Óliver toppar flesta í textagerð. Nú gengur hann um húsið og syngur: ,,Ég er að skíta á mig, því ég vil ógeðslega mikinn frið, tralalala, tralalala, tralalala." Sungið við lag Olgu Guðrúnar, Ryksugan á fullu.

Nútímajólakort: Gleðileg jól til allra vina minna, kunningja og fjölskyldu. Elska ykkur öll. Verið glöð! Heiða

...og kominn þessi líka fíni mánudagur. Ég fór extra snemma að sofa í gærkvöld, og vaknaði því hress og kát. Það eru 5 dagar eftir þar til ég fer í jólafrí, 5 skemmtilegir dagar af góða og frábæra skólanum mínum. Held að það verði blekmódelteikningar á matseðlinum út vikuna. Á föstudag næsta er svo jólahátíð hjá Óliver og mér skilst að hann ætli að spila á blokkflautu, en annars vitum við minnst um það, þetta er allt svaka leyndó og gaman. Hellvar er að spila á miðvikudag 17.12.08 í tískubúð á laugavegi (í gamla Liverpúl-dótaverslunarhúsnæðinu) klukkan hálf-sex. Svo er Hellvar að spila ásamt Dýrðinni, Nóru og The Way down á Grandrokki á fimmtudagskvöldið 18.12.08 og opnar þar klukkan átta um kvöld. Ég og Guffi með styrkri hendi Elvars erum svo búin að ljúka upptökum á laginu "Kertaljós á jólanátt" sem er jólalag, og verður dreift í vikunni (í brennslu í stúdíó Kanavöllur, Skógarbraut 926 akkúrat núna). Ég er búin að lesa mikið í veikindum, m.a. Alkasamfélagið eftir Orra Harðar (frábær!), Eineigða Kisa-nýjustu bókina eftir Hugleik (æðisleg!!!) og Hugarfjötur Paulo Coelho (stórbrotin!!!). Hvernig hafið þið það annars?
P.S. Hvað er heimilisfangið þitt, Sif, er með lítið umslag með glaðningi sem þarf að senda á þig sem fyrst.

veikin búin, ég hress. bless.

ég er að drepast í maganum í fjárans magakveisueitthvað. það hefur gert það að verkum að ég svaf ekkert í nótt fyrr en fimm og vaknaði svo enn að drepast um hádegi. plön mín um að mótmæla við seðlabankann í morgunn urðu því að engu...en þessi magi er ekki að hegða sér eins og ég vildi að hann gerði. ef ég er enn að drepast klukkan seint í kvöld fer ég til læknis á morgun. það borgar sig sko ekki í kreppu að hoppa að niðurstöðum þegar læknisþjónusta er svo dýr. þetta er eflaust bara ávextirnir sem voru gamlir sem ég át með bestu list í gær,og mikið af þeim, eða kjúllinn sem ég fékk á ónefndum skyndibitastað í rvk á laugardag....annað kemur víst ekki til greina sem ég hef borðað og ekki elvar. elvar kennir sér ekki meins í maga og nýtur þess nú að vera kominn í viku frí frá vinnu eftir að hafa unnið upp á nær hvern einasta dag lengi lengi lengi.

Guðmundur Rúnar Júlíusson er látinn. Sendi ég fjölskyldunni hans samúðarkveðjur og lýsi hér með yfir að hann var aðaltöffarinn.

Albert bjó til gamaldags mixteip með nútímalegu sniði. Þetta er yndislegt!:

	David Bowie - Sound And Vision
	Found at skreemr.com

Gott lag með David Bowie Bless.

Nýr linkur: http://this.is/Nei/
Athugið þetta daglega, þarna er eflaust lítil ritskoðun á því sem er í gangi í þjóðfélaginu. Velkomið í umræðuna, Nei!

jæja, þá er komin helgi og ég reyni að gera tilraun til að hafa tíma til að athuga hvort ég geti ekki reynt að gera tilraun til að hafa tíma til að blogga. er það að takast? já auðvitað er það að takast, ég er að blogga er það ekki? ég vona það allavega annars veit ég ekkert hvað ég er að gera núna. kemst því miður ekki í mótmæli á morgun, er að spila á Eyrarbakka með þjóðfræðingnum Kristínu Einarsdóttur. ég verð í anda á mótmælum og vona að það verði troðið. já troðfullur austurvöllur af reiðu og öskrandi fólki sem heimtar að kosið verði upp á nýtt er of stór og áberandi til að fjölmiðrar geti gert lítið úr þessu og davíð oddson brosað og flissað. við verðum bara að láta í okkur heyra. ef það koma margir er líka svo gaman. þá kemst fólk kannski á bragðið og fer að heimta að mótmæla oftar í viku. hvernig væri að taka upp þann góða og gilda sið "mánudagsmótmæli" sem var við líði á alexanderplatz í berlín? hvern einasta mánudag kom fólk saman og mótmælti. það var alltaf eitthvað sem einhverjum mislíkaði. svo bara var hægt að skrá sig og sín mótmæli fram í tímann og svo var auglýst á netinu og manna á milli. prentaðir dreifimiðar og slíkt. alltaf troðið. ótrúlega skilvirkt kerfi. og ef maður segir ekki þegar manni mislíkar eitthvað þá sjá þeir sem eru að gera það enga ástæðu til að hætta. ég meina, ef mér finnst ótrúlega gaman að kitla þig, þá hætti ég ekkert fyrr en þú segir: ,,hættu ég vil ekki meir", og þá hætti ég náttúrulega undir eins. jafnvel þótt ég sjái að þú sér hlæjandi. en þú mótmæltir og ég hætti. svona á þetta að vera...er það ekki?

muna að fara á http://www.kjosa.is og skrá sig. mikilvægt að sýna vilja sinn í verki. það gerist ekkert fyrr en við krefjumst þess.

Fokk ðe þjóðfélagsgagnrýni. Við vitum að þetta er allt á rangri leið nema skipt verði um stjórn.... Affsssakkiðð en ég nenni ekki að blogga pólitískt. Þetta er bara svo mikil heilbrigð skynsemi sem þarf að framkvæma að það er bara augljóst.

Jæja, afstæði hlutanna er gífurlegt. Maður er hættur að skilja upp né niður í neinu. Minnstu áhyggjurnar mínar eru allavega þær að ég hafi misst viku úr skólanum vegna þess að ég barðist við að halda heilsu á meðan ég söng 5 gigg á fjörum dögum. Airwaves-hátíðin var með allra skrýtnasta móti, en hún var einhvern vegin um allt annað en nokkru sinni fyrr. Hún var um að þrauka og halda áfram, þrátt fyrir þjóðfélagsaðstæður. Hún var um að vera með vinum sínum og hlæja saman, þrátt fyrir allt. Hún var um að reyna að gleyma sér, og fá smá umhugsunarfrest frá "hinum" heiminum, þ.e.a.s. hinum gráa raunverulega. Arthur Schopenhauer sagði að maður kæmist út úr gráa hversdeginum með því að hlýða á, eða leggja stund á tónlist eða aðrar listir, og það er akkúrat það sem þessi Airwaves-hátíð var um. Ég reyndi að sjá gigg hjá öllum sem mér þykir vænt um, þótt ég hafi náttúrulega ekki getað séð alla vini mína, sökum tímaskorts. En ég sá Bíbí í Singapore Sling, Sigrúnu og Magga Axels í Dýrðinni, Elizu með sólógigg, Bjössa og Sigga í The Pen, Elvar,Loft,Sigga og Stebba í Dys, hressuogskemmtilegu strákana í Sagtmóðigi, og marga fleirri. Náði reyndar ekki að sjá Curverinn í Ghostigital eða Guffann í For a Minor Reflection, en tíminn er alltaf takmarkaður. Ég er stolt af öllum þessum ótrúlega duglegu íslensku tónlistarmönnum sem hafa unnið kauplaust svo árum skiptir, bara af því bara. Þegar harðnar í ári er tónlist, tónleikahald og listin sjálf kannski enn mikilvægari sem tæki til að fá útrás, komast í burtu, gleyma sér. Ég veit ekkert hvernig þetta verður, en veit að þetta bara hlýtur að reddast. Einhvern veginn. Mér finnast kartöflur og súpukjöt gott á bragðið og það verður bara fínt að éta það og soðinn fisk sem maður kaupir niðr'á bryggju. Á hlý föt, á mann, á barn, á vini, er með þak yfir höfuðið, svo bara gerir maður sitt besta. Það er víst ekki hægt að gera meira en það.....

