins og pipar í piparsósu almættis
eins og wasabi í soyasósu æðri máttarvalda.

...og enn er verið að japla á konfektmolum, ostum og graflaxi, svona í bland við annað hollara. Enda liggur hátíðarmaturinn undir skemmdum, og um að gera að gúffa þessu bara í sig, illu er best af lokið. Hollustan er þó að læða sér inn, og ég fékk mér til dæmis heilsusjeik í morgunmat (ab-mjólk, mjólk, hveitiklíð, banani og hnetusmjör), og fór í spinning-tíma áðan, alveg hreint stórgóðan. er að spá í að blanda spinning, jóga og pilates saman úr stundatöflu Perlunnar, líkamsræktar í Kef. og synda svo líka með. Þetta all saman í bland ætti að tryggja að a) ég fæ ekki leið á líkamsrækt, b) skammdegisþunglyndi ráðist ekki á mig eftir hátíðarnar og ...síðast en ekki síst... c) ég nái að tálga af mér svona 2 kíló, svo ég verði ofurmegabeib. Að sjálfsögðu er aðalmálið reyndar bara að ná upp góðu þoli, svo að maður geti hoppað og skoppað og blási ekki úr nös, enda er það bara svo skemmtilegt. Heilsa mín verður nú líklega eitthvað í lágmarki í viku eða svo þar sem ég er að taka Metronidazol Alpharma, Nexium esomeprazol og Klacid clarithromycin samkvæmt læknisráði. Líður svolítið eins og Megasi í "Við sem heima sitjum", en útkoman að viku lokinni á að vera: Dauði Helíóbakter!
Að lokum, bætti hér inn link á Orra. Skil ekkert í mér að hafa ekki linkað á hann fyrir löngu, ég sem les hann oft.

Mig dreymdi eitthvað um kókópöffs í nótt, man ekki hvað það var en þó að það var ekkert léttvægt.

vúhú, 2007. finn á mér að þetta verður geggjað ár. byrja það á að fá mér killer-morgunmat:
2 brauðsneiðar, og á milli tómatur, avokado, beikon, ítölsk spægipylsa, smjör, brauðostur, brie, rauð paprika, salt og pipar. er að fara að borða núna...hér eftir smástund hvernig þetta bragðaðist.......mmmmmmdílissjös.