Hellvar playes tonight, 14.10, in Kaffi Hljómalind, Laugavegur. Gig starts 20.00
Hellvar playes tomorrow, 15.10, in Tunglið (The Moon),in Airwaves, gig starts 19.30
Hellvar playes thursday,16.10, in the Kimi Records Office, Smiðjustíg, gig starts 17.00
Heiða playes friday 17.10 in Rósenberg a troubadour-gig as part of Trúbatrix at 16.30
Dys (Elvar's punkband) playes saturday, 18.10, in Kaffi Hljómalind, gig starts 17.30
Show upp to all those gigs and you will get a secret award (very special!)
Komdu á alla þessa tónleika og þú færð leyni-verðlaun (mjög sérstök!)

Lag dagsins: Help með Bítlunum, dedicated to Ríkisstjórnin:

Erum á Snæfellsnesi í orkusöfnun. Komin með slatta, enda bæði búin að fara út í göngutúr klukkan 09.00 í morgun, og prufa ölkelduvatnssundlaugina á Lýsuhóli. Er búin að vera á leiðinni að prufa hana síðan sirka 1987. Varð bara alls ekki fyrir vonbrigðum. Það er reyndar aðeins minna gos í vatninu en ég hafði ímyndað mér, en samt bragðaðist vatnið eins og heitt sódavatn og maður fann smá svona kitl á húðinni. Synti helling og það var ævintýralega fallegt ofaní lauginni. Hefði viljað hafa þarna vatnsmyndavél, því ofaní voru grænir brúnir og svartir litir, og svo komu sólargeislarnir niður í vatn. Útkoman varð mjög draugalegt og gothic eitthvað. Verulega kúl lúkking. Taka upp myndband þarna ofaní, það er málið. Drífa sig í því áður enn allt er renóverað eins og virðist gerast nær alltaf þegar maður hefur fundið eitthvað svona gamalt og gott. Tók fullt af svarthvítum myndum á filmuvélina, svakalega spennandi að sjá hvernig þær koma út. Er að fara að elda, svo fæ ég mér eflaust ölsopa og áframhaldandi spjall við Kela og Elvar í kvöld. Við spjölluðum til 3 í nótt, um tónlist, sköpunargáfu, neista innaní fólki, vinnustofur versus hugmyndaflug og margt margt fleirra. Langaholt er æææææææðislegt gistiheimili, mæli með því fyrir alla. Reyndar ekki opið á veturna nema fyrir 10 manns í einu, en bara skella sér næsta sumar. Útlönd hvað? Snæfellsnes og jökull og ölkeldusund og afslöppun. Ég segi nú bara eins og Væla Veinólínó: Ha, Ha, ég hlæ!

sólin kostar ekkert. ekkert veður kostar enn neitt. njóta veðurs í öllu formi. það kostar ekkert að anda heldur...enn að minsta kosti. kostar ekkert að sofa. Mmmmm það er ókeypis lúxus að sofa soldið.........restin kostar.....nei ekkert að kyssast og elskast. ennþá hefur þeim ekki tekist að verðleggja og skattleggja þann munað!!!!!

Hætt að vera helgaráskrifandi að Mogganum, er að reyna að lækka tryggingargjöld, elvar er að fara að hitta einhverja hjá spara.is. langar að taka slátur, frysta svo í stóra frystihólfinu svo við eigum nóg að éta í vetur. næsta verslunarferð mun taka mið af skynsemi, þar sem ég kaupi mikið af því sem er á tilboði og geymist....mér líður eins og ég sé living on borrowed times svona eins og lennon sagði. Það er eitthvað svo hræðilega óljóst hvernig allt verður að maður er í alvöru farinn að hugsa um að hamstra og frysta og svo frv. verð að kaupa jarðarber svo ég geti sultað með rabbarbaranum sem mamma gaf mér og bíður klár. já, ég fer og endurvinn núna bara, og kaupi svo jarðarber, sykur og fleirra smálegt til búsins. hætta að kaupa sér gosdrykki eða nesti í nóatúni í hádeginu í skólanum. kaupa frekar slatta af alls kyns í bónus og taka með. svo er ókeypis að hjóla. ókeypis að lesa bækur (sem maður á) horfa á vídeó/dvd (sem maður á). Horfa svo á youtube til afþreygingar (netið ókeypis hér, eða inni í leigunni). Labba styttri vegalengdir, ekki freistast til að keyra...safnast þegar saman kemur. já, hvernig væri að afskrá kannski vespuna í vetur, til að spara..? Já, þetta eru allt góðir möguleikar. Svo er það vöruskiptadílar. Ég er góð söngkona (eða svona...heheh) Get sungið fyrir mat, sungið fyrir hitt og þetta...kannski ég ætti að bjóða bankastjóra Kaupthing að syngja fyrir hann og fá lægri vexti/og eða niðurfellingu verðtryggingar í staðinn???? Það væru bestu laun ever. Ég hef borgað af tveimur húsnæðistengdum lánum (íbúðarlánasjóð og einu 2 millj. í Sparísjóðnum) í rúm tvö ár, og heildarlánsupphæðir hafa hækkað um helling, mörg hundruð þúsund, þótt ég sé búin að borga niður mörg hundruð þúsund líka. Við verðum að kaupa kartöflur, hægt að matreiða þær á svo marga vegu....redda sér.

búin að kynnast því að stundum er bara það mikið að gera að alls kyns smáhlutir eins og blogg láta einfaldlega undan. Hráfæði er líka látið mæta afgangi, því það vinnst hvorki tími til að undirbúa eða tími til að fara í búð og kaupa það hráefni sem þarf. Á reyndar slatta í skúffunni minni og ætla að reyna að vera dugleg að vinna aðeins úr því um helgina næstu. Það verður óneitanlega minna að gera næstu helgi en þá síðustu, því þá var ég smá lasin, en fór samt í eitt ljósmyndaverkefni og á tvenna tónleika á laugardagskveld, og svo var sjö ára afmæli ólivers fagnað nær allan dag og framm á kvöld á sunnudag. vel gert. Djöfull var ég mygluð í allan gærdag. Nú er ég í 8.15 rútunni (sem kom um hálf-níu upp á völl) og verð því allt allt of sein í skólann minn í dag. En ég bara hreinlega missti af 6.55-rútunni. Það er bara voða erfitt að vakna klukkan 06.20 til að ná að gera allt og pissa og borða og allt áður en rútan fer. Hálf-7 dugar ekki, sannreyndi það í morgun. Blablabla. Lúxusvandamál, ætti að þakka fyrir að hafa aðgang að þessum fínu rútum alls ókeypis, og meira að segja með nettengingu. Er að hlusta Celestine, shitt hvað hún er vekjandi í morgunsárið. Módelteikning bíður mín, og listasaga eftir hádegi. sjámst.

var með ægilega góð plön um að gera helling, en svo er bara rigningarsuddi og ég ligg því í sófa og tölvast með engin plön. nema mig langar í sund og gufu. og melli og alexandra koma í kvöldmat klukkan sjö. semsagt: engin plön eins og ég sagði. vill einhver vera memm í kvöld?

Er að blogga í rútunni á leiðinni mieh. hahaaha. Sniiiiiiiiiiiiild!
Hér er þula fyrir ykkur:

rok og rigning út um glugga.
sá ég karl sem var að brugga.
hann var ljótur með rautt nef.
verr'en nefið sem ég hef.
vélin rymur, barnið gólar
í rútu eru vondir stólar.
keilir yggldi sig í framan,
hann og esja eru hætt saman.
læt nú loksins þulu lokið
velkomin í keflvískt rokið.

Vá!

Skólinn minn er byrjaður, fyrsta vikan búin. Fór beint úr skólanum upp í borgarfjörð og sat þar og hlustaði á heilagan sannleika og heilbrigða skynsemi sem var afskaplega hollt að heyra, en ég var þó nær dauða en lífi af þreytu sökum vikunnar. Svaf að meðaltali um 5 tíma á nóttu sem er allavega 3 tímum of lítið, og stefni ég því að því að næsta vika verði með í rúmið klukkan 11-reglu. Gat lagt mig yfir daginn um eftirmiðdag/snemmkvöld laugardags sirka frá hálf-fimm til sjö og það var góður blundur. Annað sem ég hef gert um helgina: farið í bað, tekið upp lag, spilað á gítar, lesið pólitík, skoðað pin-hole myndavélina sem ég er að fara að setja saman, heimsótt fólk, og verið búin á því. Afþakkaði m.a.s. 30ára-afmælisveislu sem mér var boðið í (sorrý einar) því ég bara gat ekki farið út úr húsi eftir að ég var komin í hús, ég bara lamaðist í sófanum. gott að hlusta á líkamann, það gerir gæfumuninn. svo dreymdi mig að bæði pabbi og tengdapabbi væru ófrískir, komnir alveg á steypinn og voru svo spenntir að fara að eiga barn. Hvað þýðir það?

Hellvar spilar á Kaffí Hljómalind í kvöld, 23. ágúst, klukkan hálf-níu (20.30). Þar verða frumflutt fjögur ný lög, afrakstur sumardútlsins okkar, og nokkur lög af Bat out of Hellvar fá líka að fljóta með. Vá, hvað ég hlakka til.

Check this: Hellvar in japanese web-radio: http://www.radio-eigekai.com/bomb.html

djöfull langar mig í hi-spot maður!!!

Ókey, það þyrmir yfir mig hérna og ég verð bara að skrifa þetta hér og hvetja fólk til að gera eitthvað. Ég verð að gera eitthvað. Íslenskt efnahagslíf er í rúst og það er sitjandi ríkisstjórn að kenna. Svo virðist sem Geir sé bara glottandi karl á einhverju pávertrippi og sjálfstæðisflokkurinn brosi með því fólkið í honum, klíkan á Íslandi, séu öll það helvíti vel stæð að þau finni ekki fyrir núverandi efnahagslægð. Fólkið í landinu finnur hins vegar vel fyrir minnkandi kaupmætti, og verðtryggðum lánum sem fara hækkandi, en einhvern veginn er sjálfstæðisflokkurinn alltaf endurkjörinn. Ég mæli því með að fólk sem vill breytingar láti vita af þeirri ósk sinni.

Fáið ykkur gömul lök eða sængurver og spreyjiði slagorð á þau og hengið á áberandi stað. Fínn staður er til dæmis út um stofuglugga eða á svalir heima hjá ykkur. Ykkar húsnæði og því ekki bannað. Látið skoðanir ykkar í ljós.

Hugmyndir að slagorðum:
Efnishyggja gerir ríkt fólk ríkara, hinir tapa allir.
Burt með sjálfstæðisflokkinn sem hugsar meira um banka en fólk.
Niður með kapítalismann!
Peningar eiga ekki að stjórna í heiminum.
Það er bara lítil klíka að græða - við hin erum á kúpunni!
Af hverju kjósum við alltaf sama ruglið yfir okkur?
Afnemum vísitölutengd lán.
Góður stjórnmálamaður býr til jafnvægi, ekki glundroða.
Hættið að selja ríkisstofnanir.
Ekki meiri einkavæðingu.
Hvenær fáum við stjórn sem hægt er að treysta?
Hægri stjórn eykur á stéttarskiptingu í landinu!

Finnið upp ykkar slagorð. Vill einhver vera svo vænn að gera þetta? Ég á gamalt sængurver og ætla að kaupa svart sprey á morgun.
Almenn mótmæli og fjöldamótmæli gefa allavega stjórnvöldum tóninn, og algjör óþarfi að taka bara endalaust við yfirlýsingum frá glottandi Geir um að allt sé í lagi, því bankarnir skili hagnaði. AUÐVITAÐ skila þeir hagnaði, lánin okkar eru vísitölutengd. En ég ét ekki fyrir hagnað bankanna.
Sko mitt slagorð: Ég ét ekki fyrir hagnað bankanna!

Skrifstofa Hressó í fullum gangi í dag. Elvar að vinna tónlist og ég að leita að efni á veraldarvefnum. Grænt te og teppi um leggi ásamt ullarsokkum til að íslenska sumarið drepi mann ekki úr kulda. Er sumarið kom yfir sæinn, og sólskinið ljómaði um bæinn var gaman að vera til. En er sumarið farið og sólskinið hætt að ljóma? Vona ekki. Minnst uppáhaldið mitt er sólarleysi og lágt hitastig. Dreymdi reyndar snjó og kerti í vetri í nótt, og vona hreinlega að það hafi ekki verið spádraumur um næstu viku. Er hægt að vera háður sólskini? Ef svo er, er ég það kannski.... Í þessum rituðu orðum braust sólin út úr skýjunum, til að sanna fyrir mér að sólskinið er ekki hætt að ljóma um bæinn. Ég meina, það er nú alveg mánuður eftir af sumri, ha. Er þa'ggi alveg örugglega???

...stundum langar mann bara að segja hvað maður gerði þann dag, þótt það hafi ekki verið geimferðir eða kjarneðlisfræði. en ég náði að fara á ótrúlega marga staði og tala við marga skemmtilega og það er svo mikilvægt. fór fyrst (mjög sybbin) í ikea með mömmu óliver og elvari. lagði mig öðru hverju á mottustafla eða í sófa. samt varð auðvitað gaman eftir smá tíma, þrátt fyrir illasofelsið. fengum svo öll pylsur og gos hjá mömmu, allir þrír krakkarnir hennar mömmu. þvínæst var farið á laugarveg, nánar tiltekið á kaffihúsið hennar alexöndru. sojalatteinn sem hún gerði fyrir mig var unaður. svo löbbuðum við í skífuna, svo til braga í ranimosk, með viðkomu og kíkeríi á halla og valda (kaffihús í gamla hljómalindarhúsi, leist vel á). hittum berglindi og fórum með henni á kaffibarinn og sátum og spjölluðum heillengi. svo fórum við á prikið, þar sem við borðuðum borgara og ég las flott viðtal við björk í nýju lífi. svo var það áframhaldandi labb, og nú niður á austurvöll og þar sátum við með kristni pálssyni, alexöndru og sigga og löptum einn bjór, keyptan í ríkinu til að spara, og svo fékk ég far með sigga í vallarhöll. nú er ég í vinnu í skífu, og hef talað frönsku í allt kvöld, seldi bæði skúla sverri og hjálma til meðvitaðra frakka.
en þú, hvað ert þú búin(n) að gera? svör óskast frá öllum sem mér þykir vænt um.

EXTRA! EXTRA! Read all about it:
Vínilsafnið mitt er komið í stafrófsröð. Tók bara kvöldstund, þegar ég sleppti að horfa á sjónvarpið. Man reyndar eiginlega ekki hvenær ég glápti síðast. Horfi stöku sinnum á eina og eina kvikmynd, en þættir, fréttir, veður, whatever...aldrei. Gleymi því bara. Hef hins vegar lesið bönsj, og nú flokkað vínilinn. Eitthvað sem ég hef lengi ætlað að gera. Hvílíkur munur, nú get ég fundið allt. Og á morgun ætla ég að skrifa það sem ég skulda að skrifa, OG fara að byrja að læra á Reason-forritið sem ég fæ á morgun. Svo bara þarf ég að vinna soltla tónlist í vikunni, og ef til vill hjóla aðeins og synda. Þá er ég bara að gera allt sem ég á að vera að gera. Þetta er skrifað á kvöldvakt í skífunni, stund á milli stríða. Alltaf nóg af skemmtilegu fólki sem kemur og kaupir tónlist og bíó hjá mér. Hvert kvöld, bara gleði.

Samarendra Das er indverskur aktívisti, rithöfundur, og
kvikmyndagerðamaður. Hann er afar fróður um
áliðnaðinn og getur fjallað um hann frá fjölmörgum sjónar-
hornum; t.d. tengsl hans við menningarleg þjóðarmorð í
þriðja heiminum í tengslum við báxítgröft, tengsl hans
við hergagnaiðnaðinn og stríðsrekstur, og almennt um
hnattrænar afleiðingar hans.

Þessa dagana stendur Samarendra aðallega í baráttu fyrir
réttindum innfæddra í Orissa-héraðinu á Indlandi, þar
sem fyrirhugaður báxít-gröftur námufyrirtækisins Vedanta
mun leiða af sér menningarlegt þjóðarmorð, ef af honum
verður.
Hinn 22. júlí síðast liðinn var hann í Friðarhúsi og fjallaði sérstaklega um tengsl áliðnaðarins við framleiðslu hergagna
og stríðs.
Í gær, 23. júlí, var hann ásamt Andra Snæ Magnasyni í Reykjavíkurakademíunni, Hringbraut 121 og stýrði umræðum sem brjóta á bak aftur goðsögnina um svokallaða
"hreina" og "græna" álframleiðslu hér á landi.

Í kvöld verður Samarendra Das í Reykjanesbæ og talar á Hafnargötu 22, efri hæð, klukkan 19.30. Eflaust verður málefni svæðisins í brennidepli, og rætt um hugsanlegar framkvæmdir í Helguvík.

Áorkaði að taka smá til, sofa helling, "elda" þríréttaða hráfæðismáltíð og fara í langt bað í dag. Semsagt ultimate slæpingur. Nú er ég í vinnu í Skífu Leifsstöð, og er að spá í að koma við hjá ketti foreldranna og segja smá hæ eftir vinnu, og fara svo út að labba hjá Garðskagavita, enda er ég ekki vitund þreytt. Á morgun á ég að mæta klukkan 10 í popppunkt hjá Doktornum á Rás 2, og verð ég í liði með Elízu söngkonu, en saman skipum við lið keflvískra söngkvenna. Á móti okkur keppir lið sumarsmellahöfunda, og er Ingó í Veðurguðunum og einhver einn úr hinni prýðilegu Múgsefjun í því liði. Eins og mig langar að vera þreytt er ég það ekki, enda enn að reyna að snúa við sólarhringnum eftir að ég vakti til átta aðfararnótt sunnudags, í skemmtilegasta brúðkaupi ævi minnar, hjá Rósu Bjarna, minni ástkæru frænku. En Garðskagavitalabb er ágætt til að þreyta og tæma huga líka, eitthvað sem ég þarf, og hvílíkt frelsi að geta farið í göngutúr að nóttu til. Enda Elvar í sumarbústað og Óliver líka, í sitthvorum samt.

Þetta er sjúklega skemmtileg síða. Endalaust af frábærum uppskriftum og allt sem maður borðar þarna lætur manni líða svo vel!

Mánudaginn....mánudaginn! Borðuðum grænmetisborgara og Kurrywurst mit pommes und mayo í kvöldmat, Cristoph, Nora, Jako Kári, Kjartan, Svala, Óliver, Elvar og ég. Allir saddir, átta manns. Nú er uppþvottavélin og þurrkarinn á fullu, Jako Kári, Óliver, Kjartan og Nora úti á trampólíni, Elvar, Cristoph og Svala að tjilla, og ég að blogga. Á eftir ætla krakkarnir að horfa á eina mynd og svo fara þau upp á flugvöll klukkan tíu, og fljúga aftur heim til Frankfúrt. Ég er ekki að vinna í kvöld, vinn annað kvöld. Er að spá í að reyna að mála svolítið á eftir. Það er líka skýjað og rigning stundum (ekki akkúrat núna samt). Fullkomið að vera inni hjá sér og dunda. Það væri æði að hlusta á plötur og mála smá í kvöld, kannski eftir að ég hef lesið eins og einn kafla fyrir Óliver úr Harry Potter og fangarnir frá Azkeban...Gott tjill hér, en samt nóg að gera.

Föstudagur enn á ný. Gerði fullt og geri enn. Skemmtilegt að vera í rey á bíl...hefur ekki gerst lengi. mamma splæsti í Benzin, (takk mamma, veit þú er að lesa). Leið eins og unglingi, að keyra á milli staða og útrétta. Fara með reikninga, rukka inn endurgreiðslu (vonandi) frá Icelandair, fyrir dýrt flugvallarhótel sem við neyddumst til að taka vegna seinkunnar flugsins til Manchester. Sundbolakaup (endurgreitt af íþróttahúsinu á Vellinum, þegar vatnskreistivélin reif bolinn minn í tætlur)...Jájá, og svo var bara klukkan að verða fimm og ég því á Hressó aftur, ekki þjóðarbókhlöðu, því hún lokar víst snemmish á fös. Hey, það er bolaveður í Rey. þótt sólarlaust sé. Um 15 stiga hiti og logn. Spjallaði við götuspilara frá Þýskalandi sem var að spila Another Brick in the Wall-sólóið fyrir utan 10-11 þegar ég keypti mér ávexti þar....Sagði að það væri gott að spila á Íslandi, hann hefði gert þetta um áraraðir í Köben, og nú væri allveg steindautt og handónýtt að spila þar, því Sígaunaklíkur tröllriðu nú öllu, og allir danir komnir með leið og gæfu götuspilurum því lítið sem ekkert. Hann kunni alveg sólóið, var bara nokkuð fær, allavega slarkfær. Hann var samt hættur þegar ég kom út, og því gat ég ekki gefið honum. Hann verður samt fös. lau og sunn. fyrir utan 10-11 í austurstræti í sumar, svo endilega henda klinki í hann, því það er svo gott fyrir stemmninguna að fólk vilji spila hér á Íslandi. Böskdjobbið er ekki auðvelt starf, hef reynt það sjálf. Ótrúlega erfitt að byrja, og sitja kannski lengi áður en fólk fer að gefa pening. En þetta er starf eins og hvað annað, og mjög gefandi, því það er svo gott að heyra flott lag kannski á föstudagseftirmiðdegi þegar stress og læti eru í gangi, og maður gengur kannski blístrandi í burtu. Mjög gaman bara. Nú: Smá pólitískur lestur.

ég komst í stutt stopp til rey. það er svo gott að vera umkringdur fólki. ég er bara háð því. sat og borðaði GRAWnola sem ég kom með í plastboxi að heiman, á austurvelli áðan. nú á hressó að emaila og netþvælast. rútu aftur heim eftir klukkutíma. ég er bara svona. sé fólk og finnst ég vera partur af samfélagi. einhverju samfélagi. það er bara ekki gott að vera alltaf einn eða með familíu eingöngu. ég er félagsvera og það er ok. nú er ennþá sól og heitt, og ég sver að ég gæti blekkt mig til að halda að ég væri sunnar á hnettinum. ekkert að kvarta sko, þetta er svo gott. orðin brú í framan og allt. í kvöld: skífu-stuð. á morgun: SUND!

Óliver og Andri úti að leika, rak þá út í góða veðrið eftir að ræningjaleikur og njósnaraleikur og lögregluleikur og bardagaleikur voru farnir að vera fremur háværir og bögga köttinn. Annars þarf ég að komast til Reykjavíkur að degi til og anda að mér menningu. Ég kom heim frá útiálandinu eftir hádegi í dag, og verð bara að komast í einhvers konar "bæ" og niðri í bæ Reykjavík verður að duga. Þá er það bara hið góðkunna spýt í hina góðkunnu lófa, sund í fyrramál, rúta í bæ, email og skrif og tölvudót og svoleiðis á kaffihúsi. Ætti að hressa stúlkuna aðeins við svo hún festist ekki bara í ekkertinu. Það er sumsé orka sem vantar í mína, og svoleiðis fæ ég úr umferð og erli og mannlífi og látum. Merkilegt en þetta virkar alltaf!!!

Júlí-mánuður er sneysafullur af spennandi hlutum....Bráðum kemur gott veður, og ég fer á Humarhátíð á Höfn á föstudag, og Cheristoph og Nora gifta sig á Þingvöllum á sunnudag,...já,já. Alltaf ljúft í Skífunni á flugvelli. Mikið af góðu fólki sem kaupir hjá mér diska og myndir. Var að selja sætri stúlku The L-word og Pál Óskar. Öðrum myndarpilti After the gold rush með Neil Young. Hann sér hann á Hróarskeldu eftir tvo daga og ætlar að hita sig upp með diskinum. Mig langar líka að sjá Neil Young...En ég sá My Bloody Valentine síðasta laugardag og rosalega er það brjálæðislega góð hljómsveit. Er svöng. Gleymdi að borða kvöldmat. Fékk líka í magann og smá hita og læti...Þetta er íbelgogbiðublogg. Verður að hafa það. Nú er búðin tóm. Er að hlusta á nýju Sigurrós. Hressileg. Er að spá í að skella einhverju rokki á næst. Ætli Morðingjarnir sleppi rétt fyrir miðnætti hér, og allir þreyttir? Prufa bara lágt og sé hvað gerist. Mikið stökk, Sigurrós og Morðingjar. Sigurrós ætti að fá Morðingjana til að hita upp fyrir sig, bara upp á fönnið, svona extreme-stökk eitthvað. Hér með óska ég líka eftir að spila með Morðingunum í Keflavík, á Paddy's. Þegar fjögur Hellvar lög eru klár, spilum við næst, og tökum þau þá líka. Kannski í águst, ef ég og Elvar spýtum í lófana og riggum upp trommum á þau tvö sem vantar uppá? En nú segi ég bless, og ég er að spá í að fá mér annað hvort einn beilís, einn bjór eða einfaldan viskí, er ég kem heim klukkan eitt. Nightcap, fyrir svefninn. Kannski er viskí best til að drepa magabakteríu.

Nýr linkur: Óliver

fékk að tala bönsj af frönsku í gær, og smá þýsku líka. elska tungumál. vildi að ég kynni líka spænsku, þá er ég eitthvað svo vel sett. það er skátafílingurinn, við öllu viðbúin. annars var vinkona mín í gær að benda mér á að kínverska væri 6. mest talaða tungumál heims, svo ég ætti kannski að ná kínverkunni vel og reyna að komast í listaskóla í peking bara, eftir rúmt ár eða svo. nógu er það ódýrt allavega, og svo gæti ég skrifað nokkra pistla um kínverskt mannlíf, menningu, og þannig. jafnvel verið fréttaritari í peking. já, það væri nú spennandi að fara að nema hina fornu list kalliograpí. (svona teikn með bleki á ríspappa, tákn og hlutir). Já, pöndur tákna heiðarleika, ég á einmitt eina pöndu kallíógraff-mynd. Enda er ég heiðarleg.

Það er mánudagskvöld, og ég að byrja að vinna aftur í Skífunni, Leifsstöð. Vonandi koma bæði Frakkar og Þjóðverjar svo ég geti æft mig í þeim málum. Hlakka til, það er oft mikið stuð á kvöldin. Gott að hafa fullt að gera. Svo eru ekki nema 5 dagar í My bloody valentine í Manchester. Vááááá, hvað það verður gaman.

Var í sundi áðan. Er 59 kíló. Langar ekki að vera 59, heldur svona 53-54. Er að spá í að hætta að borða kjöt svona smám saman. Svínakjöt er fyrst til að fjúka af listanum. Enda er talið að svín séu gáfaðri en hundar, og öskri hræðilega þegar þeim er slátrað. Bless, svín, ég reyni að borða ykkur ekki aftur. Já, verð líka að hætta að drekka bjór, sem er einstaklega fitandi. Ætla að halda mér við stöku rauðvínsglas, sem er líka gott fyrir hjartað. Já, unnar kjötvörur eru nú voða slæmar líka. Verst að ég á beikonbréf inni í kæli, sem sameinar að vera svínakjöt og unnin kjötvara. Má bjóða einhverjum beikon? Ég er bara búin að borða ávexti og ávextasafa, og drekka grænt te í dag. Ætla að fá mér meira te...

Ég gat! Mér tókst! Vei!

Krepputal og kreppuhækkanir og bensínverð almennt hefur fengið mig til að hugsa meira um Berlín en áður. Þar eru allir jafn-fátækir, og vanir því að bregðast við litlum efnum og gera sér ávallt mat úr öllu. Á Íslandi er þetta svo nýtt ástand fyrir marga að fólk er rétt að kveikja á hlutunum, og er að byrja að narta aðeins í að prufa að vera meðvitað um verð í búðum og svona. Í dag er loks ekki hallærislegt að lesa strimilinn í búðum, en það var eitthvað sem þótti ægilega niðrandi að gera fyrir um einu ári hérlendis. Ég smitaðist einmitt af strimlalestri Þjóðverja sem allir gera þetta, og þykir það sjálfsagt enda getur þetta sparað heilmikinn pening á mánuði. En ég ætlaði ekki að tala um strimlalestur eða endurvinnslu eða verðmeðvitund þegna. Nei, í gær fór ég nefnilega að hugsa um það sem væri til í búðum hér og í Berlín. Ég áttaði mig allt í einu á því að búðirnar hérna eru fullar af dóti sem við þurfum ekkert á að halda, og svo er erfitt að finna brýnar nauðsynjar. Vöruverð er eitt, en vöruúrval er annað. Ég man eftir öllum litlu grömsubúðunum í Berlín, þar sem hægt var að fá hjólapumpur og allt til að gera við hjólhesta, hitapoka, hnífasett, krydd í massavís, rafhlöður, vasaljós, veggfóður, stimpla, og já, ýmislegt gott sem hvatti til þess að maður gerði við eitthvað sjálfur. Í þýskalandi er það gert aðgengilegt að gera við skó eða hjól, og lítið mál þykir að stoppa í sokka eða sauma í föt. Já, í Þýskalandi er meiri skynsemi í vöruvali, og svo er ef til vill heilmikið mál að finna flatskjá eða eggjasuðutæki, sem eru einmitt svona raftæki sem eru á hverju strjái hér. Íslendingar eiga langt í land þar til þeir sörfa á kreppuöldunum og koma á land þurrir í fæturnar. Ég sakna Berlínar.

Nýr linkur: http://mp3.blog.is/blog/mp3/. Velkominn, Maggi strump.

Ég var að lesa svo rosalega mikið á þessari síðu í gær: http://aftaka.org/

Mér finnst bara eitthvað mjög fallegt og frábært þar í gangi. Hópur fólks sem er ekki hrætt við að segja sínar skoðanir. Fólk sem hvetur aðra til að vera heldur ekki hrætt. Fólk sem er greinilega fært um að draga ályktanir eitt og óstutt og jafnvel gera hitt og þetta sem er svolítið á skjön við hinn venjulega veruleika, og auðvitað til þess að opna augu fólks fyrir því að allt ÞURFI EKKI AÐ VERA SVONA FASTMÓTAÐ og Í KÖSSUM. Íslendingar hafa hræðst róttækni gífurlega í gegn um tíðina, rétt eins og þeir hræðast að klæðast litsterkum fötum og kjósa sér fremur svartan klæðnað. Já, því miður, Íslendingar eru hræddir við að vekja á sér athygli. Ef einhver skyldi horfa, fordæma og jafnvel tala um mann.
Hins vegar er lausnin á þessu öllu sú að kæra sig bara kollóttan. Ef maður er hræddur á maður að gera eitthvað sem maður er hræddur við, og æfa sig í að verða alveg og að öllu leiti laus við þessa spéhræðslu og pempíuhátt sem hefur allt of lengi verið landslægur hér. Já, þetta hugsaði ég þegar ég las http://aftaka.org/ í gær, og ég er enn að hugsa það. Nú ætla ég að borða og svo bara verð ég að fara og gera eitthvað spennandi sem ég er hrædd um að ég eigi ekki að gera, en langar samt svakalega.

jæja, ekki vann nú spænska lagið, en skemmtilegt var það. júróvisjónpartýið okkar var líka skemmtilegt, og nú þarf ég að reyna að fara að sofa, en er andvaka af einhverjum ástæðum. sem er skrýtið, því ég svaf ekkert svo rosalega mikið í nótt (5-6 tíma kannski). Jamm, mánudagur á morgun og ég held ég eyði honum ekki til mæðu eins og segir í ljóðinu. Kemur Ljóni að knúsa mig og liggja oná hendinni minni. ætla að leyfa honum það og segja því góða nótt.

Ég held með þessu!

Yes, ég er aftur komin með rokkaramaga, sem þýðir að maður er ekki krankí og í brjáluðu skapi og meikar alveg stundum að láta líða marga marga klukkutíma á milli þess sem maður borðar. Ekki misskilja, ég borða hollt og ELSKA að borða góðan mat, en með aukinni neyslu ávaxta og grænmetis, miklu labbi undanfarið, og tedrykkju í stað kaffidrykkju, hefur eitthvað (gott) gerst. Ég þarf ekki að vera sífellt að úða í mig einhverju, bara einhverju. Borðaði tildæmis ekkert frá ca. 9.00 til 14.30 í gær og svo aftur ekkert milli 14.30 og 19.30. Tek fram að morgunmaturinn samanstóð af grænmetisdrykk og tveimur bönönum ásamt krús af grænu tei. Síðbúni hádegismaturinn var kínverskur núðluréttur með grænmeti og terryaki-sósu sem Elvar galdraði fram úr erminni. Þetta var bara svona hollt og gott að mér leið vel allan daginn. Rústaði því svo með því að fá mér Roastbeef-samloku og kókómjólk í kvöldmat, og eina sardínuítómatsósu-dós í náttverð þegar ég kom heim til mín klukkan 0100. John Fogerty er kominn í guðatölu hjá mér. Hvílík orka hjá manninum. 2 tímar og engin pása, bara nonstop rokk og ról. Og bara endalaust skemmtileg lög. Good shit!

Hvernig líður vika þegar maður deplar auga? Heyri í lóum, það er notarlegt. Rútu í Reykjavík á eftir, hitta fólk og teikna fólk og hlusta svo á fólk á tónleikum. Fólk, fólk, fólk snemma morguns, fólk, fólk, fólk, seint á kvöldin...Enginn latur í Latabæ, eða Vallarbæ. Það er komið sumar, 10 stig og sterkar vindkviður úti. Óliver er snillingur, sváfum yfir okkur í morgun, en hann er svo tjillaður og mikill töffari, að það var ekkert stress og bara gaman. Sko, þarna er lóukór aftur. Þetta ætti kannski bara að heita Lóuheiði.

Ég kann ekki að vera neitt annað en unglingur þegar ég horfi/hlusta á David Bowie. Var bara komin með skærin í hendurnar að fara að klippa hárið mitt í pönk-tjásur og gera göt á fötin mín, og pönka allt upp, bara við að horfa á þetta. Get ekkert að þessu gert, hann Bowie hefur bara svona áhrif á mig.

Fáum annað sem hefur svakalega brjálhvetjandi áhrif á mig:

Já, það er skemmtilegt að velta fyrir sér smæð landsins okkar. Síðustu ár hefur tveimur söngkonum með sama nafni oft verið ruglað saman, enda stundum báðar verið að syngja á sömu safndiskunum eða tekið báðar þátt í sömu söngvakeppni. Önnur hefur þá verið nefnd Heiða Idol, því hún tók þar þátt, en hin verið kennd við hljómsveitina Unun eða útvarpsstöðina Rás 2 sem hún vann á. Dæmi: Hitti Heiðu. Söngkonu? Já. Sem var í Eurovision. Já. Og Idol? Nei, sem var í útvarpinu...
Nú hafa mál flækst all-verulega. Aðalheiður Ólafsdóttir er nefnilega byrjuð að vinna á Rás 2, og því er eitt enn sem við eigum sameiginlegt, við nöfnurnar. Þá er spurning um að ég taki bara af skarið og skrái mig í Idol, til að rugla nú alla endanlega í ríminu. Hvenær er næsta Idol?

Og ég gef ykkur þriðjudag framkvæmdanna, gjöriði svo vel. Eða eins og vinur minn sagði: Do it now!

Ég var að fatta dáldið: Djöfull eru ég og Elvar heppin, ha. Við notum hvorugt kredidkort, eigum bílinn okkar skuldlaust (thanks to pa og ma, váhvað það er ótrúlegt öryggi), ég er byrjuð að greiða yfirdráttinn minn niður um 10 þúsund á mánuði, bara lækkar heimildin ósjálfrátt og auðvitað á maður aldrei pen, hvort sem maður á 10 þús. meira eða minna á mánuði. Þetta segir sig bara sjálft. Þegar það er peningur þá er honum eytt. Þegar það er ekki peningur, þá bara reddar maður því öðruvísi. En aftur að heppninni. Ég og Elvar, sumsé, við bara finnum enga þörf fyrir að eiga allt. Pæliði í því. Ég á nóg af öllu, þarf ekkert nema bara kaupa mat öðru hverju. Sjitt hvað það er góð tilfinning, og Elvar er svo sniðugur í sér, alltaf að föndra eitthvað og búa til lausnir fyrir heimilið. Já, hann er fullur af lausnum, hann Elvar. Og ég er full þakklætis fyrir allt það yndislega fólk sem ég er umkringd af, sem hjálpar og hjálpar og þá er allt svo létt og gott. Er að pæla í að grisja geisladiskana mína og selja helling, kannski svona einn þriðja, allir fara á 500 kall. Byrja að flokka í kvöld, og læt vita hér þegar kominn er djúsí pakki til að bjóða í. Elska ykkur, farin út að ganga í vindinum.

Jæja, kominn tími á almennilegt blogg. Ég hef nú breytt ýmsu síðan ég var í Kína: Hef ekki þörf fyrir að drekka kaffi nema lítið og sparí. Í staðinn fæ ég mér grænt te, helst jasmínu, og drekk það án mjólkur og hunangs. Þetta gefur manni fína orku, og slær á löngun í skyndibita og sætindi í tíma og ótíma. Keypti mér 2 útgáfur af jasmínute, eina hversdags og eina sparí, sem er eins og innpakkað blóm sem opnast í glerkönnunni, ótrúlega fallegt. Tók prufu á hversdagsteinu í gær, og það má fá sér 5-6 sinnum af sömu laufunum yfir allan daginn, og teið verður síst verra. Blómateið var prufað í dag, og sama má segja um það. Dásamlega bragðgott og hægt að nota blómið aftur og aftur án þess að það verði verra. Sverrir bassaleikari er minn helsti gúrú í te-fræðum en hann kolféll fyrir tedrykkju Kínverja og fjárfesti í nokkrum leirkötlum og fleirra fíneríi. Trikkið er að hella öllu vatninu af hverri lögun svo laufin verði ekki römm. Ég keypti einnig ferðatekrús með síu efst, og plasthanka til að auðvelda burð, og er nú farin að ferðast um allt með grænt te með mér. Þetta er eins og sniðið að mínum þörfum, því ég er oft á síðustu stundu og tek þá bara te í krús sem ég get sötrað í rútu á leið í bæinn. Stússuðumst í útréttingum í Rey í gær og Kef í dag, og svo er það bara löng helgi í ró og friði og næsta bæjarferð á þriðjudag. Bakið mitt er með besta móti, og tel ég að nálastungumaðurinn minn hafi hreinlega gert á mér kraftaverk. Ætla að reyna að hitta hann aftur í næstu viku og láta hann stinga úr mér mengunina sem virðist hafa komið með mér heim frá Kína, í formi kverkaskíts sem fer röddinni minni nokkuð illa...Annars er ég hress. Eruði ekki hress?

komin. svaf í 12 tíma, frá 6 til 6...

Rakst á þetta á vafri um netið: Þetta er rosa fyndið, því við höfum séð margt af þessu, á 2 dögum....

11 atriði sem sýna að þú sért búinn að vera of lengi í China:

Alcoholic beverages below 50% aren't strong enough
You spit on the floor (six months in China)
You spit on the floor in a restaurant (one year in China)
You spit on the floor in your own home (two years in China)
Putting hot shish kebobs directly into a plastic bag seems normal
Squat toilets feel more comfortable than the sit down ones
You forgot what 'Kung Pao' chicken tastes like
You rush to the hospital in a panic because you DON'T have diarhhea
You catch yourself saying Taiwan Sheng (台湾省)
"The sun? What sun?"
You can't access your own blog

er að blogga á http://www.ruv.is/poppland/, á meðan á ferðinni stendur. Allir þangað, ein færsla komin, önnur á leiðinni.

yo yo, komin með netið í gang og þetta virðist bara vera alveg að virka.

Á Heathrow. Frítt net, sit úti. Nú, allt gengur vel so far. Fengum okkur bacon & eggs á pubbnum, og nú sitjum við bara og tjillum, það er að segja Elvar, Sverrir og ég. Allir hinir kíktu inn í London. Við nennum því ekki, enda ellilífeyrisþegarnir í hópnum. Jamm. Næsta stopp, Kína.

Vá, ég er varla að trúa því að ég sé að fara til Kína á morgun...ha. En það er víst rétt og því verður lítið/ekkert bloggað hér næstu vikuna eða svo þar sem blogspot er víst lokað í Kína. Ég mun þó skrifa ferðasögu þegar næði gefst, og senda hana til elskulegra popplandsmanna, sem munu birta á vef sínum. Þetta verður nú meira ævintýrið, en það eina sem ég hef ákveðið só far fyrir utan að spila er að ég ætla að borða hund á veitingahúsi. Það verður nú spennó!

Ég yrði áræðanlega lögsótt ef ég segði frá því hér á netinu hvað mér raunverulega finnst um viðbrögð lögreglunnar, svo ég læt ykkur eftir að giska á öll stóru orðin. Ég er hreinlega í losti eftir að hafa horft á unga lögreglumenn sem hrópuðu rauðir í framan ,,gas, gas, gas,....", algjörlega búnir að missa raunveruleikatengingu. Lögregla í stríðsham, það er eitthvað nýtt á Íslandi. f***, f******, og f*******!

Það er eitthvað svo ótrúlega gott fyrir andann að lesa okursíðuna hans Doktor Gunna. Ég er að sjálfsögðu mjög fegin að fólkið í landinu er að nýta sér síðuna hans og segja frá öllu kjaftæðinu sem er í gangi. Það er nefnilega svo algengt að fólk borgi bara og þegji, og láti nær hvað sem er yfir sig ganga. Auðvitað er ekkert auðvelt að vera staddur í ástandi eins og því sem hefur skapast í efnahagsmálum á Íslandi, en það er reyndar afskaplega gott fyrir fólk að þurfa að fara að spá í eyðsluna og horfa í krónu og aur að nýju, sem er eitthvað sem afar okkar og ömmur kunnu sko sannarlega að gera. Þjóðverjar kunna líka til verka í þeim málum og í Berlín vandist ég á að lesa yfir miðann í búðinni og fá strax leiðréttingu ef eitthvað var vitlaust verðmerkt í hillu, eða óvart tvítekið. Það sparaðist reyndar lítið í Berlín því þeir eru nákvæmir og gera sjaldan villur, en á Íslandi "græði" ég (eða tapa ekki réttara sagt) nokkur hundruð krónur í hverri búðarferð, bara á því að lesa nákvæmlega yfir strimilinn. Fólk hefur gefið mér hornauga, en líkast til eru aðstæður í þjóðfélaginu loks orðnar þannig að ALLIR fari að gera þetta, enda munar alla um hvern hundrað kall. Mæli líka með að endurvinna dósir og plast og gler. Fæ sirka 1500-kall á mánuði, reyndar með styrktardósum frá Pabba og Mömmu sem gefa okkur sínar.
Allir að kíkja á okursíðu Gunna, og læt hér fylgja með ÓTRÚLEGT dæmi af henni:

#484 Vélin í Peougot mínum ofhitnaði uppúr öllu valdi í lausagangi á fimmtudaginn og fór ég með bílinn í Bernhard á föstudagsmorgni til að laga kælikerfið og skipta í leiðinni um bilaðan ABS skynjara við hægra framhjólið. Ég valdi Bernhard þar sem þeir eru umboðsaðilar Peougot og væntanlega með helstu Peougot sérfræðinga landsins innan sinna vébanda. Mér var tjáð að bílinn yrði tilbúinn fyrir fjögur.
Klukkan 15.49 var hringt frá Bernhard, ég náði ekki að svara en ég hringdi 4 mínútum síðar og talaði við konuna á símanum sem sagði mér að það væri viftan í kælikerfinu sem væri biluð, hún kostaði ný 55 þúsund kr en hún hefði ekki verið til, frekar en abs-skynjarinn sem kostaði annars 24 þúsund kr. Svo tilkynnti hún að ég hefði 5 mínútur til þess að sækja bílinn því þeir væru að loka, ég sagðist ómögulega geta náð því á svo skömmum tíma og benti á að 11 mínútna fyrirvari væri ekki langur til að sækja bíl, bíllaus. Þá fullyrti hún að það þeir á verkstæðinu hefðu verið að reyna ná í mig af og til í allan dag. (sem var hrein og klár lygi enda enginn missed calls á símanum). Ég spurði hvort ekki mætti setja lyklana í bílinn og ég gæti sótt hann innan klukkutíma. Þá tjáði hún mér að það gengi ekki því ég þyrfti að gera upp...

- Ha?, hváði ég, en þið gerðuð ekki við neitt?
- Já, en það fóru 2 vinnutímar í þetta, sagði Bernhard-konan
- Bíddu ertu að segja mér að það hefði tekið helstu Peugot sérfræðinga landsins, sem fengu það vita að kælikerfi bílsins væri í ólagi 2 klst að finna út að viftan í kælikerfinu væri sökudólgurinn?
- Þeir gerðu meira en það, þeir þrýstiprófuðu, var svarið.
- Nú jæja, og hvað á ég að borga?
- 17.800 kr. Ég get farið með lyklana til varahlutaverslunarinnar, það er opið þar til 18:00 þú getur borgað þar.

17.800 kr þurfti ég að borga Bernhard fyrir að komast að eftirfarandi:
* Bernhard lýgur að viðskiptavinum sínum um hvenær og hversu oft þeir hringja í fólk
* Bernhard á afskaplega lélegan lager af varahlutum, af tveimur hlutum sem mig vantaði áttu þeir hvorugan.
* Bernhard er með mikla sérfræðinga á sínum snærum sem borga þarf 17.800 kr fyrir að komast frá vitneskjunni: ,,kælikerfið í bílnum er bilað” yfir í ,,viftan í kælikerfinu er biluð”.
* Bernhard finnst 11 mínútur fínn fyrirvari fyrir fólk að geta sótt bílinn sinn á föstudegi.
* Ég mun frekar eiga bílaviðskipti við Ástþór Magnússon og Osama Bin Laden en Bernhard í framtíðinni.

Mér fannst þetta svo dásamlega absúrd, siðlaust og svæsið að ég ákvað borga peninginn athugasemdalaust og kaupa konfektkassa handa starfsmönnum Bernhard fyrir að leyfa mér að upplifa raunveruleika sem er fáránlegri en allar lygasögur um okur. 17.800 kr er kannski ekki svo mikið fyrir jafnfáránlega sögu og þessa.

ja, ég ætlaði nú að skrifa eitthvað hér í gærkvöldi en svo nennti ég því ekki svo ég bara endaði á að lesa hina bloggarana. Týpískt andlaust eitthvað. Ég gæti lýst kvöldmatnum mínum í gær: oeuf á la coque (linsoðið egg með smurðum brauðstrimlum sem er dýft út í), ristað brauð með kotasælu og söxuðum gúrkumogtómötum salti og pipar, te með mintu og vatnsglas. Þar hafiði það, æsispennandi. Kannski bara framhaldssaga...?

Burnt sienna, það er málið. Þegar ímyndin tekur á sig mynd þá er komin saga og svo bara klára ég hana með burnt sienna. Á við, sem á við. Ekkert brenndan samt, þótt málningin heiti svona skemmtilegu nafni. Viðurinn fannst úti. Myndin er til, og sagan í hausnum á mér. Held bara ótrauð áfram.

Skemmtilegt að gerast í Grindavík í kvöld:

Fundur verður í Kaffi Grindavík á sunnudagskvöld 6.apríl kl.20.
Fundarefni: Efnahagsvandinn og tillögur Vinstri grænna.

Allir að mæta.

Skilaði mikilvægri möppu á föstudag, og er búin að liggja á hitapokum eða í baðkerum/heitum pottum síðan, alveg bókstaflega. Það er nokkuð fínt bara. Búin að horfa á fullt af myndum (t.d. Sin city sem ég hafði aldrei séð, frábær!), og lesa 2-3 bækur eða svo. Gera óteljandi sudoku-þrautir. Það er bara ekki hægt að liggja og gera ekki neitt. En ef ég geri eitthvað er mér illt svo.....Bara liggja, stay put, play dead, lie down, halda kyrru fyrir, vera ekki gera, hjammmmmm. Fór í einn göngutúr (stuttan) í dag. Búin á því eftir það, en samt gott að hreyfa sig aðeins. Verð að skoða líkamann í fyrramálið og kanna hvort ég eigi að mæta í vinnu. Hm. Hmmmmm. Hmmmmmmmm. Hugs.

Uppfærsla frá síðustu viku eða svo:
Miðvikudagur 19.03: Var keyrt á mig, þegar ég beið á biðskyldu. Rotaðist í nokkrar sekúndur. Alveg ný lífsreynsla það. Abbababbæfing sama kvöld var helvíti hress.
Fimmtudagur 20.03: Náði að skila umsókn um Loftbrú fyrir alla sem eru að fara til Kína. Hellvar-æfing um kvöldið. Hressleikinn aðeins farinn að dvína, sökum bak og hálsverkja. Áfram verkjapillur!
Föstudagur 21.03: Flogið á Ísafjörð. Kragi milli þess sem spilað er. Svaf í 4 tíma, vaknaði til að borða á Langa Manga, svo bara aftur að sofa.
Laugardagur 22.03: Hámark hamingjunnar náð. Tvö gigg, Abbababb, hálftími í pásu, Hellvar. Hélt ég næði ekki að klára þetta, samt tókst það... Súpa hjá Höllu og Þresti gerði mér gott. Heim í langa sturtu var líka gott. Svo fór ég og sá nokkur bönd spila, svo bara aftur til baka á Flateyri.
Sunnudagur 23.03: Hress. Sund, heiti pottur og gufa í 2 tíma. Hélt þetta væri sko bara búið, og skellti mér því í popparapáskamat hjá Papa mugi. Maturinn og drykkirnir voru til fyrirmyndar, og ég hressust að stökkva upp á svið og syngja hitt og þetta. Vagninn á Flateyri var líka magnaður, og þegar ég fór að sofa uppúr 4 hélt ég að nú væri ég læknuð.
Mánudagur: 24.03: Ekki læknuð, þegar hausverkur sökum bjórdrykkju var farinn var því miður annar verkur eftir, bak og axlir ennþá ósátt við áreksturinn.
Þriðudagur: Reyndi að taka ekki verkjalyf, til að athuga hvort ég meikaði það. Gerði það alls ekki og tók parkódín hjá pabba klukkan hálf-fjögur. Nú þegar þetta er skrifaði finn ég eiginlega ekki að það sé neitt að virka. Ætla í jóga og skoða hvort það sé ekki málið. Bíllinn kemst á verkstæði eftir tvær vikur. Verð á rútu þangað til. Viðgerð metin á 261 þúsund. Eins gott ég var í 100% rétti. Verð að fá batn fljótlega, því ég þarf að gera svo margt. Möppu...og nokkur ný lög með Hellvar... og bara alls kyns.

Sósíalistinn lætur renna í bað...

Ég er alveg bara búin að vera. Veik.

Það er ekki lengur mán
udagur í mér
ég hef verið mikið án
þess að sofa hér
á morgun verður kominn fim
tudagur á ný
gítar spilar dúr og dim
ég syng dirrindý
síðan er það aftur fös
tudagur sem birtist
hor mitt sýg ég upp í nös
við það enginn firtist
að lokum eru laugar- og sunnu-
dagarnir í frí
þá mun ég sofa (ekki hjá gunnu)
svo byrjar allt á ný

Monday, Monday
Tell me why - I don't like Mondays
Fer ekki í vinnuna fyrr en á, fyrr en á, mánudaginn!
Mánudagur, þriðjudagur kerling sat og spann,
Monday morning feel so bad.
Já, þetta er víst júníversal fílíng.
Það ætti að gefa fólki frí fyrir hádegi á mánudögum, þá væri ekki eins kaldranalegt að fara af stað eftir ljúflingshelgi.
Draugasetur og álfa- og tröllasetur. Sund og hamborgari. Eitt Guggupartý. Góðir gestir. Smá æfing í rokksteiktu æfingarhúsnæði. Nú: Lífsins ólgusjór, sem er ansi úfinn.

Mig langar í svona: http://www.dancestore.com/1pjs.html
Þetta eru náttföt, sérstök. Ég er sko ótrúlega til.

Það er rólegt þótt allt sé á fullu að venju. Teikna, jógast, og eins og Laddi: Dansa, veifa, húkka bíl og hnerra, ganga, synda, greiða sér, klóra sér á bakinu og hnykla vöðva. Enda er ég Súperman, eða sko það sem hljómar betur: Super mucher (kona á spænsku). Ég fékk evru afslátt einu sinni af instant supermantattúi sem ég fékk mér á ströndinni á Spáni, því ég sagði: Yo soy super mucher! Konan sem var að gera tattúin var ýkt ánægð með mig og sló evru af verðinu.

Hér eru ég og ésú í kirkju. Ég er sú sem held á gítarnum.

Hehehehe!

Þegar ég vaknaði í morgun gerði ég mér grein fyrir því hvað lífið getur verið fallegt. Eftir óveður kemur logn (eða næstum...) og eftir svört ský kemur bara sólskin. Út um gluggann sé ég leikvöll og sólskin og það er von á góðum gestum og saman förum við í hlý föt og könnum nokkra leikvelli. Verðum að sjá hvernig ástandið er á sleðabrekkunni, og bara keyra aðeins um líka og sjá hvernig veðrið hefur farið með bæinn okkar. Það er ótrúlega merkilegt hvað síðustu dagar hafa snúist um frumstæða hluti. Að komast í vinnu og úr henni, að ná í búð og versla vistir áður en veðrið lokar öllum götum. Að ná að keyra Óliver í skólann eftir krókaleiðum og taka hálftíma í það, því sumar götur lokuðust með snjó og snjómokstursdeildin hreinlega hafði ekki undan að opna þær áður en allt fór á sama veg. Mikið er merkilegt að búa hérna. Næstum ævintýralegt návígi við náttúruna og veðurfar. Þótt það skapi vandræði er líka afskaplega gaman að upplifa þetta svona sterkt. Ég meina, það er ekki sjálfgefið að komast í vinnu eða í búð. Þá er allt í einu spennandi að lifa.

...og nú er ég veik, en laus við táfýluna.

Það er veikur strákur og veikur maður hérna á heimilinu. Ég er ekki veik, en það er táfýla af mér. Farin í bað. Spilaði á Akureyri á laugardagskvöld. Kynntist skemmtilegu fólki. Gunni í Populus Tremula er æði, og líka Siggi sem er flottasti bóhem á landinu. Svo eru parið Maja og Halli frábær. Kristín þjóðfræðingur heillaði alla og sýningin hans Steins var að vekja mikla eftirtekt. Já, það er allt að gerast á Akureyri.

Vó það eru 75 manns í að 30 þúsund hafi skoðað síðuna mína síðan hún var stofnuð árið 2003 eða 2004. Man alla vega það var um vorið. Missti af því að halda upp á ársafmæli og hef ekki pælt í því síðan. En ég fékk mér, nota bene, ekki teljara fyrr en eftir ég kom heim frá Berlín, í lok 2005. það eru því rúm tvö ár. 30.000. Það eru 15.000 á ári. Það eru því 1250 á mánuði, ja eða ríflega 41 sem skoðar síðuna á dag. Nokkuð sátt. Svo veit ég að mamma og pabbi skoða nokkuð reglulega....hehehe. Gaman aðððesssu. Sá sem er númer 30 þúsund verður eiginlega að kommenta sko.

Ég verð að segja að bloggarinn, vinur okkar og Hellvar-aðdáandinn Wim Van Hooste er alveg ótrúlega sniðugur að finna hluti á netinu. Hann verður að teljast með fróðari mönnum um íslenska tónlist, og oft mjög gaman að lesa og skoða síðuna hans. ,,Hvað gerir hann næst?" er sú tilfinning sem ég fæ stundum. Mjög gaman að sjá eiginhandaáritaðan Bat out of Hellvar á síðunni í dag, og svo mundi hann eftir afmælisdeginum mínum! Takk Wim!

Vampírupartý hjá mér næsta föstudag. Ef þú lest þetta og hefur ekki fengið boð frá mér en langar í vampírupartý skaltu bara koma. Leggðu inn ímeil í komment og ég mun senda þér addressu um hæl. Ég þarf að komast í þúsund og eina nótt á eftir og kaupa mér vampírutennur, og svo verð ég að fjárfesta í nokkrum beljum af rauðvíni, því það lítur út eins og blóð án þess að vera blóð. Verst ég á bara 2 rauðvínsglös. Hér með óska ég eftir að fá lánuð rauðvínsglös, nú eða bara að fólk taki með sér glös í partýið og fari svo með þau heim að notkun lokinni. Annars er lífið gott. Er að verða 37 ára og finnst ég fáránlega ung. Tilfinningin mín er að ég sé mun yngri en þegar ég varð 27, spáið í því. Það er nefnilega svo gaman að vera búin að læra að maður er eins ungur og maður hegðar sér. Það er ekki árafjöldi líkamans heldur hvað andinn er að framkvæma. Vúhú, í kvöld ætla ég að fara að búa til blanddiska með blóðugum lögum....vildi að Albert væri á landinu, og sendi honum hér með saknaðarkveðjur til Finnlands.

Er ekki bara að komast kraftur í kellu? Tja, ég ætla svo sannarlega að vona það. Er að skrifa, fer svo að syngja, svo aftur að skrifa, og annar í kanagufu verður vonandi tekinn eftir vinnu í dag. GuggThelm og allir hinir velkomnir að djoina. Kannski bara maður skelli sér á smá hlaupabretti fyrst og svo í gufusvitn. Já, allavega veikin búin. Svaf í tæpa níu tíma í nótt, vaknaði samt syfjuð. Hlustaði á Klaus Nomi fyrir svefninn, Wasting my time er stórbrotið. Hlustaði á Iggi Pop plötu frá örlí Eydís á leið í vinnu, Party eitthvað heitir hún. Gott tað! Teikninámskeið byrjar á mánudag næsta. Það verður spennó.

Er með flensu númer 59.834, nóg til að vera slöpp, ekki nóg til að sofa bara útí eitt með háan hita og sjá sýnir í móki, semsagt ekkert fútt. Hitalæðingur sem skilar sér í þreytu og slappleika. Kvef, hálsbólga, jafnvel smá svimi....og svitabað. Svimi svitabað er það ekki lag með Millunum? Er að reyna að lesa Þjónn, það er Fönix í öskubakkanum mínum! eftir Eirík Örn Norðdahl og hún er virkilega áhugaverð og skrýtin. Gott að missa þráðinn og dotta yfir þessari bók, og vakna svo og opna hana annars staðar og lesa eitthvað annað skrýtið og skemmtilegt. Ég er ekki að reyna að segja að hún sé bara góð til að sofna út frá!!! Bara á einhvern veginn vel við mig núna að sofna yfir bókum, eða dotta yfir þeim. Ég leiðist! Mér leiðist ég. Ég þarf að komast í gufu, þá fara bakteríurnar veg allrar veraldar. Kanagufa í íþróttahúsi í kvöld, eníboddí?

Öppdeit síðustu vikna er náttúrulega bara löngu orðið tímabært, en svo mikið hefur á daga mína drifið að ég veit ekki hvar ég á að byrja. Ok, erum að flytja á Skógarbraut 926, allir að drífa sig í kaffi. Líklega bara um 2 bílfarfar af dóti eftir, og svo að drífa sig að þrífa Suðurgötu og selja hana svo einn tveir og þrír. Hef ekkert við þessa íbúð að gera núna, ætla að búa á hinum staðnum næstu árin. Líður strax eins og heima hjá mér þarna. Vítt til veggja, nægt pláss til að hugsa, hægt að vera saman í kósí, og líka í sundur í prívati. TVÖ baðkör svo tveir geta fengið þá snilldar hugdettu á sama augnablikinu að fara í bað, og enginn þarf að bíða. Hefur náttúrulega ekki gerst enn, en hvað veit maður? Rúturnar í Rvík alveg að svínvirka. Ég prufaði í fyrsta sinn í gær, og ég var ekki nærri eins þreytt þegar ég kom til baka, og hafði orku í að gera helling heimavið.
Hápunktar síðasta ár fyrir mig: Sá New York í fyrsta sinn og kolféll. Keypti Lomo-myndavél og elska hana. Örugglega fullt af annari snilld, en þetta er svona ferskast. Já, náttúrulega að koma Bat out of Hellvar út, undir formerkjum ferskasta útgáfufyrirtæki landsins, Kimi Records. Það er ekki slæmt heldur. Berlínartúrinn með Óliver innanborðs slagaði nú hátt upp í mæli fullkomins ferðalags, og Gugga babysitter er hér með komin með æviráðningu, enda þau hvílíkt að ná saman, bæði börnin! Séykkur.

Er flutt, er alveg að fara að sofa fyrstu nóttina. Loks að hætta að ganga frá dóti, og við erum svona kannski hálfnuð að ná í dót. Mikið eftir en versta búið, alveg eins og það á að vera. Ótrúlega spennandi!!!!